அபிராமி அந்தாதி - பாடல் 65- ஆறுமுகன் மூதறிவின் மகன் -

 

                      பச்சைப்புடவைக்காரி -507

அபிராமி அந்தாதி 

பாடல் 65

இன்றைய பாடல் ஒரு இலக்கிய சுவை கொண்டது .. 

திருமுருகன் அவதார பெருமையை சொல்லும் பாடல் ... *மாரன்* என்றால் மன்மதன் *...கு* மாரன் என்றால் ஞானம் கொண்டவன் ... காமத்தை விரட்டுபவன் ... 

இதன் தாத்பரியங்களை இன்னும் அலசும் போது பார்க்கலாம் ...🥇🥇🥇

பரமேஸ்வரன் தியான நிலையில் தக்ஷிணாமூர்த்தியாய் அமர்ந்திருக்கிறான் . 

குமார சம்பவம் நிகழ்ந்தால் தான் சூரனை கொல்ல முடியும் ..

நடக்கும் எல்லா  அக்கிரமங்களுக்கும்  ஒரு முற்றுப் புள்ளி வைக்க முடியும் .... 

யார் தியானத்தை கலைப்பார்கள் யாருக்கு அவ்வளவு தையிரியம் இருக்கிறது ? 

கலைப்பது மட்டும் வேலை இல்லை .. அங்கே ஆசையை ஈசன் மனதில்  உருவாக்க  வேண்டும் .... 

யாருக்கு வல்லமை இருக்கிறது ? 

முப்பது முக்கோடி தேவர்கள் ஓடி ஒளிந்து கொண்டனர் .. 

பிரம்மன் சத்திய உலகத்தை பாயாக சுருட்டிக்கொண்டு  ஆதார் , PAN ஒன்றையும் மாத்தாமல்  யார்கிட்டேயும் சொல்லிக்கொள்ளமல் ஓடி ஒளிந்து கொண்டார் ... 

அரங்கன் உரக்க குறட்டை விட்டுக்கொண்டு நன்றாக தூங்குவதைப்போல நடித்தான் ... 

🥇🥇🥇🥇🥇

அம்பாளே ஒரு யோசனை தந்தாள் .. மன்மதனை அழைத்து ஈசன் மேல் மலர் கணைகளை பொழிய ... 

அன்னை கொடுத்த தையிரயத்தில் அம்பு விட்டான் ... 

6 பொறிகள் ஒன்றன் பின் ஒன்றாக வந்து மன்மதனை துளைப் போட்டது ... எரிந்து போனானன்  எலும்புகள் கூட இல்லாமல் ... 🔥🔥🔥🔥🔥🔥

எல்லோரும் ஒளிந்திருந்து ஈசனின் மன மாற்றத்தை மதன் அம்பு எய்திய பின் பார்க்க தவம் செய்து கொண்டிருந்தனர் 

மதன் எரிந்து போனது எல்லோரையும் கலங்க வைத்தது .... சூரனை கொல்ல வேண்டி தவம் இருந்தால் இவரோ மதனை கொன்று விட்டார் .. Missed Identity 🤔

 அபிராமி பார்த்தாள் ... 

பிள்ளையார் பிடிக்க குரங்காகி விட்டதே ... 

சரி அண்ட சராசரங்கள் பார்த்துக்கொண்டிருக்கும் போது தானே இந்த மன்மத தகனம் நடந்தது ... 

எந்த ஈசனின்  கண் காமத்தை எரித்ததோ அதே கண் எல்லோரும் பார்க்கும் படி ஞானத்தை  உருவாக்கட்டும் ... 

ஆசை , காமம் அழிந்து போனால் அங்கே பிறப்பது ஞானம் தானே !!

ஈசனின் மூன்றாவது கண் திறந்தது 

அதில் கோபம் இல்லை .. ஞானம் நிரம்பி வழிந்தது ... 

காமம் இல்லை ... கருணை கடலாய் பொங்கியது ... 

ஆசை இல்லை ... ஆனந்தம் அணை இல்லாமல் வெள்ளம் போல் ஓடியது ... 

