அபிராமி அந்தாதி : பாடல் 20 : உறைகின்ற நின் திருக்கோயில் !

 

                        பச்சைப்புடவைக்காரி -461

அபிராமி அந்தாதி 

பாடல் 20

      

உறைகின்ற நின் திருக்கோயில் 

நின் கேள்வர் ஒரு பக்கமோ

அறைகின்ற நான்மறையில் அடியோ முடியோ 

அமுதம்

நிறைகின்ற வெண்திங்களோ 

கஞ்சமோ 

எந்தன் நெஞ்சகமோ

மறைகின்ற வாரிதியோ 

பூரணாசல மங்கலையே

உறைகின்ற நின் திருக்கோயில் - அபிராமி அன்னையே. நீ உறைகின்ற திருக்கோயிலாவது

நின் கேள்வர் ஒரு பக்கமோ - உன்னுடன் ஈடுஇணையில்லாத நட்பினைக் கொண்டுள்ள உன் தோழராம் சிவபெருமானின் இடப் பக்கமோ?

அறைகின்ற நான்மறையின் அடியோ முடியோ - ஓதப்படுகின்ற நான்கு வேதங்களின் தொடக்கமோ? இல்லை அவற்றின் முடிவோ?

அமுதம் நிறைகின்ற வெண்திங்களோ - அமுதம் போல் குளிர்ந்த நிலவொளியை வீசும் வெண்மையான சந்திரனோ?

கஞ்சமோ - தாமரை மலரோ?

எந்தன் நெஞ்சகமோ - என்னுடைய நெஞ்சமோ?

மறைகின்ற வாரிதியோ - எல்லாவிதமான செல்வங்களும் மறைந்திருக்கும் பாற்கடலோ?

பூரணாசல மங்கலையே - எங்கும் பூரணமாய் நிறைந்து நிலையாய் நிற்கும் மங்கல வடிவானவளே!

எங்கும் நீக்கமற நிறைந்து நிலையாய் நிர்கும் மங்கல வடிவான அபிராமி அன்னையே. 

நீ உறைகின்ற திருக்கோயிலாவது உன் தோழராம் சிவபெருமானின் இடப் பக்கமோ? 

ஓதப்படுகின்ற நான்கு வேதங்களின் தொடக்கமோ? 

இல்லை அவற்றின் முடிவோ? அமுதம் போல் குளிர்ந்த நிலவொளியை வீசும் வெண்மையான சந்திரனோ? 

தாமரை மலரோ? 

என்னுடைய நெஞ்சமோ? 

எல்லாவிதமான செல்வங்களும் மறைந்திருக்கும் பாற்கடலோ? 

நீ எங்கும் நிறைந்தவளானாலும் மேலே சொன்னவிடங்களில் நீ மகிழ்ந்து உறைகின்றாய் போலும்.

அபிராமிப் பட்டர், சிவனை உமையாளுக்கு,"கேள்வர்",அதாவது நண்பர் என்கிறார்,நடை முறை வாழ்விலும்

நற்கணவன் -மனைவிக்கு நண்பனே!, நம் நல்ல நண்பர் ,நாம் சொல்வதைக் கேட்பார்.

உமையின் சிவனாரும்- நற்கணவர்-நற்றோழர்,

ஒரு தோளும்,கொடுத்தவராயிற்றே!!!, அதனால், உமை கூறுவதைக் கேட்பதால், பட்டர் "கேள்வர்" என்கிறாரோ,,????

ஒரு நல்ல கணவன் தனது மனைவிக்கு ஒரு சிறந்த தோழனாகத் தான் இருப்பான். 

அதே போல ஒரு நல்ல மனைவி தன் கணவனுக்கு ஒரு சிறந்த தோழியாக இருப்பாள் - அதனால் தானே காதலியை (மனைவியை) சகியே என்கிறார்கள் பாடலாசிரியர்கள்.

நிச்சயமாக.
அன்னையவள் மிக மகிழ்ந்து உறையும் சிறப்பான இடங்கள் இவையாவும். 

இவை ஒவ்வொன்றும் ஒவ்வொரு வகையில் சிறப்பு வாய்ந்தவை. 

