பச்சைப்புடவைக்காரி -சீதையின் கண்களால் தெரியக்கண்டேன் ராமா ! 23 - 248

                                             பச்சைப்புடவைக்காரி

என் எண்ணங்கள்

சீதையின் கண்களால் தெரியக்கண்டேன் ராமா ! 23

(248) 👍👍👍💥💥💥

ரவி , அனுமன் சீதையை இலங்கையில் தேடிக்கொண்டிருக்கட்டும் - 

உனக்கு இன்று அதிகம் தெரியாத ஒரு சம்பவத்தை சொல்லப்போகிறேன் -- 

அனுமன் ராமனின் நம்பிக்கையை எவ்வளவு தூரம்  பெற்றிருக்கிறான் என்பது தெரியவரும் 

அனுமன் பராக்கிரமம் முழுவதையும் சொல்லவோ எழுதவோ முடியாது 

அவனுடைய வால் போல் நீண்டுகொண்டே போகும். அவனாக நம் மீது இரக்கப்பட்டு போதுமே என்னைப்பற்றிப் பேசியது என்று சொன்னாலேத்  தவிர நம்மால் நிறுத்தவும் முடியாது .. 

சொல்லுங்கள் தாயே - உங்களிடமிருந்து புதுப்புது விஷயங்களைத் தெரிந்துகொள்ள மிகவும் ஆவலாக இருக்கிறேன் ..

இதுவரை இரண்டு கைகள் கொண்ட ஆஞ்சநேயரைத் தான் தரிசித்திருப்பீர்கள். 

ஆனால், பத்து_கைகள், மூன்றுகண்கள் கொண்ட ஆஞ்சநேயரைத் தரிசிக்க வேண்டுமானால், நாகப்பட்டினம் மாவட்டம் திருக்கடையூர் அருகிலுள்ள அனந்தமங்கலம் ராஜகோபால சுவாமி கோயிலுக்குச் செல்ல வேண்டும்

இலங்கையில் யுத்தம் முடிந்து ராமர் அயோத்தி திரும்பும் வழியில் பரத்வாஜ முனிவரின் ஆசிரமத்தில் தங்கினார். 

அப்போது அங்கே வந்த நாரதர் ராமனிடம்,"இலங்கையில் யுத்தம் இன்னும் முடிவடையவில்லை. 

உனது வில்லுக்கு இன்னும் வேலை உள்ளது. அரக்கர்களின் வாரிசுகள் சிலர் உயிருடன் உள்ளனர். 

அவர்கள் ராவணனின் அழிவால் மிகுந்த கோபத்துடன் உள்ளனர். பழிக்குப்பழி வாங்கும் வகையில் உன்னை அழிப்பதாக சபதம் செய்துள்ளனர். 

இரக்கபிந்து, இரக்தராட்சகன் என்ற அசுரர்கள் கடலுக்கடியில் தவம் செய்து கொண்டிருக்கின்றனர். இந்த தவம் பூர்த்தியானால் இறந்து போன அனைத்து அசுரர்களும் உயிர் பெறுவார்கள். எனவே நீ அவர்களை அழித்து தவத்தை முற்றுப்பெறாமல் செய்ய வேண்டும்,''என்றார்.

உடனே ராமன், ""மகரிஷியே! அந்த அரக்கர்கள் அழிக்கப்பட வேண்டியவர்கள் தான். ஆனால், குறிப்பிட்ட காலத்திற்குள் அயோத்தி திரும்பாவிட்டால் தம்பி பரதன் தீக்குண்டத்தில் இறங்கி உயிரை விட்டு விடுவான். எனவே நீங்கள் வேறு யார் மூலமாவது அசுரர்களை அழிக்க ஏற்பாடு செய்யுங்கள்'' என்றார். 

அதற்கு நாரதர் தன்னுடன் லட்சுமணனை அனுப்பும்படி கேட்டார். "லட்சுமணன் என் நிழல் போன்றவன். அவனை அனுப்ப என்னால் முடியாது. இதற்கெல்லாம் சரியான நபராக ஒருவர் இருக்கிறார். அழியா வரம் பெற்றவரும், அளவிலா ஆற்றல் பெற்றவரும், அஷ்டமா சித்திகள் கற்றவருமான அனுமனை அனுப்புகிறேன்,'' என்றார்.

திருமால் அனுமனுக்கு சங்கு, சக்கரத்தை கொடுத்தார். 

பிரம்மா பிரம்ம கபாலத்தை கொடுத்தார். 

ருத்ரன் மழு (கோடரி)தந்தார். 

ராமன் வில்லையும் அம்பையும் கொடுத்தார்.

