பச்சைப்புடவைக்காரி-தென்சேரிகிரி 414 & 396 - post 78 contd

 *பச்சைப்புடவைக்காரி* 🙏🙏🙏

 *414* 🏆🏆🏆 see post 78 / 396 

*தந்தைக்கு உபதேசம் செய்தவன் தந்தையிடமே உபதேசம் பெற்றான்*

 1 தென்சேரிகிரி

மைந்தன் முருகன் தந்தை சிவனுக்கு பிரணவ மந்திரத்திற்கு அர்த்தம் சொன்னது சுவாமிமலையில். 

அதே மகனுக்கு தந்தை மந்திர உபதேசம் செய்தது, மந்திராசலம் என்றழைக்கப்படும் *தென்சேரிகிரியில்!* 

பன்னிரண்டு கரங்களோடு போர்த் தளபதியாக, மனைவியர் சமேதராக மூலவர் முருகன் காட்சி தருகிறார். 

இடது கரத்தில் சேவற்கொடிக்கு பதிலாக சேவலையே ஏந்திய சிறப்பான அமைப்பு வேறெங்கும் காணக் கிடைக்காதது.🙂🙂🙂

கயிலையில் நந்தியம்பெருமான் கம்பீரமாக அமர்ந்திருந்தார். 

தேவர்கள் சூழ, முனிவர்கள் எதிரே அமர்ந்திருக்க, 

அவர் எம்பெருமானின் திருவிளையாடல்கள் நடந்தேறிய தலங்களைப் பற்றியும், கோயில்கள், தீர்த்தங்களின் மகாத்மியங்களையும் விரிவாகக் கூறலானார். 

அவற்றில் ஒன்றுதான் தென்சேரிகிரியின் பெருமை.

ஈசனின் நெற்றிக் கண்ணிலிருந்து உதித்த ஞானப் பிழம்பான முருகப் பெருமான், சரவணப் பொய்கையில் கார்த்திகைப் பெண்களால் சீராட்டி வளர்க்கப்பட்டார். 

பிறகு, தாய்-தந்தையரை சென்றடைந்தார். 

கந்தனின் அவதார காரணத்தை தகப்பன் ஈசன் சொன்னார். 

தந்தை மொழி கேட்ட குமரன் சூரபத்மனையும் அவனுடைய கூட்டத்தையும் கொன்றொழிக்க சரியான சமயம் காத்து நின்றார். 

அதற்குள் அந்த அரக்கன் ஈசனைக் குறித்து கடுந்தவம் புரிந்தான். 

தவத்தின் வலிமையால் அரிய பல வரங்களைப் பெற்றான், சூரபத்மன்.🦜🦜🦜

அதனால் தலைகனம் கூடியது. 

தேவர்களையும், பூலோக மானிடர்களையும் துன்பங்கள் பல தந்து துடிக்க வைத்தான். 

சூரனை அழிக்கும் காலம் நெருங்குவதை சிவன் தன் செல்வனுக்கு உணர்த்தினார். 

குமரனும் தேவசேனைகளுக்குத் தலைமை தாங்கி போருக்குச் சென்றார். 

முருகனுக்குத் துணையாக வீரபாகு முதலிய நவ வீரர்கள் உடன் சென்றனர்.

சக்தியின் அம்சமான வேலையும், பதினொரு ருத்திரர்களின் அம்சமான பதினொரு ஆயுதங்களையும் கையில் ஏந்தினார், முருகப் பெருமான். 

படைபலம் பெருகியிருந்தாலும் அசுரர்களின் மாயையால் தன் குழந்தைக் குமரனுக்கு ஏதேனும் ஆபத்து நேருமோ என உமையன்னை அஞ்சினாள். 

மாயையின் பிடியிலிருந்து விடுவிக்கும் வல்லமை தரும் மந்திரங்களை மகனுக்கு உபதேசிக்குமாறு ஈசனிடம் இறைஞ்சினாள். 

