அபிராமி அந்தாதி - பாடல் 67 - மின்னல் போலும் உன் திருவுருவம்-

 

                        பச்சைப்புடவைக்காரி -509

அபிராமி அந்தாதி 

பாடல் 67

இன்றைய பாடல் கொஞ்சம் கடுமையான பாடல் ... 

அபிராமியை வணங்குபவர்களுக்கு  என்னவெல்லாம் கிடைக்கும் ? 

அவர்களின் சின்னங்கள் என்ன என்ன வென்று இது வரை சொல்லிக்கொண்டு வந்தவர் 

இந்த பாடலில் எதிர்மறையான பாடல் ஒன்றை வைக்கிறார் .. 

அம்பிகையை அந்த மின்னல் கொடியாளை  ஒரு மாத்திரை ( வினாடி) கூட நினைக்காதவர்கள் எதையெல்லாம் வாழ்க்கையில் இழப்பார்கள் என்பதை கோபத்துடன் சொல்கிறார் 😡😡😡😡😡

பாடலுக்குள் போகும் முன் கொஞ்சம் துணைக்கு பட்டினத்தாரையும் , அருணகிரியையும் அழைப்போம் ...

*பட்டினத்தார்*

ஆற்றொடு தும்பை அணிந்தாடும் அம்பல வாணர் தம்மைப்

போற்றா தவர்க்கு அடையாளம் உண்டே 

இந்தப் பூதலத்தில்

சோற்றாவி அற்றுச் சுகமற்றுச் சுற்றத் துணியும் அற்றே

ஏற்றாலும் பிச்சை கிடையாமல் ஏக்கற் றிருப்பர்களே.🔥🔥

*அருணகிரி* 

சரணகம லால யத்தை அரைநிமிஷ நேர மட்டில்

     தவமுறைதி யானம் வைக்க ...... அறியாத

சடகசட மூட மட்டி பவவினையி லேச னித்த

     தமியன்மிடி யால்ம யக்க ...... முறுவேனோ

கருணைபுரி யாதி ருப்ப தெனகுறையி வேளை செப்பு

     கயிலைமலை நாதர் பெற்ற ...... குமரோனே

கடகபுய மீதி ரத்ந மணியணிபொன் மாலே செச்சை

     கமழுமண மார்க டப்ப ...... மணிவோனே

தருணமிதை யாமி குத்த கனமதுறு நீள்ச வுக்ய

     சகலசெல்வ யோக மிக்க ...... பெருவாழ்வு

தகைமைசிவ ஞான முத்தி பரகதியு நீகொ டுத்து

     தவிபுரிய வேணு நெய்த்த ...... வடிவேலா

அருணதள பாத பத்ம மதுநிதமு மேது திக்க

     அரியதமிழ் தான ளித்த ...... மயில்வீரா

அதிசயம நேக முற்ற பழநிமலை மீது தித்த

     அழகதிரு வேர கத்தின் ...... முருகோனே

*சரண கமலாலயத்தை ...* உனது தாமரை போன்ற திருவடிகளை

 *அரை நிமிஷ நேர மட்டில் .* .. அரை நிமிஷ நேர அளவுக்காவது

 *தவமுறை தியானம் வைக்க அறியாத ...* தவ நிலையில் தியானத்தில்

வைத்திட அறியாத

 *ஜட கசட மூட மட்டி ...* 

பொய்யும் குற்றமும் கொண்ட மூடனான

மட்டி யான்

 *பவ வினையிலே சனித்த ...* பிறப்பதே தொழிலாகக் கொண்டு

பிறந்துள்ள

 *தமியன்* ... தன்னம் தனியனான யான்

 *மிடியால் மயக்கம் உறுவேனோ? ...* 

வறுமையால் மயக்கத்தை

அடையலாமோ?

 *கருணை புரியாதிருப்ப தென குறை* ... கருணை காட்டாமல்

இருப்பது என்ன குறையைக் கண்டு?