இறைவனின் இடபாகமும், நால்வேதங்களும் எவ்வளவு உயர்ந்தவை என நாம் அறிவோம். 

'கஞ்சகமோ' என்பதை ஆயிரம் இதழ்கள் உள்ள தாமரையைக் (உச்சந்தலையில் இருக்கும் சகச்ராதார சக்கரம்) குறிப்பதாகக் கொள்ளலாம். 

"சகஸ்ரதள பத்மஸ்தா'- என்பது தேவியின் 1008 நாமங்களில் ஒன்று. பூரண சந்திரனின் 16 கலைகளின் உருவமாக பராசக்தி அறியப்படுகிறாள்.(வளர்பிறை சந்திரன் லலிதையின் ரூபம், தேய்பிறை காளியின் ரூபம் )

இவையனைத்திலும் மகிழ்ந்துறையும் தேவி என் நெஞ்சிலும் அவ்வாறே மகிழ்வுடன் கோயில் கொண்டாள் என்பது எத்தனை உயர்ந்த பக்திநிலை? அப்படி தேவி உறையத் தகுதி கொண்ட நெஞ்சம் எத்தனை பிறவிகளின் தவப்பயனோ?

ஏன் மீனாட்சி அம்மை மட்டும் அப்பனின் வலப்புறம் கோவில் கொள்கிறாள் என்று தெரியுமா?

பெரும்பாலும் வைணவத் தலங்களில், தாயார் வலப்பக்கமே எழுந்தருளி இருப்பார். 

"வடிவாய் நின் வல மார்பினில் வாழ்கின்ற மங்கை" - வக்ஷஸ்தல வாசம் - நித்ய கல்யாணத் திருக்கோலம்.

பல படங்கள்/ஓவியங்களிலும் தாயார் பெருமாள், வலம் இடம் என்று தான் இருப்பார்கள்.

ஏன் நம் கல்யாணத்தில் கூட, மணப்பெண், நம் வலப்புறம் தானே அமர்கிறாள்?

பெருமாள் கல்யாண குண மங்களன் என்பதால் இப்படி.

ஆனால் ஈசனோ, யோகீஸ்வரன். போகத்திலும் யோகி. அதனால் சில தலங்களில் அம்பிகையை இடப்புறத்திலும் (யோக நிலை), மதுரை, நெல்லை போன்ற கல்யாணத் தலங்களில், வலப்புறத்திலும் (போக நிலை) கொண்டு சேவை சாதிக்கிறான்

அண்மையில் வந்த சக்தி விகடன் பார்த்தேன்; அதில் “சிவாலயங்களில் இரண்டு அம்பிகை சந்நிதிகள் ஏன்?” என்ற கட்டுரையில் கீழ்கண்ட விளக்கமும் உள்ளது.

"

திருக்கோயில்களில் அம்பிகை, சிவபெருமானுக்கு இணையாக இடப் பாகத்தில் கிழக்கு நோக்கி எழுந்தருளி இருக்கும் கோலம், அவள் தவம் புரிந்து ஈசனின் இடப் பாகம் பெற்று அவருடன் சேர்ந்து அன்பர்களுக்கு சகல நலன்களையும் அருளும் நிலையாகும். 

‘உபதேசக் கோலம்’ என்று போற்றப்படுகிறது (திருக்காளத்தி, திருப்பனந்தாள் போன்றவை உபதேசத் தலங்கள்). 

அம்பிகை உள் மண்டபத்தில் சிவபெருமானின் கருவறையை நோக்கியவாறு, தெற்கு நோக்கிக் காட்சி தருகிறாள். இந்த நிலை, அம்பிகை உயிர்களுக்கு ஞானம் உபதேசிக்கும் கோலம் ஆகும்.

இறைவனின் வலப் பக்கத்தில் (பெரும்பாலும் கிழக்கு நோக்கி) அம்பிகை வீற்றிருக்கும் கோலம், கல்யாணத் திருக்கோலம் ஆகும்! 