ஈசனும் இசைந்தார்.🙏🙏🙏

குமரா, வீரமகேந்திரபுரி செல்லும் வழியில் யாம் ஒரு மலை வடிவில் தோன்றுவோம். 

நீ அங்குள்ள சிவகிரியில் தவமியற்று. நான் அங்கு உனக்கு மந்திர உபதேசம் செய்வோம்’’ என்றார் ஈசன்.

தந்தையின் கட்டளையைத் தலைமேற் ஏற்ற தனயன்சிவகிரிக்கு சென்றமர்ந்தார். 

சிவந்த கண்களை மூடி கடுந்தவம் புரிந்தார். 

சிவபெருமான் கந்தவேளுக்குக் காட்சியளித்து மந்திர உபதேசம் செய்தார். 

அந்த மந்திரத்தின் மகிமையால் சிறு குழந்தையான முருகப் பெருமான், வலிமைமிக்க சூரபத்மனை சம்ஹாரம் செய்து பார்முழுதும் பாதுகாத்தான்.🦚🦚🦚

தந்தை ஈசன் தனயன் முருகனுக்கு மந்திர உபதேசம் செய்ததால் இந்த மலைக்கு ‘ *மந்திரகிரி* ’ எனும் பெயர் ஏற்பட்டது; 

 *தென்சேரிகிரி* என்றும் புகழ் பெற்றது. 

இது நினைப்பவரை காத்தருளும் மலையாகும். 

அதாவது, (மந் - நினைப்பவரை, திர - காப்பாற்றும், கிரி - மலை) ‘ *மந்திர கிரி’* என்றும் அழைக்கப்பட்டது.

சுமார் 150 அடி உயரமுள்ள மலையின் உச்சியில் ஆலயம் அமைந்துள்ளது. 

ஆலய வாயிலில் கொடி மரமும், அதனை அடுத்து ஒரு பெரிய மகாமண்டபமும் உள்ளன. 

முதலிலுள்ள சந்நதியில் பன்னிரு கரங்களுடன் முருகப் பெருமான் நின்ற திருக்கோலத்தில் காட்சி யளிக்கின்றார்.

ஆறுமுகங்களுடன் தோன்றும் கந்தப் பெருமானின் இருபுறமும் வள்ளியும், தெய்வானையும் அழகுற காட்சியருள்கின்றனர். 

இந்நாயகன் *மந்திராசல வேலாயுத மூர்த்தி* எனும் திருநாமத்தோடு விளங்குகிறார்.

அம்மா ... சுவாமிமலை கேள்விப்பட்டிருக்கிறேன் ஆனால் ஈசன் உபதேசம் செய்த மலை முதல் முறையாக அறிகிறேன் ... தெய்வங்களில் உயர்வு தாழ்வே இல்லை .. எல்லாமே எங்களிடம் தான் !

சரியாக சொன்னாய் ரவி ... 

அம்மா !!

நெஞ்சத்து அழுக்கை எல்லாம் நின் அருள்புனலால்

துடைத்தனை; 

சுந்தரி!  

நின்னருள் ஏதென்று சொல்லுவதே.

சிரித்தாள் சிந்தூர பொட்டினாள் ... மீதி நாளை சொல்கிறேன் என்பது போல இருந்தது அவள் சிந்திய செந்தூர வண்ணங்கள் 🦜🦜🦜

743  பாபாரண்ய தவானலா

ஒரு அருமையான நாமம் இது.  

பாபக் காட்டுத்தீ.    

பாபங்களை சுட்டெரிப்பவள்.  

பாபநாசினி என்கிறோமே.அது 

744 தௌர்பாக்யதூல வாதூலா-  

துரதிஷ்டம் என்ற   இலவம்பஞ்சை சூறாவளிக்காற்றாக பறக்கவிடுபவள் அம்பாள் என்ற நாமம்.  நமது  பூர்வ ஜென்ம வினைப்பயன் தான் பஞ்சு மூட்டை  இங்கே. 🥇🥇🥇

💐💐💐💐💐💐💐💐💐💐💐👌👌👌👌👌👌👍👍👍👍