பச்சைப்புடவைக்காரி - மாரிமுத்தா பிள்ளை-3 - 211

                                             பச்சைப்புடவைக்காரி 

என் எண்ணங்கள் 

                                               மாரிமுத்தா பிள்ளை-3

(211) 👍👍👍💥💥💥

Inspired from மீனாட்சி பாலகணேஷ்

 காலைத் தூக்கி நின்றாடும் தெய்வமே- என்னைக்

 கைதூக்கி ஆள் தெய்வமே (காலை)

என்ற பாட்டை திருமதி எம். எஸ். சுப்புலட்சுமியின் இனிய குரலில் கேட்காதவர்கள் இருக்க மாட்டார்கள். யதுகுல காம்போதி ராகத்திலமைந்த நயமிகுந்த பாடல். இதன் கவிதை நயமே ‘தூக்கி’ என்ற ஒரு சொல்லைத் திரும்பத் திரும்பப் பிரயோகம் செய்ததால் தான் பட்டை தீட்டிய வைரம் போல ப் பளீரிடுகின்றது.

        வேலைத் தூக்கும் பிள்ளை தனைப் பெற்ற தெய்வமே

        மின்னும்புகழ் சேர்தில்லைப் பொன்னம்பலத்தில் ஒரு (காலை)

எவை எவற்றை அண்ணல் தூக்கியவாறு ஆடுகின்றான் என விளக்கிப் பின் யார் யார் எவ்வாறு நடனத்திற்கு ஈடு கொடுத்தனர் எனக் கூறுகிறார்.

        நந்தி மத்தளம் தூக்க நாரதர் யாழ் தூக்க

        தொந்தமென்றயன் தாளம் சுருதியோடு தூக்க

        சிந்தை மகிழ்ந்து வானோர் சென்னிமேல் கரந்தூக்க

        முந்தும் வலியுடைய முயலகன் உன்னைத் தூக்க (காலை)

தமிழின் இனிமையையும் பொருட்செறிவையும் உணர்வதனால் இந்தப் பாடல் நம்மைப் புல்லரிக்க வைப்பதாகும். ஒவ்வொரு பாடலையும், அடியையும் ஆற அமர இருந்து, படித்துக் கேட்டு, ரசித்து மகிழ வேண்டும்.

தில்லை ஈசன் மீதே பாடல்களைப் பாடியவர் அன்னை பராசக்தி மீது ரீதிசந்திரிகா எனும் ராகத்தில் ஒரே ஒரு பாடலை இயற்றியுள்ளார்.

        ஏன் இந்தப் பராக்கு ஏழை மீதில் உனக்கு

        என்ன வன்மமோ அம்மா (ஏன்)

(என்மேல் உனக்கு அக்கறையில்லையோ தாயே? பராக்கு- கவனமின்மை)

        பானந் துலவிய பழனந் தனிற்கயல்

        பாயும் புலிசையில் ஆயன் திசைமுகன்

        வானிந் திரன்தொழும் ஆனந்த நடேசர்

        வாம முறுஞ்சிவ காம சவுந்தரி (ஏன்)

( நடேசனின் இடப்பாகம் கொண்டவளே)

மூன்றாம் சரணம்:

        பிஞ்சுமதிநுதல் வஞ்சி யெனும்அபி ராமியே- தெய்வப்

        பிடிக்கும் ஒரு குறக்கொடிக்கும் வாய்த்த நன் மாமியே

        தஞ்சம் எனும் அடியார்களிடத்துறை வாமியே- கொன்றைத்

        தாமம் அணிந்திடும் ஏம சபைச் சிவகாமியே

        செஞ்சிலம் பணியுன் திருவடி யேகதி

        தேவர் ஒருவரைச் செய்திடேன் துதி

        அஞ்சேல் அஞ்சேலென்றாள வேவிதி

        அசட்டை இனிச் செய்வதனைத்தும் பெண்மதி   (ஏன்)

இந்தச் சரணத்தில் வேறு கவிஞர்கள் யாருமே பாடியிராத உமையவள்- வள்ளி தெய்வானை உறவு பற்றிய ஒரு செய்தி விரிகின்றது! 

‘தெய்வப்பிடியான தேவகுஞ்சரிக்கும் குறக்கொடியான வள்ளிக்கும் வாய்த்த மாமியே,’ என சிவகாமி அன்னையை விளிக்கின்றார். 

‘கொன்றை மலர்க் கொத்தினை அணிந்த பொன்னம்பலத்துச் சிவகாமியே,’ என்கிறார். 

கொன்றை மலரணிந்தவன் அவள் நாயகன் தான்; அம்மை அதை அணிந்துள்ளாள் எனக் கூறும் போது, ‘அம்மையும் அப்பனும் ஈருருவாகிய (அல்லது ஓர் உரு ஆகியோர் எனவும் கொள்ளலாம்) ஓர் பரம்பொருளே,’ எனச் சொல்லாமல் சொல்லி விளங்க வைக்கிறார். என்னை அசட்டை செய்வதும் உன் பெண்மதி என அந்த அன்னையையும் விட்டு வைக்காமல் உரிமையுடன் நிந்தாஸ்துதியும் செய்கின்றார்!

இவரது பாடல்களில், ‘காலைத் தூக்கி’, ‘ஏதுக்கித்தனை மோடி,’ எனும் பதம் முதலிய சில இன்றும் பரதநாட்டியத்தில் பயன்படுத்தப்பட்டு வருகின்றன.