பொறிகளில் ஆயிரம் கோடி மன்மதனை ஒன்று சேர்த்தால் வரும் அழகு தெளித்தது எங்கும் ... 

துன்பம் , துயர் , ஏழ்மை , வறுமை ஏக்கம் , தாக்கம் எல்லாம் பஷ்மாய் போயின ... 👀🔥

எந்த கண் மதனை எரித்ததை அனைவரும் பார்த்தனரோ அதே கண் கருணை வடிவமாய் ஆவதையும் எல்லோரும் அபிராமியின் வல்லமையால் பார்த்து மனம் குளிந்தனர்...

இப்படிப்பட்ட மாபெரும் அவள் வல்லமையை புகழ்ந்து பாடும் பாடல் இது

ககனமும் வானும் புவனமும் காண 

விற்காமன் அங்கம் தகனம் முன் செய்த தவப்பெருமாற்கு  தடக்கையும் செம்

முகனும் 

முந்நான்கு இருமூன்று எனத் தோன்றிய மூதறிவின்

மகனும் 

உண்டாயது அன்றோ வல்லி நீ செய்த வல்லபமே🥇🥇🥇🙏🙏🙏

ககனமும் வானும் புவனமும் காண - 

பூமியில் வாழ்பவர்களும், வானுலகில் வாழ்பவர்களும், இடைப்பட்ட உலகங்களில் வாழ்பவர்களும் என எல்லோரும் கண்டு வியக்கும்படி.....🙏🙏🙏

விற்காமன் அங்கம் தகனம் முன் செய்த தவப்பெருமாற்கு - 

கரும்பு வில்லை ஏந்திய மன்மதனின் உடலை எரித்த தவத்தில் சிறந்த சிவபெருமானுக்கு

🔥🔥🔥

தடக்கையும் - நீண்ட வலிய கைகளையும்

 செம்முகனும் - சிவந்த திருமுகமும்

 முந்நான்கு- பன்னிரு கரங்களும்

 இருமூன்று - ஆறுமுகங்களும்🙏🙏🙏

எனத் தோன்றிய மூதறிவின் மகனும் உண்டாயது - 

என்று பல விதங்களிலும் பெருமை கொண்ட தகப்பன் சுவாமியான திருமுருகன் மகனாக உண்டாக்கும் வல்லமை அமைந்தது...👏👏👏

அன்றோ வல்லி நீ செய்த வல்லபமே - 

அம்மையே உன்னுடைய வல்லமையால் தானே?!

மன்மத லீலையை வென்றார் உண்டோ என்று எல்லோரும் மயங்கி இருக்கும் போதில் 

அந்த மன்மதனை எல்லோரும் காணும் படி வென்றதைத் தான் எல்லோரும் வியக்கும் படி *தகனம்* செய்தார் என்று கூறுகிறார். 

அப்படி மன்மதனைத் தகனம் செய்த தவப்பெருமானே அந்த மன்மதனை விஞ்சும் அழகுடைய திருக்குமரனைப் பெற்றார் என்று வியக்கிறார். 

அப்படிப் பெறும் வல்லமையும் அம்மையே உன்னால் தான் ஏற்பட்டது என்று அன்னையைப் போற்றுகிறார். 

ஒரே கல்லில் மூன்று மாங்காய். 

அழகில் சிறந்தவன் திருமுருகன் என்று மகனைப் போற்றியாயிற்று; 

யாராலும் வெல்ல இயலாத மன்மதனைத் தகனம் செய்தார் என்று அப்பனைப் போற்றியாயிற்று; 

அந்த அப்பனுக்கும் சக்தி வந்தது அம்மையே உன்னால் தான் என்று அன்னையையும் போற்றியாயிற்று.🙏🙏🙏

காமன் அழிந்து போகவில்லை. 

அவன் உடல் மட்டுமே காணாமல் போனது. 

அவன் உடலற்றவனாக அனங்கனாக் (அ+அங்கன்) வாழ்கிறான் என்பதை ' *காமன் அங்கம்'* தகனம் செய்யப்பட்டது என்று குறிப்பால் உணர்த்துகிறார்.