 *இவேளை செப்பு ...* இப்பொழுதே சொல்லி அருளவேண்டும்

 *கயிலைமலை நாதர்பெற்ற குமரோனே ...* கயிலாயமலை நாதராம்

சிவன் பெற்ற குமரனே

 *கடக புயமீதி* ... வீரக் கடகம் அணிந்த புஜத்தின் மீது

*ரத்ன மணியணி பொன்மாலை செச்சை ...* 

ரத்னாபரணம்,

தங்கமாலை, வெட்சிப் பூமாலை

 *கமழு மணமார் கடப்பம் அணிவோனே ...* 

வாசனை நிறைந்த

கடம்பமாலை இவைகளை அணிந்தவனே

 *தருணம் இதையா ...* தக்க சமயம் இதுதான் ஐயா

 *மிகுத்த கனமதுறு நீள்சவுக்ய ...* 

மிக்க பெருமையைத் தரும்

நீடித்த சுகம்

 *சகல செல்வ யோகமிக்க பெருவாழ்வு ...* 

எல்லாவித செல்வம்,

அதிர்ஷ்டம், நிறைந்த பெருவாழ்வு

 *தகைமை சிவ ஞான முத்தி பரகதியு நீகொடுத்(து) ...* 

நன்மதிப்பு, சிவஞானம், முக்தியாம் மேலான கதி இவையாவும் நீ

கொடுத்(து)

 *(உ)தவிபுரிய வேணு நெய்த்த வடிவேலா ...* 

உதவி புரிய

வேண்டுகின்றேன், பளபளப்பும் கூர்மையும் உடைய வேலனே

 *அருணதள பாத பத்மம் அதுநிதமுமே துதிக்க ...* 

சிவந்த

தாமரையிதழ் போன்ற உன் பாதமதனை தினந்தோறும் நான் துதிப்பதற்கு

 *அரிய தமிழ் தானளித்த மயில்வீரா ...* 

அருமையான் தமிழ்

ஞானத்தை தந்த மயில்வீரனே

 *அதிசயம் அனேகம் உற்ற பழனிமலை மீதுதித்த* ... 

அதிசயக்

கோலங்கள் பல நிறைந்த பழனிமலை மீது விளங்கித் தோன்றும்

 *அழக, திருவேரகத்தின் முருகோனே. ...* 

அழகனே திருவேரகத்து

(சுவாமி மலையின்) முருகப்பெருமானே

.🦚🦚🦚

பெயர் அருணகிரி அல்ல உன்னை வணங்காமல் இருக்கும் நான் மடையர்களுக்கெல்லாம் அடி மடையன் ... சொல்வது அருணகிரி

இன்றைய பாடலை பார்ப்போம் .. கொஞ்சம் மனதில் தையிரியத்தை வரவழைத்துக்கொள்ளுங்கள் ....

மின்னல் போலும் உன் திருவுருவம் (பாடல் 67)🌹🌹🌹🌸🌸🌸

தோத்திரம் செய்து தொழுது 

மின் போலும் நின் தோற்றம் 

ஒரு

மாத்திரைப் போதும் மனத்தில் வையாதவர் 

வண்மை 

குலம்

கோத்திரம் 

கல்வி 

குணம் 

குன்றி 

நாளும் குடில்கள் தோறும்

பாத்திரம் கொண்டு பலிக்கு உழலா நிற்பர் பார் எங்குமே😡🔥😰

*தோத்திரம் செய்து தொழுது -* 

உன் துதிகளைப் பாடி உன்னைத் தொழுது

பசுவை அதற்கு வாய் இருந்தும் வாயில்லா பிராணி என்று சொல்கிறோம் 

ஏன் என்றால் அதனால் தோத்திரம் சொல்ல இயலாது அம்பாளை புகழ்ந்து பாடத் தெரியாது ... 

நமக்கு வாய் இருந்தும் அவள் புகழைப் பாடாமலும் சொல்லாமலும் எண்ணாமலும்  இருந்தால் நாமும் பசுவைப்போல ஒரு வாயில்லா பிராணி தானே ? 🐄🐄🐄

*மின் போலும் நின் தோற்றம் -* 

மின்னலைப் போன்ற உன் திருவுருவத்தை

ஒரு மாத்திரைப் போதும் மனத்தில் வையாதவர் -

ஒரு மாத்திரைப் பொழுதும் மனத்தில் வைத்து தியானிக்காதவர்கள்....

