ஸ்ரீ லலிதா சஹஸ்ரநாமம் 30 காமேசபத்த மாங்கல்ய ஸூத்ர சோபித கந்தரா -- பதிவு 37

 ஆயகியாதி உடையாள் சரணம் அரண் நமக்கே 

பதிவு 37

 30 कामेशबद्धमाङ्गल्यसूत्रशोभितकन्धरा

 காமேசபத்த மாங்கல்ய ஸூத்ர சோபித கந்தரா -

அம்பாளின் கழுத்தில் மின்னுவது எது என்று தெரிந்ததா?

மகேஸ்வரன் காமேஸ்வரன் கட்டிய புனித மாங்கல்ய சரடு தான்.

இதைவிட விலைமதிப்பில்லாத ஆபரணம் ஒன்று இருக்கிறதா? 

காளமேகம் ( முன்னாள் மடப்பள்ளி வரதன் ) புலவர் அதிகமாகவே கிண்டலாக பாடுபவர் ..  அவர் ஒரு பாடலில் அம்பாளை கேட்க்கிறார்

தாயே!! 

நீயோ பரிபூரண தேவதை .. சகல சௌபாக்கியமும் தருபவள் ... அன்ன பூரணீ ... 

ஆனால் உன் புருஷனோ கபாலம் ஏந்தி தெருவில் பிச்சை வாங்குகிறார் 

அது மட்டுமா ? 

அணிய நல்ல ஆடை இல்லாமல் 8 திசைகளையும் ஆடையாக அணிகிறார் ... 

அணிந்துகொள்ள ஆபரணங்கள் கொடிய விஷம் கொண்ட பாம்புகள் ... உன் மாமியார் வீட்டு சீதனம் என்று ஏதாவது உண்டா   உனக்கு ? 

அவரிடம் இருப்பதெல்லாம்  பயமுறுத்தும் பூத கணங்களும் , மண்டை ஓடுகள் மட்டுமே .. 

என்ன அப்படி கண்டு விட்டாய் அவரிடம் இப்படி தவசியாய் இருந்து அவர் துணைவியாக ?? 

இதையே வேறு யாராவது சொல்லி இருந்தால் அம்பாள் கோபத்தால் பொசுக்கி இருப்பாள் .. 

சொன்னவனோ தன் மீது அதிபக்தி கொண்டவன் .. 

அவன் மனம் அப்பழுக்கு இல்லாதது 

கேட்ட வார்த்தைகள் கோபத்தை மூட்டுவதாய் இருந்த போதிலும் முகத்தில் வலுக்கட்டாயமாக புன்னகையை கொண்டு வந்தாளாம் 

காள மேகத்திற்கு கண்ணில் படும் படி தனது ஒளி வீசும் மாங்கல்யத்தை காட்டினாளாம் . 

அதன் ஒளி புலவரை திக்கு முக்காட வைத்ததாம் . 

நான் இப்படி கருணையுடன் எல்லா வளத்துடன் இருக்கிறேன் என்றால் அவர் கட்டிய இந்த மாங்கல்யம் தான் காரணம் ..

அவர் இந்த அண்டங்களில் இருக்கும் அனைத்துக் குப்பைகளையும் அழிக்கிறார் ..

அதனால் தான் இந்த புவி சுகந்தமாய் எப்பொழுதும் இருக்கிறது ..

காளமேகம் தன் கண்களில் சூல் கொண்ட மேகம் உடைய கண்டார் .🪔🪔🪔

ஆதி சங்கர பகவத் பாதாள் நகைச்சுவையாய் சௌந்தர்ய லஹரியில் இப்படி சொல்கிறார் 

அம்மா பிரளய காலத்தில் எல்லா தேவர்களும் அண்ட சராசரங்களும் அழிந்து போகின்றன ... 

இதில் என்ன வேடிக்கை என்றால் மறையும் தேவர்கள் ஏனைய கடவுள்கள் எல்லோருமே அமுதம் உண்டவர்கள் 

இருப்பினும் வாழ்க்கை அவர்களுக்கும் நிரந்தரம் இல்லை ... 

ஆனால் ஒரே ஒருவர் மட்டும் அமுதம் உண்ணாதவர் 

ஆனந்த நடம் புரிந்து கொண்டிருக்கிறார் ஒன்றுமே நிகழாத மாதிரி ... 

அவர் தான் உன் பதி பரமேஸ்வரன் 

"அம்மா உன் மாங்கல்ய பாக்கியதால் அன்றோ அவருக்கு வாழ்க்கை என்றுமே அந்தம் ஆவதில்லை .... "

அவள் மாங்கல்யம் எவ்வளவு சிறப்பு வாய்ந்தது இதற்கும் மேலும் விவரிக்க முடியுமா ? 💐💐💐

காமேச்வரரால் கட்டப்பட்ட மாங்கல்யத்தினால் சோபிதம் பெற்றவள். 

பராம்பிகை, சதுர் புஜங்கள் கொண்டவள்; 

சதுர் பாஹு ஸமன்விதா - நான்கு கரங்கள்; 

அதனால், நான்கு தோள்கள். தோள்களில் தோள்வளைகள் அழகு செய்கின்றன. 

அந்தக் காலத்து நாடகங்களில் பார்த்திருக்கலாம்; 

அரசர்கள் தோளைச் சுற்றி வளையமாக ஓர் ஆபரணம் போட்டிருப்பார்கள்; 

தோளைச் சுற்றிய தோள்வளை. அம்பாளும் அதைப்போல் அணிந்திருக்கிறாள். 

   சௌந்தர்ய லஹரி தொடர்கிறது

28. தேவியின் தாடங்க மஹிமை

விஷ பயம், அகாலம்ருத்யு நிவாரணம்

29. தேவி பரமசிவனை வரவேற்கும் வைபவம்

ப்ரஸவாரிஷ்ட நிவிருத்தி, மூர்க்கரை வசப்படுத்துதல்

30. தேவியைத் தனது ஆத்மாவாக உபாசித்தல்

பரகாயப் பிரவேசம்

31. அறுபத்து நான்கு தத்துவங்களும் ஸ்ரீவித்தையும்

ஸர்வ வசீகரம்

32. ஸ்ரீ வித்தை பஞ்சதசாக்ஷரீ மந்த்ரம்

ஸகல கார்ய ஜயம், தீர்க்காயுள்

33. ஸௌபாக்ய மந்த்ரம்(பஞ்சதசாக்ஷரீ)

ஸகல ஸௌபாக்யம்

34. சேஷசேஷீபாவம்

அன்னியோன்னிய ஸமரஸ வளர்ச்சி

35. ஆறு சக்கரங்களிலும் விளங்கும் தேவி

க்ஷயரோக நிவிருத்தி

36. ஆக்ஞா சக்கரத்தில் பரசம்பு ஸ்வரூபம்

ஸர்வ வ்யாதி நிவாரணம்

                                                      💐💐💐💐💐💐