மதுரை (மீனாட்சி), நெல்லை (காந்திமதி) மற்றும் குற்றாலம் (குழல்வாய் மொழியாள்) ஆகிய தலங்களில் அம்பிகை கல்யாணத் திருக்கோலத்தில் எழுந்தருளியுள்ளதால் இவை ‘கல்யாணத் தலங்கள்’ என்றே அழைக்கப்படுகின்றன.

====👍👍👍👌 

20. வீடு வாசல் முதலிய செல்வங்கள் உண்டாக

உறைகின்ற நின் திருக்கோயிலில் நின்கேள்வர் ஒருபக்கமோ?

திருஞான சம்பந்தர் திருச்சியில் உள்ள தாயமானவரின் மேல் பாடிய பாடல் 

நன்றுடையானைத் தீயதிலானை 

நரைவெள்ளே

றொன்றுடையானை

யுமையொருபாக முடையானைச்

சென்றடையாத திருவுடையானைச்

சிராப்பள்ளிக்

குன்றுடையானைக்

கூறவென்னுள்ளங் குளிரும்மே.

====

நன்மைகளையே தனக்கு உடைமையாகக் கொண்டவனை, 

தீயது ஒன்றேனும் இல்லாதவனை, 

மிக வெண்மையான ஆனேற்றைத் தனக்கு ஊர்தியாகக் கொண்டவனை, 

பார்வதியை ஒரு பாகமாக உடையவனை, 

அவனது அருளாலன்றிச் சென்றடைய முடியாத வீடுபேறாகிய செல்வத்தை உடையவனை, 

சிராப்பள்ளிக் குன்றில் எழுந்தருளி யுள்ளவனைப் 

போற்ற என் உள்ளம் குளிரும்.🙏🙏🙏

இந்த பாடல் மிகவும் அழகான பாடல் 

உறைகின்ற நின் திருக்கோயிலில் நின்கேள்வர் ஒருபக்கமோ?* 

அம்மா நீ எங்கே உறைகிறாய் ? 

ஒருவேளை ஈசனின் இடது பாகத்தை வவ்விக் கொண்டாயே அங்கே உறைகிறாயா 

இல்லை -----🤔🤔🤔

அறைகின்ற நான்மறையின் அடியோ? முடியோ?

இதையே 2வது பாடலிலும் சொல்கிறார் 

துணையும் தொழும் தெய்வமும், பெற்றதாயும் 

*சுருதிகளின்*

*பணையும், கொழுந்தும் பதி கொண்டவேரும்* 

பனிமலர்பூங்

கணையும், 

கருப்புச்சிலையும், மென்பாசாங்குசமும், 

கையில்

அணையும் திரிபுர சுந்தரி ஆவது அறிந்தனமே.👌👌👌

வேத ரூபிணி அம்பாள் என்று பார்த்தோம் அதாவது வேதங்களின் அடிப்பாகம் ஓம்காரம் .. பிரணவம் ... 

அதன் முடி உபநிஷதங்கள் .. 

அதன் வேராகவும் தண்டாகவும் இருப்பவள் அம்பாள் .. 

அதில் இருந்து வரும் ஒலி அவள் இசைக்கும் பண் ... 

அவள் கிளி போல் அதை பேசுகிறாள் ...🦜🦜🦜

இங்கே மீண்டும் அதே கேள்வியை பட்டர் கேட்க்கிறார் அம்மா ஒரு வேளை வேதங்களின் அடியில் உறைகிறாயோ இல்லை அவைகளின் முடியில் உறைகிறாயோ ? 🤔🤔🤔

அமுதம்

நிறைகின்ற வெண்திங்களோ?

சந்திரன் அமுத தாரைகளை பொழிகிறான் என்று நாம் பாவிக்கிறோம் .. மகான்கள் சாதிக்கிறார்கள் ... 

அம்மாவாசையில் ஏன் தர்ப்பணம் செய்கிறோம் ... தெரியுமா ? 

மற்ற நாட்களில் நம் முன்னோர்களின் ஆத்மாக்கள் சந்திரன் பொழியும் அமுதத்தை உணவாக உட்க்கொள்கின்றன .. 

அம்மாவாசையில் சந்திரன் வராததால் அவைகள் உணவின்றி திரிகின்றன .. 

