அபிராமி அந்தாதி - பாடல் 46 - யானுன்னை வாழ்த்துவனே !

 

                    பச்சைப்புடவைக்காரி -488

அபிராமி அந்தாதி

பாடல் 46

மிகவும் அருமையான பாடல்.. இப்படி அடிக்கடி சொல்லிக்கொள்ள வேண்டும் என்ற அவசியம் இல்லை . எல்லா பாடல்களும் முத்துக்கள் தான் .. 

ஆதியும் அந்தமும் இல்லாத இறைவியை அந்தாதி எனும் அழகிய தமிழில் அடக்கி விட்டார் நம் அபிராமி பட்டர் . 

பாடலுக்குள் போவதற்கு முன் ஒரு சந்தேகம் வந்தது .. 

சரபோஜி மன்னர் என்ன இன்றைய திதி என்று சுப்பரமணியனிடம் கேட்கும் போது தன் நிலை மறந்திருந்த அவர் அன்னையின் வட்ட ஒளியையும் ஒலியையும் ஒன்று சேர்த்து இன்று பௌர்ணமி என்றார் ... 

அன்னையின் முகம் என்றுமே பௌர்ணமி தான் .. 

அப்படியிருக்க சரபோஜி மன்னர் வேறு எந்த நாளிலும் கேட்டிருந்தால் கூட பட்டர் இன்று பௌர்ணமி என்று தானே சொல்லியிருப்பார் ?

இருக்க முடியாது என்று பதில் ஒன்று சத்தமாக வந்தது .. திரும்பினேன் .. அபிராமி பட்டரே நின்றிருந்தார் ..

சிரித்துக்கொண்டே பதில் சொன்னார் 

ரவி .. அம்பாளை 16 திதி தேவதைகள் ஒருவர் பின் ஒருவர் தினமும் சென்னி குனிந்து பூஜை செய்கிறார்கள் .. 

நங்கநல்லூர் ராஜ ராஜேஸ்வரி கோயில் போயிருக்கிறாயா ? 

அங்கே அம்மனை அடைய 16 படிக்கட்டுகள் இருக்கின்றன .. 

ஒவ்வொரு படியும் ஒரு திதி தேவதையை குறிப்பிடும் .. அன்று சரபோஜி மன்னர் என்னை பார்க்க வரும் போது அபிராமியின் நினைவுகளில் இருந்தேன் .. 

அப்பொழுது பௌர்ணமி திதி வந்து அபிராமியை பூஜை செய்து கொண்டிருந்த நேரம் . 

அன்னையின் முகத்தில் வட்ட ஒளி .. 

அதை ரசித்தேன் .. அதனால் பௌர்ணமி திதி என்று சொன்னேன் ... 

சந்தேகம் பனி போல் மறைந்தது 🙏🙏🙏

46. நல்நடத்தையோடு வாழ

வெறுக்கும் தகைமைகள் செய்யினும் 

தம் அடியாரை மிக்கோர்

பொறுக்கும் தகைமை புதியதன்றே; 

புது நஞ்சை உண்டு

கறுக்கும் திருமிடற்றான் 

இடப்பாகம் கலந்துபொன்னே!

மறுக்கும் தகைமைகள் செய்யினும், 

யான் உன்னை வாழ்த்து வேனே!👏👏👏👣👣👣

வெறுக்கும் தகைமைகள் செய்யினும்

அம்மா நீ வெறுக்கக்கூடிய காரியங்களை பலர் செய்தாலும்

வெறுக்கும் தகைமைகள் செய்யினும் 

தம் அடியாரை மிக்கோர்

பொறுக்கும் தகைமை புதியதன்றே;

 

நீயோ கருணாரஸ ஸாகரம். அவர்கள் உன் அடியார்களாக இருப்பதால் தெரிந்தே தவறுகள் அவர்கள் இழைத்தாலும் நீ பொறுத்துக்கொண்டு அவர்களை வெறுக்காமல், கை விடாமல் இருப்பது உனக்கு ஒன்றும் புதிய செயல் அல்லவே ? 👌👌👌

வெறுக்கும் தகைமைகள் செய்யினும் 

தம் அடியாரை மிக்கோர்

பொறுக்கும் தகைமை புதியதன்றே; 

புது நஞ்சை உண்டு

கறுக்கும் திருமிடற்றான்

எப்பொழுது அமுதம் தோன்றியதோ அன்று தான் நஞ்சும் தோன்றியது ... எப்பொழுது ஆசைகள் உதயமானதோ அன்று தான் பாவங்களும் தோன்ற ஆரம்பித்தன .

Birth of two extremes .

பட்டர் புது நஞ்சு என்கிறார் .. அமுதம் தோன்றிய அன்று எல்லோரும் வெறுக்கும் பயப்படும் ஆலகால விஷமும் தோன்றியது ...அதை எல்லோரையும் காப்பாற்ற வேண்டி ஈசன் அவசர அவசரமாக எடுத்து விழுங்கினார். அவரின் சிவந்த மேனியில் கண்டம் மட்டும் ஒரு குறை கண்டது ... 

