பச்சைப்புடவைக்காரி - தியாகராஜ சுவாமிகள் வரலாறு. -5 ( 190)

                                             பச்சைப்புடவைக்காரி 

 தியாகராஜ சுவாமிகள் வரலாறு. -5

உபயம் : தஞ்சை வெ.கோபாலன், இயக்குனர், பாரதி இலக்கியப் பயிலகம், தஞ்சாவூர்

(190)

சந்திரனைப் பழிக்கும் எழிலுடைய சீதாதேவியே... லட்சுமணனே! நீங்கள் இருவரும் ஸ்ரீராமபிரானின் இருபுறமும் நின்றுகொண்டு சேவை செய்யும் தத்துவத்தை அன்புகூர்ந்து எனக்கு விவரமாகச் சொல்லக் கூடாதா? 

தேகத்தால் வணங்குகிறீர்களா, நாவினால் நாம கீர்த்தனம் செய்கிறீர்களா அல்லது மனதில் தியானித்துப் பரவசம் அடைகிறீர்களா?’ - இப்படி ஒரு கேள்வியை `பக்கல நிலபடி கொலிசே...’ கீர்த்தனையில் கேட்கிறார் தியாகராஜர். 

சதா சர்வகாலமும் ராம சிந்தனை... ராமபக்தி! ஆனாலும், ராமபிரானின் மேல் தான் கொண்டிருக்கும் பக்தி குறைவானதோ என்கிற சந்தேகம். 

அற்புதமான சொல்லாடல், கவித்துவம், தேர்ந்தெடுத்த ராகத்துக்குப் பொருத்தமாக, கச்சிதமாக வந்தமரும் பாடல் வரிகள்... நினைக்க நினைக்க மலைக்கவைக்கிறார் தியாக பிரம்மம். 

அப்படிப் பிரமிக்கவைக்கும் பாடல் வரிகளுக்குக் காரணம், அவர் மேற்கொண்ட நாதோபாசனை. அதாவது, இசை வழியாக இறைவனை வழிபடுதல், பக்தி செலுத்துதல். `தியாகய்யா’ என்கிற தியாகராஜர் `கர்னாடக இசையின் இசை மும்மூர்த்திகள்’ என அழைக்கப்படும் மூவரில் முக்கியமானவர். மற்ற இருவர் ஷ்யாமா சாஸ்திரிகள், முத்துசாமி தீட்சிதர். தியாகராஜர் பிறந்த 250-ம் ஆண்டில் நாம் இருக்கிறோம். ஆனால், இன்றைக்கும் புதிதாக, கேட்கக் கேட்கத் தெவிட்டாததாக, பக்தி என்கிற கடலுக்குள் நம்மை மூழ்கச் செய்வதாக இருக்கின்றன அவரது கீர்த்தனைகள். 

மேருஸமான தீர! வரத ரகுவீர...’ என்கிற கீர்த்தனையில் ஸ்ரீராமனை இப்படி வணங்குகிறார்... `ஹே ரகுவீரா! வரதா! தியாகராஜனால் பூஜிக்கப் பெற்றவனே! உண்மைப் பொருளே! உன்னுடைய ஒய்யார நடையையும், நீலமேனியின் எழிலையும், கருங்குழல்களையும் கன்னங்களின் பளபளப்பையும் திவ்யாபரணங்களையும் நான் கண்ணாரக் காண என் எதிரில் வா!’ இப்படி உருகி ராமனைப் பாடுகிறவருக்கு ராமனை `வா... வா...’ என்று அழைத்துக் கொண்டிருந்தவருக்கு இல்வாழ்க்கையில் ஈடுபாடு என்ற ஒன்று எப்படி இருந்திருக்க முடியும்? சதா ராமநாம பாராயணம் அல்லது தம்பூராவை மீட்டியபடி ராமனின்மேல் மேற்படி கீர்த்தனைகள். இப்படியே இறுதி வரை நகர்ந்தது அவரின் வாழ்க்கை.    

ரவி தியாக பிரமத்தை இவ்வளவுதான் என்று எந்த வரைமுறைக்குள்ளும்  கொண்டு வர முடியாது - அவர் ஒரு கடல் - தண்ணீர் கொஞ்சம் மொண்டுள்ளோம் அவ்வளவுதான் 

அம்மா மிகவும் அருமை --- சொல்ல வார்த்தைகளே இல்லை ... தயவுசெய்து அடியேனுக்கு திருவையாற்றின் பெருமைகளையும் , திருவையாறு ஆராதனை விழாவில் பஞ்சரத்ன கீர்த்தனை இசைப்பதைப்பற்றியும் கொஞ்சம் சொல்ல முடியுமா ? 