அதனால் அன்று போனவர்களை நினைத்து தர்பணமோ அல்லது யாருக்காவது அன்னதானமோ செய்தால் அதனால் மகிழ்ந்து ஆத்மாக்கள் ஆசி கூறி செல்கின்றன .... 

இங்கே பட்டர் 

அம்மா நீயே அந்த அமுதைப்பொழியும் சந்திரனாக இருக்கிறாய் ... அங்கே தான் நீ உறைகிறாயோ 🤔🤔🤔 என்று கேட்க்கிறார்

 கஞ்சமோ?

கஞ்சம் என்றால் தாமரை ... யாரையாவது திட்ட வேண்டும் என்று நினைத்து இவன் or இவள் ஒரு கஞ்சம் என்று இனி சொல்லாதீர்கள் .. 

அவர்களை உங்களையும் அறியாமல் தாமரை போல மென்மையானவன் அல்லது மென்மையானவள்  என்று 

குறிப்பிடுகிறீ ர்கள் என்று அர்த்தம் ... 

நம்மையும் இனி யாராவது *கஞ்சம்* என்றால் கோபமே வரக்கூடாது .. 

அவன் உங்களை புகழ்கிறான் என்று அர்த்தம் .. 

அவள் வெண்தாமரையில் உறைகிறாளா ??

இல்லை 

செந்தாமரையில் உறைகிறாளா ??

இல்லை 

உச்சித் திலகம் இடும் இடமான சஹஸ்ரராரத்தில் ஆயிரம் இதழ்கள் கொண்ட தாமரையாய் இருக்கிறாளா ? 

அம்மா எங்கே தாயே நீ உறைகிறாய் ?? 🤔🤔🤔

 எந்தன் நெஞ்சமோ?

அம்மா ஆயிரம் இதழ்கள் உள்ள தாமரையில் நீ மனோன்மணியாக உறைகிறாயோ 

இல்லை என் நெஞ்சத்தில் உறைகிறாயா ? 

👌👌👌

மறைகின்ற வாரிதியோ?* 

பாற்கடலில் உறைகிறாயா ? 

நீ தானே மகாவிஷ்ணு .. நீ தானே திருமால் .. உன் வடிவம் அவன் .. அவன் வடிவம் நீ 👍👍👍

பூரணாசல மங்கலையே.🍇🍇🍇🦚🦚🦚

அம்மா எங்கு தான் இருக்கிறாய் சொல் தாயே .... பூர்ண மங்களம் கொண்டவள் அன்னை .. 

திருஞான சம்பந்தரும் இதைத்தான் சொல்கிறார் இறைவனின் மங்களம் என்பது எல்லையே இல்லாதது என்று ...தீயதே இல்லாத மனம் இருந்தால் மட்டுமே மங்களம் கொண்டவர் என்று சொல்ல முடியும் ... 

இங்கே இந்த பாடலை முடிக்கும் போது மங்கலமாக முடிக்கிறார் அம்மா நீ எங்கும் நிறைந்தவள் .. இங்கு தான் உறைகிறாய் என்று உன்னை அடக்கி விட முடியாது ... நீ பூர்ணமானவள் மங்களமானவள்...

பூரணாசல மங்கலையே🍇🍇🍇🦚🦚🦚 என்று சொல்லி பாடலை நிறைவு செய்கிறார் . 

You are the complete whole - the full , flawless one . You are one who is ageless and are always the auspicious Sumangali . 

How many different abodes You choose !

Do You reside in the left half of Lord Shiva ?

OR 

In the Pranavam which is the root of all Vedas ?

Or in Upanishads which are the outcome of the Vedas ? 

Or is Your abode , the milk white beauty of the full moon ? 

Or is it the unsullied comeliness of the Lotus Flower ? 

Or the all encompassing milk ocean ?

Or , dare I say , Your favourite residence is the heart of Your devotees ?🌷🌷🌷🌷🌷🌷🌷🌷🌷

உறைகின்ற நின் திருக்கோயில்

🥇🥇🥇

  👌👌👌👌👌👌💐💐💐💐💐💐👍👍👍👍