*வண்மை* 

இருக்கும் வள்ளல் / கொடை த் தன்மை குறைந்து போகும் ... கர்ணன் பெரிய வீரன் இருந்தாலும் எல்லா போரிலும் அடி அதிகமாக வாங்கிக்கொண்டுதான் வந்தான் .. 

அவன் தன் உள்ளத்தில் தெய்வத்தின் அருளை இறக்கிக் கொள்ளவே இல்லை ... 

சில அடர்ந்த காடுகளில் குளிர் காய  நெருப்பை ஏற்றுவார்கள் ... 

அது காடே பத்தி எரிவது போல் தூரத்தில் பார்க்கும் போது தெரியும் .. 

பனி சற்று விலகும்  போது தீயும் சிறியதாய் தெரியும் .. 

அதுபோல் அம்பாளின் அருள் எனும் பனி உள்ளத்தில் இறங்க இறங்க அவள் கருணை எனும் தீ காட்டு த் தீயைப்போல் சுடர் விட்டு எரியும்... 

🔥🔥🔥

*குலம்* 

அவர்கள் சேர்ந்த குலத்தின் பெருமை குன்றும் .. 

 *கோத்திரம்*

பிறந்த கோத்திரத்தின் அருமை மங்கிப்போகும் 

 *கல்வி* படித்த கல்வியினால் ஏற்றம் கிடைக்காது  

 *குணம்* 

 

இவன் நேற்றுவரை நல்லவனாக இருந்தானே இப்படியா கெட்ட குணம் கொண்டவனாக மாறுவான் என்று எல்லோரும் கேட்கும் படி ஆகி விடுவான் 

 *குன்றி* - அவர்களின் வள்ளல் தன்மை, பிறந்த குலம் கோத்திரம், பெற்ற கல்வி, வளர்த்த நற்குணங்கள் எல்லாம் குறைவு பெற்று

 *நாளும்* - தினந்தோறும்

 *குடில்கள் தோறும்* - 

வீடுகள் தோறும்

 *பாத்திரம் கொண்டு* - பாத்திரத்தைக் கையில் ஏந்திக் கொண்டு

 *பலிக்கு உழலா நிற்பர்* - பிச்சைக்குத் திரிவார்கள்... அவர்கள் பிச்சைக்கு செல்லும் வீட்டிலும் எச்சை கையினால் காக்காவை விரட்டாதவர்களாய்  இருப்பார்கள் 

 *பார் எங்குமே* - உலகமெங்குமே

வள்ளுவர் இப்படி சொல்கிறார் ... ஒருவன் தானம் செய்வதைக்கண்டு பொறாமை கொள்பவன் எந்த நிலைமைக்கு ஆளாவான் என்பதை  

 *கொடுப்பது அழுக்கறுப்பான் சுற்றம்* - 

ஒருவன் பிறர்க்குக் கொடுப்பதன்கண் அழுக்காற்றைச் செய்வானது சுற்றம்; 

 *உடுப்பதும் உண்பதும் இன்றிக் கெடும் -* 

உடுக்கப்படுவதும் உண்ணப்படுவதும் இன்றிக் கெடும்.

 (கொடுப்பதன்கண் அழுக்கறுத்தலாவது, கொடுக்கப்படும் பொருள்களைப் பற்றிப் பொறாமை செய்தல்.) 🌸🌸🌸

இந்தப் பாடலைப் படிக்க கொஞ்சம் பயமாகத் தான் இருக்கிறது. சாபம் இடுவது போன்ற தொனி.

அருஞ்சொற்பொருள்:

வண்மை - வள்ளன்மை; வன்மை என்பதற்கும் வண்மை என்பதற்கும் உள்ள வேற்றுமையை அறிய வேண்டும். வன்மை என்பது வலிமை என்ற பொருள் தரும். வண்மை வள்ளல்தன்மையைக் குறிக்கும்

மின்னல் போலும் உன் திருவுருவம்

                                👍👍👍👍👌👌👌👌💐💐💐💐💐😊😊😊😊

.