நிறைவு செய்யும் முன் ஒரு அருமையான பாடலைக் காண்போம்-

‘ஒருக்கால் சிவ சிதம்பரம் என்று நீ சொன்னால் இருக்காது ஊழ்வினையே,’ எனும் பொருள் செறிந்த ஆரபி ராகப் பாடல்.

தெய்வ வழிபாட்டின் சாரத்தைப் பிழிந்து நம்முன் வைக்கும் பாடல். சடங்குகளும் சம்பிரதாயங்களும் சேர்ந்து வழிபாட்டை வியாபாரமாக்கி விடும் இக்காலத்தில், அதைச் சித்தர் பெருமக்கள் போல் கண்டித்து, ‘திரை மறைவில் உள்ள ரகசியத்தின் திறனை அறிந்து கொள்; தலங்கள் தொறும் திரிந்து பல தெய்வம் தொழுவானேன்; சிவசிதம்பரம் என்று சொல்; உன் ஊழ்வினை அறுபடும்,’ எனக் கூறுகிறார்.

        வேத மந்திரம் சொல்லி ஆயிரம் தெண்டன்புவி

        மீதினில் விழுவானேன்-இரு

        பாதமும் சிவந்திடத் தலங்கள் தொறும் திரிந்து

        பல தெய்வம் தொழுவானேன்- கொல்லன்

        ஊதும் துருத்தி போல வாயுவைக் கும்பித்துடல்

        யோகத்தில் எழுவானேன்- ஐந்து

        பூதங்களும் கலங்க அங்கப் பிரதட்சிணமாய்ப்

        புரண்டு புரண்டு மதி மருண்டெழுவானேன்

        ………………………………………………………….சபைத்

        திரைக்குள்ளே மறைவாகி இருக்கும் ரகசியத்தின்

        திறம் தெரியாமல் வீணே இறந்தின்னும் பிறப்பானேன் (ஒருக்கால்)

மாரிமுத்தா பிள்ளை அவர்கள் 75 ஆண்டுகள் வாழ்ந்திருந்து பின்பு இறை அடி சேர்ந்தார். ---8----👌👌👌

ஈசனும் அன்னையும் ஆனந்த நடம் ஆடிக்கொண்டே இவரை தங்களுடன் அழைத்துச் சென்றனர் . 🙏🙏🙏

இவருடைய பாடல்களில் சிலவே உங்களுக்கு கிடைத்துள்ளன. 

இந்தத் தமிழ்ப் பொக்கிஷங்களைப் போற்றிப் பாதுகாப்பது உங்கள்  கடமையாகும். 

*அம்மா  அற்புதம் என்பது மிகவும் குறைவான பதம்* --- அந்த *பாதம்* தூக்கி ஆடுபவனையும்  அவன் அழகை ரசித்துக்கொண்டிருக்கும் உன்னையும்  பார்த்துக்கொண்டே இருக்கலாம் --- . 

*அடி முட்டாளான அடியேனும் கவியாகி விடுவேன்  உன் அருளால்*🌸🌸🌸...

அருணாருண கௌஸும்ப வஸ்த்ர பாஸ்வத் கடீதடீi - 

அம்மா உன்  மெல்லிய இடையை சுற்றி அழகாக ஒரு இளம்சிவப்பு  பட்டு வஸ்திரம் மினுக்குவது என்ன நேர்த்தியாக இருக்கிறது. மனத்தை கொள்ளை கொள்ளும் தெய்வீக அழகு அல்லவோ அது 

ரத்ந கிங்கிணிகாரம்ய ரசநாதாமபூஷிதா 

-   நமது பெண்கள் அக்காலத்தில் ஒட்டியாணம் என்று ஒரு பட்டை யான தங்க ஆபரணம் அணிவார்கள். பயமுறுத்துவார்கள்.  அம்மா நீ   அணியும் விதமே வேறு.  மெல்லிய நூல் மாதிரி மெலிந்த  பொன்  கயிறு உன்  இடுப்பை அலங்கரிக்கும். அதில் சுநாதம் எழுப்பும் சிறிய மணிகள் அசைந்து அழகும் ஒளியும் ஒலியும்  சேர்க்கும். 

சிரித்துக்கொண்டே நாளை மூன்றாவது தமிழ் இசை ஞானியை பார்ப்போம் என்று சொல்லிக்கொண்டு கொடுத்த குங்குமத்தை தன்  நெற்றியில் ஒரு பூர்ண சந்திரனைப்போல் இட்டுக்கொண்டாள் - இன்னும் கொஞ்சம் எடுத்துக்கொண்டு பேஷ் பேஷ்  எனக்கு பிடிக்கும் என்று தெரிந்துகொண்டு முன்னதாகவே தாழம்பூ குங்குமத்தை மதுரையில் இருந்து வரவழைத்து விட்டாயே --- அவள் எடுத்துக்கொண்ட குங்குமம் அவளுடைய  சிந்தூர வகுடில் பால சூரியனை ப்போல் உதயம் ஆனது ....

அம்மா அது மட்டும் அல்ல உனக்குப்பிடித்த பச்சைப்புடவை -- பட்டு அல்ல அம்மா கைத்திரி புடவை --- நீ திட்டுவாயே என்று தான் பட்டுப்புடவை வாங்கவில்லை --- இதோ மதுரை குண்டுமல்லி --- இவைகள்  சேர்ந்தபின் தான் இவைகளுக்கு அழகே வருகின்றன - அம்மா இவைகளைப்போல் நான் உன்னுடன் சேர்வதும் எந்நாளோ ? 

அவள் பரிசாக கொடுத்த புன்னகையில் இருந்து நாள் முழுக்க நான் மீளவே இல்லை 😊😊😊