 

இந்திரன் வஜ்ராயுதத்தை கொடுத்தார்.

 

கருடன் தனது பங்கிற்கு இறக்கைகளை கொடுத்தார். 

இப்படி தெய்வங்கள் வழங்கிய ஆயுதங்களுடன் ஆஞ்சநேயர் பத்து கரங்களில் பத்து விதமான ஆயுதங்களுடன் காட்சிதந்தார். 

சிவன், தனது சிறப்புக்குரிய நெற்றிக்கண்ணை வழங்கினார். 

இந்த ஆயுதங்களுடன் அனுமன் புறப்பட்டு கடலுக்கடியில் தவமிருந்த அசுரர்களை அழித்து அயோத்தி திரும்பினார். 

திரும்பும் வழியில் கொண்டு சென்ற ஆயுதங்களுடன் ஆனந்தமயமாக இத்தலத்தில்தங்கியதால் "ஆனந்தமங்கலம்' என பெயர் பெற்றது. 

நாளடைவில் அனந்தமங்கலம் ஆனது. 

அனுமன் எந்த குற்றச்சாட்டுக்கும் ஆளாகாதவர். தலைவன் இட்ட பணியை சிறப்பாக முடித்தவர். அனுமனைப்போல் ஒரு செயல் வீரனை இந்த உலகில் பார்ப்பது கடினம். 

அனுமனை வழிபாடு செய்பவர்களுக்கு எந்த கிரக பாதிப்பும் தோஷமும் இருக்காது. இவருக்கு வெண்ணெய்க் காப்பு சாத்தி, வெற்றிலை மாலை அணிவித்து வழிபட்டால் நமது குறைகள் வெண்ணை உருகுவது போல் உருகி விடும்.

அம்மா , ஆஞ்சநேயர் தாயாரை கண்டு பிடித்தாரா ? 

சொல்கிறேன் -  

கொஞ்சம் கொஞ்சமாக தன் மீது இருந்த நம்பிக்கை அனுமனுக்கு குறைந்துகொண்டே போனது -- 

இதற்கு காரணம் இலங்கையின் வடிவமைப்பு -- 

எங்கு சுத்தினாலும் அது மீண்டும் ராவணனின் மாளிகைக்கே கொண்டுபோய் விட்டு விடும் - 

பார்த்த அரண்மனைகளை தெருக்களையும் எவ்வளவு தடவை மீண்டும் மீண்டும் பார்ப்பது -- 

அசதியாக இருந்தது அனுமனுக்கு - ஜாம்பவான் சொல்லித்தந்த சுலோகம் ஞாபகத்திற்கு வந்தது - உரக்க தனக்குள் மூன்று தடவை சொல்லிக்கொண்டான் 

ஸ்ரீ  வித்யா   மந்த்ர   ரத்னா    ப்ரகடித   விபவா  ஸ்ரீ   ஸுபலா     பூர்ண   காமா   ஸர்வேஸ      பிரார்த்திதா  ஸகல    ஸுரநுதா   ஸர்வ   ஸாம்ராஜ்ய   தாத்ரி  லக்ஷ்மீ   ஸ்ரீ   வேத   கர்பா  விதுரது   மதிஸா      விஸ்வ   கல்யாண பூமா   விஸ்வ   க்ஷேமாத்ம   யோகா   விமல   குணவதி   விஷ்ணு    வக்ஷஸ்தலஸ்தா 

மரங்களின் கிளைகள் அசைந்தன - அசைந்த கிளைகளில் உள்ள இலைகள் கொஞ்சம் நகர்ந்தன -- 

அங்கே அனுமன் பார்த்தது  அண்ட சாராசரங்களை படைத்தவள் அண்டமுடியாத அரக்கிகள் கூட்டத்தின் நடுவே !!

சிதக்கனி குண்டத்தில் இருந்து வெளி வந்த ஸ்ரீ லலிதையைப்போல்  கோடி சூரியர்களின் காந்தியைப்பெற்றவளாக அமர்ந்திருந்தாள் இருக்கிறாள் ... 

சிதக்கனி குண்டத்தில் இருந்து வெளி வந்த அம்பிகை கோடி சூரியர்களின் காந்தியைப்பெற்றவளாக இருக்கிறாள் ... உத்யத்பானு ஸஹஸ்ராபா - ஆயிரக்கணக்கான உதயசூரியன் போன்ற செம்மை நிறம் கொண்டவளாக இருந்தாள் .

