அபிராமி அந்தாதி -பாடல் 83 - இந்திரன் ஆகும் வழி -

 

                       பச்சைப்புடவைக்காரி -527

அபிராமி அந்தாதி 

பாடல் 83

இந்திரன் ஆகும் வழி (பாடல் 83)

இந்த பாடலும் , 38 வது பாடலான 

பவளக் கொடியில் பழுத்த செவ்வாயும், 

பனிமுறுவல்

தவளத் திருநகையும் 

துணையா எங்கள் சங்கரனைத்

துவளப் பொருது துடியிடை சாய்க்கும் துணை முலையாள்

அவளைப் பணிமின் கண்டீர் அமராவதி ஆளுகைக்கே.

ஏறக்குறைய அதே கருத்துதான் .. ஆனால் விளையாடும் தமிழ் சொற்கள் வேறு வேறு ...

உலகத்தில் இருக்கும் எல்லா இயற்கை சக்திகளும் தேவர்களின் கட்டுப்பாட்டில் இருக்கிறது. 

அந்த தேவர்கள் தேவர்களின் தலைவனான இந்திரனின் கட்டுப்பாட்டில் இருக்கிறார்கள். 

அப்படிப்பட்ட இந்திர பதவி இந்த உலகத்தில் கிடைக்கும் இன்பங்களுக்கெல்லாம் உயர்ந்த இன்பம் என்பது சொல்லத் தேவையே இல்லை . 

அப்படிப்பட்ட இந்திர பதவியை வேண்டி அடைய வேண்டாதபடி என்றைக்கும் உடையவராக ஒருவர் இருந்தால் அவர் எப்படிப்பட்டவராக இருப்பார் என்பதை இந்தப் பாடலில் சொல்கிறார் அபிராமி பட்டர்.👏👏👏

திருவிளையாடலில் நக்கீரரின் தமிழை , புலமையை இறைவன் சோதிக்க வரும் போது பெண்களுக்கு 

இயற்கையிலேயே கூந்தலில் மணம் இருந்ததா என்ற கேள்வி  முன்னால் வைக்கப்படும் ... அபிராமி பட்டர் சொல்கிறார் .. 

கூந்தல் வரை அந்த கேள்வி போயிருக்கவே அவசியம் இல்லை 

அவள் பாதத்தை ஒரு முறை வணங்கிப் பாருங்கள் ... 

அதில் வரும் மணம் உங்களையும் உங்களுடைய  இனி வரும் எல்லா சந்ததிகளுக்கும்  சுகந்தம் தந்து கொண்டே இருக்கும் .. 👣👣

விரவும் புது மலர் இட்டு நின் பாத விரைக்கமலம்

இரவும் பகலும் இறைஞ்ச வல்லார் 

இமையோர் எவரும்

பரவும் பதமும் அயிராவதமும் பகீரதியும்

உரவும் குலிசமும் கற்பகக் காவும் உடையவரே🌷🌷🌷🙌🙌🙌

விரவும் புது மலர் இட்டு -

விரவும் என்றால் சேர்க்கும் என்று பொருள் அதாவது பல வகை மலர்ந்தும் மலராத மலர்களை சேர்த்து அவைகளை அன்னையின்  தேன் மணம் மிக்க பாதங்களில்  இட்டு

நின் பாத விரைக்கமலம்- 

மணம் மிக்க உன் திருவடித் தாமரைகளை🌷🌷🌷

இரவும் பகலும் இறைஞ்ச வல்லார் - 

இரவும் பகலும் வணங்கும் வல்லமையுடையவர்கள்... ஆண்டவனை முறையாக  வணங்குவது என்பது அவ்வளவு சுலபம் இல்லை . அவள் மனம் வைத்தால் அன்றி அவளை வணங்க முடியாது .. 

வியாக்ரபாதர் என்னும் புலிக்கால் முனிவர், விடியக்காலையில் இறைவனுக்கு அளிக்க பூக்கள் இருக்கும் இடத்திற்கு செல்வாராம் .. 

அப்பொழுதுதான் வண்டுகள் சுவைக்காத மலர்ந்தும் மலராத பூக்கள் கிடைக்கும் .. இருட்டில் மனித கண் அவ்வளவு ஒளியை தராததால் புலியின் கண்களையும் மரம் ஏற புலியின் கால்களையும் வேண்டி பெற்றுக்கொண்டாராம் .. 

வெறும் மலர் போடுவது பக்தி அல்ல . மனம் லயித்திருக்க வேண்டும் .. சென்னி குனிந்திருக்க வேண்டும் 👏👏👏

அயிராவதமும் - வெள்ளையானையாம் ஐராவதத்தையும்

 பகீரதியும் - ஆகாய கங்கையையும்

 உரவும் குலிசமும் -

வலிமையுடைய வஜ்ஜிராயுதத்தையும்

கற்பகக் காவும் -வேண்டியதை எல்லாம் தரும் கற்பகச் சோலையையும்

உடையவரே - 

இயல்பாகவே உடையவர்கள் (வருந்தி அடைய வேண்டாம்).

எதை தெரிந்து கொண்டால் தெரிந்து கொள்ள வேறொன்றும் இல்லையோ 

எதை அடைந்து விட்டால் அடைய வேறொன்றும் இல்லையோ என்று வேதங்கள் சொல்லும் பொருள் அன்னையே அபிராமியையே 🙌🙌🙌

🦜🦜🦜🦜🦜🦜🦜🦜🦜🦜

இந்திரன் ஆகும் வழி