எல்லோரும் வானில் வாழ்பவர்களையும் மண்ணில் வாழ்பவர்களையும் மட்டும் சொல்லும் போது அபிராமி பட்டர் ககனத்தில் இருப்பவர்களையும் சொல்கிறாரே யாரவர்கள் என்றால் 

மண்ணில் பந்தத்தில் உழன்று மண்ணோடு நெருங்கியிருப்பவர்கள், வானில் எல்லா பந்தங்களும் விடுபட்டு முக்தி நிலை பெற்றவர்கள் என்று மண்ணவரையும் விண்ணவரையும் கூறிவிட்டு, பந்தங்களிலிருந்து விடுபட்ட பின்னரும் மக்களின் மேல் கருணை கொண்டு உலகத்தில் வாழும், ககன மார்க்கத்தில் உலாவும் சித்தர் பெருமான்களைச் சொல்கிறார் 'ககனம்' என்பதன் மூலம்.🙏🙏🙏

***

வாரியார் சொல்வார். *"புழுவைத் தேய்த்த வீரனே...* *எறும்மை ஏய்த்த எத்தகனே"* 

இப்பிடிப் பாராட்டுனா வெக்கம் வந்து வந்தவன் ஓடிப் போயிருவான். 

அப்படித்தான் நாம சாமிய "மன்மதனை எரித்தவனே" முப்புரம் தீய்த்தவனேன்னு சொல்றதெல்லாம். 

அவரு எல்லாத்துக்கும் மேல...அப்படீன்னு சொல்லீருக்காரு. 

இருந்தாலும் நாம சொல்லாம விடுறதில்லை.

வாரியார் சுவாமிகள் சொன்னது சரி தான். 

நம்மாழ்வாரும் 'நான் உன்னை தேவாதி தேவன்; உலக நாயகன் என்றெல்லாம் புகழ்கிறேனே. அதனால் உன் புகழ் மாசுபட்டு விடுமோ என்று அஞ்சுகிறேன்' என்று சொல்வார். 

அதனைத் தான் வாரியார் சுவாமிகளும் சொல்லியிருக்கிறார். 

மன்மதனை எரித்தவன், முப்புரம் எரித்தவன் என்பதெல்லாம் இறைவனின் பெருமைக்கு முன்னால் ஒன்றுமே இல்லை தான்; 

அவை எல்லாம் ஈசனுக்குப் புழுவைத் தேய்ப்பதைப் போலும் எறும்பை ஏய்ப்பது போலவும் தான்.

வேறு வகையில் பார்க்கலாம். 

அவனுக்கு வேண்டுமானால் மன்மதனை வெல்வது சின்ன வேலையாக இருக்கலாம். 

நமக்கு? வானிலும், மண்ணிலும், ககனத்திலும் என்று எங்கெல்லாம் உயிர்த்திரள்கள் இருக்கின்றன என்று இந்தியத் தத்துவங்கள் சொல்கின்றனவோ அங்கெல்லாம் இருக்கும் உயிர்த்திரள்கள் மன்மதனை வெல்வது பெரும் காரியமாகத் தானே கொண்டிருக்கின்றன. 

அவனை வென்றான் என்று ஈசனைப் போற்றுவது இவர்கள் பார்வையில் மலையைப் புரட்டிய செயல் தானே. 

அந்த வகையில் அபிராமி பட்டர் பாடினார் என்று எடுத்துக் கொள்வோம்.🔥🔥🔥

👏👏👏👏👏👏👏👏👏👏

அபிராமியே சரவண பொய்கையாய் மாறி ஆறு பொறிகளை தானே வாங்கிக்கொண்டு வாரி  கட்டிக்கொள்கிறாள் .. 

அம்பாள் கட்டிக்கொண்டதால் அவன் பெயர் கந்தன் என்றாகியது 🥇🥇🥇

ஆறுமுகன் மூதறிவின் மகன் 

                            👌👌👌👌💐💐💐💐💐👍👍👍👌👌👌👌😊😊😊😊