அபிராமி அந்தாதி .. பாடல் 7 ததியுறு மத்தின் சுழலும் என் ஆவி

                                    பச்சைப்புடவைக்காரி -448

அபிராமி அந்தாதி 

பாடல் 7

ததியுறு மத்தின் சுழலும் என் ஆவி (பாடல் 7)

ததியுறு மத்தின் சுழலும் என் ஆவி தளர்விலதோர்

கதியுறு வண்ணம் கருது கண்டாய் கமலாலயனும்

மதியுறு வேணி மகிழ்நனும் மாலும் வணங்கி என்றும்

துதியுறு சேவடியாய் சிந்துரானன சுந்தரியே

ததியுறு மத்தின் சுழலும் என் ஆவி - 

தயிரைக் கடையும் மத்தின் சுழற்சியில் அகப்பட்டு இங்கும் அங்கும் சுழலும் தயிரைப் போல் என் உயிரும் பிறப்பு இறப்பு என்னும் சுழலில் அகப்பட்டு மயங்குகிறது.

தளர்விலது ஓர் கதியுறு வண்ணம் கருது கண்டாய் - 

அப்படி நான் மயங்காத வண்ணம் ஒரு நல்ல கதியை அடையும் வண்ணம் அருள் புரிவாய்.

கமலாலயனும் - 

தாமரை மலரில் வீற்றிருக்கும் பிரம்மனும்

மதியுறு வேணி மகிழ்நனும் - 

நிலவை தன் முடியில் அணிந்திருக்கும் உன்னுடன் மகிழ்ந்திருக்கும் சிவபெருமானும்

மாலும் - திருமாலும்

வணங்கி என்றும் துதியுறு சேவடியாய் - 

என்றும் வணங்கி போற்றுகின்ற சிவந்த திருவடிகளை உடையவளே

சிந்துரானன சுந்தரியே - 

சிந்துர திலகம் அணிந்த முகத்தை உடைய பேரழகியே!

தாமரை மலரில் வீற்றிருக்கும் பிரம்மனும், நிலவை தன் முடியில் சூடும் உன் மகிழ்நனும், திருமாலும் என்றும் வணங்கி போற்றுகின்ற சிவந்த திருவடிகளை உடையவளே! 

சிந்துர திலகம் அணிந்த முகத்தை உடைய பேரழகியே! தயிரைக் கடையும் மத்தின் சுழற்சியில் அகப்பட்டு இங்கும் அங்கும் அலையும் தயிரைப் போல் என் உயிரும் பிறப்பு இறப்பு என்னும் சுழலில் அகப்பட்டு துன்புறுகிறது. 

அப்படி நான் வருந்தாத வண்ணம் ஒரு நல்ல கதியைக் கொடுத்து அருள் புரிவாய்.

மேலான பொருள்:

தாமரை மலரில் உறைகின்ற பிரமதேவனும், பிறைச் சந்திரனைச் சிரசில் தரித்த உன் பாதியாகிய சிவபிரானும், 

பாற் கடலில் பள்ளி கொண்ட திருமாலும், 

வணங்கி எந்நாளும் துதித்து மகிழும் செம்மைமிக்க திருவடிகளையும் செந்தூரத் திலகமணிந்த திருமுகத்தையும் கொண்ட பேரழகுமிக்க அன்னையே! 

தயிர் கடையும் மத்தைப் போல, பிறவிக் கடலாம் சுழலில் சிக்கி அலை யாமல், 

ஒப்பற்ற பேரின் நிலைலை நான் அடையும்படி  திரு வுள்ளம் கொண்டருள்வாயாக! 

ததியுறு மத்திற் சுழலும்

அந்த காலத்தில் தயிர் மத்தை வைத்து அதிகாலையில் கடைய ஆரம்பிப்பார்கள் ..

அதில் வெண்ணெய் திரண்டு வரும் ..

பட்டர் ..அம்மா இந்த உலகம் ஒரு தயிர் கடையம் .. என் உயிர் தான் தயிர் .. அதை கடையும் மத்துதான் என் வினைப்பயன் .. அந்த வினைப்பயன் என் ஆத்மாவை வலது பக்கமாகவும் இடது பக்கமாகவும் மாறி மாறி கடைகிறது ..

அந்த தயிர் படும் வேதனையப்போல் என் ஆத்மா துடிக்கிறது ..

இதை கடைபவளும்  நீதான் ஏன் கடைகிறாய் தெரியுமா? 

முக்தி எனும் வெண்ணையாக நான் மாற ..

என்னை வெண்ணெய்யாக மாற்ற நீ படும் துன்பங்கள் எக்கச் சக்கம் .

உன் கருணையில் உருகி விடுகிறேன் தாயே !💐💐💐

என் ஆவி தலர்விலதோர்

என் ஆவி முக்தி அடையும் வரையில் கொஞ்சமும் தளர்வடையாமல் என்னை கடைகிறாய் ..