என்ன சொல்ல வருகிறார் பட்டர் .. 

நஞ்சு கொடியது . பாவங்களின் மூட்டை .. அதையே எடுத்து உண்டவனை நீ வெறுக்காமல் மன்னித்து ஏற்றுக் கொண்டாய் .. 

நாங்கள் அந்த அளவிற்கு பாவங்கள் செய்யவில்லை . 

எங்களை மன்னித்து ஏற்றுக்கொள்ள உன்னால் ஏன் முடியாது ?  💐💐💐

வெறுக்கும் தகைமைகள் செய்யினும் 

தம் அடியாரை மிக்கோர்

பொறுக்கும் தகைமை புதியதன்றே; 

புது நஞ்சை உண்டு

கறுக்கும் திருமிடற்றான் 

இடப்பாகம் கலந்துபொன்னே!

அம்மா அப்படிப்பட்ட ஈசனை விடாமல் துரத்தி அவனுடைய இடப்பாகத்தை வவ்வி கொண்டாயே .. அவனிடம் கலந்த பிறகு நீயும் பொன்னாக ஜொலிக்கிறாய் 🙏🙏🙏

வெறுக்கும் தகைமைகள் செய்யினும் 

தம் அடியாரை மிக்கோர்

பொறுக்கும் தகைமை புதியதன்றே; 

புது நஞ்சை உண்டு

கறுக்கும் திருமிடற்றான் 

இடப்பாகம் கலந்துபொன்னே!

மறுக்கும் தகைமைகள் செய்யினும் 

யான் உன்னை வாழ்த்து வேனே!👏👏👏👣👣👣*

அம்மா நான் கேட்பதை நீ தராவிட்டாலும் .( பல சமயங்களில் நாம் கேட்பது கிடைப்பதில்லை 

ஆனால் அபிராமிக்கு தெரியும் எதைக்கொடுத்தால் இந்த குழந்தைக்கு நல்லது என்று .. 

பிறகு நாமே அதை உணரவும் வைப்பாள்) 

உன்னை நான் தொழாமல் இருக்கவே மாட்டேன் . 

நான் உன்னை நினைக்காத நாள் என்று ஒன்று வருமானால் அன்று என் கடைசி மூச்சு நின்றிருக்க வேண்டும் . 🙏🙏🙏

சுருக்கம்

ஆலகால விஷம் என்னும் கொடிய நஞ்சை விழுங்கிக் கழுத்திலேயே நிறுத்திக் கொண்டதால் கறுத்த திருக்கழுத் துடையவ ரான சிவபிரானின் இடப்பாகத்தில் அமர்ந்துள்ள பொன் னிற மேனியளே! 

வெறுக்கத்தக்க செயல்களை அடியவர்கள் செய் தாலும், அறிவிற் சிறந்த பெரியவர்கள் அவற்றைப் பொறுத்துக் கொள்ளும் பழக்கம் தொன்று தொட்டே இருந்து வருவதுதானே? 

ஆகவே, நீ விரும்பாமல் விலக்கத்தக்க செயல்களை நான் அறியாமையால் செய் தாலும், நீ பொறுத்துக் கொள்வாய் என்ற நம்பிக்கையில் உன்னை நான் வாழ்த்தி வணங்கத் தவறேன்.👏👏👏👣👣👣👣👣👣👣👣👣👣👣👣

நல்லதொரு பாடல். இந்தப் பாடலைப் படிக்கையில் ஏன் புது நஞ்சை உண்டு என்று எழுதியிருக்கிறார் என்று யோசித்துப் பார்த்தேன். 

இப்படித் தோன்றியது. நஞ்சு என்பது கொல்வது. அதாவது நமக்குத் தீயது. நமக்குத் தீயவைகள் ஒவ்வொரு நாளும் புதிதுபுதிதாக வருகிறதல்லவா. அந்தப் புதிய நஞ்சுகளைத் தானுண்டு எப்பொழுதும் நமைக் காக்கத் தானுண்டு என்கிறாரே அந்தப் பெருந்தகை. 

ஆகையால் புது நஞ்சை உண்டு என்று சொல்வது பொருத்தமே என்று முடிவுக்கு வந்தேன்.

அம்மா, உன் கணவன் கொதிக்கக் கொதிக்க ஆலகால நஞ்சைத் தான் உண்டு தேவர்களுக்கு அமிர்தம் கிடைக்கச் செய்தவன். 

அப்படிப்பட்டவனது இடப்பாகத்தில் நிற்கும் நீ என் தவறுகளுக்காக என்னை வெறுக்கலாகுமோ ?

அது உனக்கு அழகா ? அரிசினத்தால் ஈன்ற தாய் அடிப்பதுண்டு, ஆனால் தன் பிள்ளையை வெறுப்பதுண்டோ ?

    

👍யானுன்னை வாழ்த்துவனே

👍👍👍👍👌👌👌👌👌👌💐💐💐💐💐