சூரியன் உதிக்கும் போது அவன் தேரோட்டி அருணன் வானத்தில் பரவுவதைப்போல் அன்னை வரும் முன் அவள் கருணை அனுமன் அமர்ந்திருக்கும் இடம் நோக்கி ஆனந்தலஹரியைப்போல் அலை அலையாக வந்தன 

கதிரவன் தினம் உதித்து எல்லோருக்கும் நம்பிக்கை தரக்கூடியவன் ..  

அதுபோல் அன்னை எல்லோருக்கும் நம்பிக்கை தரக்கூடிய வண்ணம் கோடி சூரியர்களுக்கும் மேலான ஒளியுடன்  அங்கே அமர்ந்திருந்தாள் . 

அனுமன் தன் கண்களை கசக்கிக்கொண்டான் - 

அவள் அருள் இல்லாமல் அவள் தரிசனம்  கிடைக்காது என்பது அனுமனுக்கு நன்கு புரிந்தது .. 

அனுமனின் நெஞ்சில் ஒரு எண்ணம் வேகமாக ஓடியது. 

அன்னை அமர்ந்திருக்க இந்த இலங்கை எவ்வளவு யுகங்கள் புண்ணியம் செய்திருக்கும் ? 

மாணிக்க கல்லை இங்கே இருப்பவர்கள் கண்ணாடி கல்லாக  நினைத்து அன்னையின் அருமையை தெரியாமல் இருக்கிறார்களே -- 

கூடவே ராமனின் நினைப்பும் வந்தது அன்னை ராமனுடன் இல்லாதது ராமன் செய்த மிகப்பெரிய பாவமாக அவனுக்கு புலப்பட்டது ..

அம்மா நேரில் சீதையை பார்த்த த்ருப்தி இன்று எங்களுக்கும் கிடைத்தது தாயே -- புன்னகை மலர்கள் தாமரை மலர்கள் போல் அங்கே மலர்ந்து இருந்தது  - அன்னை அண்ணா நடை போட்டுக்கொண்டு அகன்று சென்றாள் 

ஸம்ஸாரபங்க நிர்மக்ன ஸமுத்தரண பண்டிதா |सम्सार-पङ्क-निर्मग्न-समुद्धरण-पण्डिता  - அம்பாள் நம்மை சம்சார பந்தங்களிலிருந்து விடுவிப்பவள்.   ஸம்ஸாரம்  என்றால்  மனைவி என்று அறிவோம். ஆனால்  மனைவி மக்களோடு சுற்றங்களோடு வாழ்கிறோமே அந்த உலக வாழ்க்கை தான்  ஸம்ஸாரம் .  

அதில் பொருளீட்டுவது தான் முக்கியமான அம்சம். அதற்காக எதை செய்யவேண்டுமானாலும் தயங்குவதில்லை. அவள் மீது மனதை பதித்தால் அவள் அருளால்  இந்த ஸம்ஸார பந்தம் நீங்கும் என்று  அனுபவசாலிகளான  யோகிகள் கூறுகிறார்கள். கிருஷ்ணன் அர்ஜுனனிடம் சொன்னதை  காது கேட்கிறதா? ''அர்ஜுனா, என் மீது மனதை செலுத்தியவனை  வெகு விரைவாக  நான் பிறப்பு இறப்பு  எனும் பெருங்கடலிலிருந்து விடுவிப்பேன் “(Gīta XII.7)

யஜ்ஞப்ரியா  यज्ञ-प्रिया  -   ஸ்ரீ லலிதை யாகங்களில் பக்தர்கள்  அர்ப்பணிப்பதை  விரும்பி ஏற்பவள்.  நவாவரண பூஜை யாகங்கள் அதனால் தான் ஸ்ரேஷ்டமானவை. 

ஜ்ஞகர்த்ரீ   यज्ञ-कर्त्री    - யஞம்  என்பது  அர்ப்பணிப்பது . எஜமானி. எஜமானனின் மனைவி அவள்.  யாகத்துக்கு சொந்தக்காரி. நமது வீடுகளிலே  வைதிக காரியங்கள்  மனைவி இல்லாமல் துவங்க முடியாது. யாகங்கள்  மூன்று அக்னியினால், தீயால் உருவாகுபவை .  

ஆஹவனீயம், காருகபத்யம், தக்ஷிணாக்னி.   வீட்டில் உபயோகப்படும் அக்னி. யாகங்களில் மூட்டப்படுவது, மூன்றாவது தென்திசைத்தீ.  எல்லாமே  களிமண் யாக குண்டத்தில். முற்காலத்தில் நமது வீடுகளில் அடுப்பு களிமண்ணால் செய்யப்பட்டு உபயோகித்தது ஞாபகம் வருகிறதா?  இந்த அக்னிகளை வளர்ப்பவன் அக்னிஹோத்ரி.