வலி அதிகம் தான் ஆனால் அதனால் விளையும் பலன்களோ மிக அதிகம் 🍇🍇🍇

கதியுறும் வண்ணம் கருது கண்டாய்

அவள் கடையாவிட்டால் மத்துக்கு  வேலை இல்லை ..வெண்ணெயும் வராது ..அம்மா என் ஆத்மா பல பிறவிகள் எடுத்து களைத்து போய் விட்டது அதற்கு நிரந்தரமான , நிலையாய் இருக்கும் படி அருள் செய்ய மாட்டாயா ?

மூன்று பேர்கள் படைப்பு காத்தல் அழித்தல் தொழிலை ராஜ ராஜேஸ்வரியிடம் இருந்து பெற்றுக்கொண்ட பிரம்மா , விஷ்ணு & சிவன் இவர்களும் வந்து வணங்கி உன்னையும் உன் திருவடிகளையும் பூஜித்து வருகிறார்கள் ..

அம்பாளே எல்லா வேலைகளையும் செய்வதில்லை ..

நம்பிக்கைக்கு பாத்திரமான மூன்று மூர்த்திகள் .. 

இதில் அவள் பதியும் அடக்கம் ..

அவன் மகிழ்நனன் ..

பெரியபொறுப்பு ----

மிகவும் நம்பிக்கையானவன் .. 

கடையை மூடும் போது கல்லா பெட்டி கணக்குகளை சரிபார்த்து கடையை இழுத்து மூடி விட்டு வரவேண்டும் 

இவ்வளவு பெரிய பொறுப்பை தன் பதியிடமே இருக்கட்டும் என்று ஆசைப்படுகிறாள் அம்பாள் 

ஈசன் அவள் திருவடியை மனைவியின் திருவடியை தொழலாமா என்ற கேள்வி பிறப்பது நியாயம் .. 

கணவன் மனைவி என்பது உறவு .. 

உத்யோகத்தில் இல்லை ..அம்பாள் கொஞ்சம் இன்னும் உயர்வான இடத்தில் இருப்பதால் ஈசன் அவளை வணங்குகிறான் .. 

இன்னொரு இடத்திலும் அவன் அன்னையை வணங்குகிறான் .. 

அவன் அன்னையிடம் ஊடல் புரிந்து அதை முடித்துக்கொள்ளும் போது ... 

இங்கே சிவசக்தி ஒன்றுதான் ... அவர்களுக்குள் எந்த பேதமையும் கிடையாது . 💐💐💐

கமலாலயனும் ..

கமலத்தில் வீற்றுருக்கும் பிரம்மாவும் , 

மதியுறு வேணி மகிழ்நனும்

மதியை முடியில் சூடிய அழகனான, ஆனந்தமாய் இருக்கும் சிவபெருமானும் 

மாலும்

உன் சகோதரனான ஸ்ரீமன் நாராயணனும் 

வெறும் மனிதரும் , தேவர்களும் , மாயா முனிவர்கள் மட்டுமே அம்பாளை வணங்க வருவதில்லை ..🙏🙏🙏

சிந்தூரான சுந்தரியே

சுந்தரி .. அவள் பேரழகி அபிராமி என்றாலும் அழகில் வேறு ஒருவரை உவமை சொல்ல முடியாதவள் என்று அர்த்தம் .. அவள் சிவந்த குங்கும மேனியள்.. நெற்றியில் குங்குமம் இட்டுக்கொள்ளும் போது அவள் மேனியை தோடுவதைப்போல் உணர்வு சிலிர்ப்பு நமக்கு வரவேண்டும் ..

குங்குமம் போல் சிவந்த அதி சுந்தரியே என் அபிராமியே என்று பாடலை முடிக்கிறார் பட்டர்

மத்துறு தயிர் என வந்து சென்று இடை

தத்துறும் உயிரோடு புலன்கள் தள்ளும்

பித்து நின் பிரிவில் பிறந்த வேதனை

எத்தனை உலா? அவை எண்ணும் ஈட்டவோ?

மாணிக்க வாசகர்

தாமரை மலரில் உதித்தவனும், கலைமகளின் கொழுநனும் ஆகிய பிரம்மனும், திருமாலும் வணங்கிப் போற்றுகின்ற சிவந்த பாதங்களையுடைய செந்தூரத் திலகம் கொண்டு விளங்கும் பேரழகானவளே! 

தயிரைக் கடையும் மத்துப் போன்று உலகில் பிறப்பு இறப்பு என்று சுழன்று வருந்தாமல் என் உயிர் நல்லதொரு மோட்ச கதியையடைய அருள் புரிவாயாக!

        

                                            ததியுறு மத்தின் சுழலும் என் ஆவி 

    👍👍👍👍👍👌👌👌👌👌💐💐💐💐