ஐந்து ஆறுகள் ஓடுவதனால் திருவையாறு என்ற  பெயர் வந்தது . இவ்வூரில் காவிரி ஆற்றில் 23 படித்துறைகள் உண்டு. இவற்றை அச்சுதப்பராயர் காலத்தில் அமைச்சராக இருந்த கோவிந்த தீக்ஷிதர் என்பார் முயன்று கட்டினார் . 

திருவையாறு,  தஞ்சாவூருக்கு வடக்கே 15 கி.மீ.தூரத்தில் காவிரிக் கரையில் அமைந்துள்ள ஒரு சிவத்தலம். 

இங்கு கோயில் கொண்டுள்ள ஐயாறப்பர், அறம்வளர்த்தநாயகி ஆலயம் சிறப்புடையது. இத்தலத்தின் சிறப்பினைப் பெரியோர்கள் மிகவும் பெருமைப்படுத்திப் பாடியிருக்கிறார்கள். திருநாவுக்கரசர் சுவாமிகள் “ஐயாறே ஐயாறே என்பீராகில், அல்லல் தீர்ந்து அமருலகம் ஆளலாமே” என்கிறார். 

ஐயடிகள் காடவர்கோன் நாயனார் “ஐயாறு வாயாறு பாயாமுன் ஐயாறு வாயால் அழை” என்கிறார். ஐயாற்று இறைவனை வாயால் அழைத்துப் போற்றினாலே பெரும் பேறு சித்திக்கும் என்பர் பெரியோர். அப்படியிருக்க அந்தப் பெரும் பதிக்குச் சென்று நேரில் வழிபட்டால் அதன் பெருமையினைச் சொல்லவும் வேண்டுமோ?

இது மூர்த்தி, தலம், தீர்த்தம் எனும் முச்சிறப்பும் உடைய தலம். தேவாரம் பாடப்பெற்ற தலங்களில் காவிரியின் வடகரையில் அமைந்துள்ள 51ஆவது தலம். 15 ஏக்கர் பரப்பளவில் அமைந்துள்ள தலம், இவ்வாலயத்தைச் சுற்றியே இவ்வூர் அமைந்திருப்பது சிறப்பு. இவ்வூருக்கு ஐயாறு, பஞ்சநதத்தலம், பூலோக கைலாசம், ஜெப்பேசம், ஜீவன்முக்திபுரம், காவிரிக்கோட்டம் என்றெல்லாம் பெயர்கள் உண்டு. இதன் தலவிருட்சம் வில்வம்.

ரவி இன்னிக்கு முடிக்கலாம் என்று நினைத்தேன் -- திருவையாறைப்பற்றியும் தியாகப்பிரமத்தின் ஆராதனைப்பற்றியும் கேட்டதால் நாளை மீதியை சொல்கிறேன் .... 

அம்மா ! எப்போதுமே  விடிகாலை புத்துணர்ச்சியோடு செயல்பட உதவும் நேரம். இந்த சுகமான நேரத்தில்  தேவி லலிதா பவனி உன்னை எண்ணி என் மனம் பொங்கி வழிகிறது. எண்ணம் மனம் இதற்கெல்லாம் எட்டாதவளே. வேதாந்த  ஞானம்  இருந்தால்  தான்   கொஞ்சமாவது உன்  கம்பீரம், இரக்கம், புனிதம் எல்லாம் புரிபடும் என்று தோன்றுகிறது.  

சிருஷ்டி, ஸ்திதி, லயம் , எனும் முத்தொழில்களையும் புரியும் தாயே, தெய்வமே , பிரபஞ்ச  காரணி,  வேதங்களும் அறியமுடியாதவளே,  வார்த்தைக்கு அப்பாற்பட்டவளே, மனதில் எல்லையற்று அறியப்படுபவளே, அம்பா, தேவி லலிதா திரிபுரசுந்தரி தாயே  உன்னை விடிகாலையில் வணங்குகிறேன்.

உள்ளும் புறமும் அமைதி நிறைந்த சூழ்நிலையில் விடிகாலையில் அம்பே, தேவி லலிதா திரிபுரசுந்தரி உனது நாமங்களை நாவினிக்க  உச்சரிக்கிறேன்.   காமேஸ்வரி, கமலா, மஹேஸ்வரி, ஸ்ரீ சாம்பவி, ஜகத் ஜனனி, பரா, வாழுதேவி, திரிபுரேஸ்வரி ........  எவ்வளவோ  இன்னும்......

சுந்தர வதனத்தில் கமலமாக மலர்ந்த திருமுகத்தில் மெல்லியதாய் ஒரு புன்னகை பூக்க க்ஷராக்ஷராத்மிகா அன்ன  நடை புரிந்தே ஆசி கூறி மறைந்தாள் .