அபிராமி அந்தாதி - பாடல் 68 - சிவகாமசுந்தரி சீறடிக்கே சாரும் தவம் வேண்டும்--

 

                    பச்சைப்புடவைக்காரி -510

அபிராமி அந்தாதி 

பாடல் 68

இந்த பாடலில் மீண்டும் சாந்தமாக பட்டர் ஒரு நல்ல செய்தியை தெரிவிக்கிறார்... 

நேற்றைய கோபம் இல்லை .. 

இன்றைய பாடலும் நாளைய பாடலும் அபிராமி என்னவெல்லாம் தருவாள் என்பதை பற்றிய பாடல்கள் ...

இப்படி ஒரு கருணை தெய்வத்தை வணங்காமல் இருக்காதீர்கள் என்று ஒரு தாபத்துடன் சொல்கிறார் 

*சிவகாமசுந்தரி சீறடிக்கே சாரும் தவம் வேண்டும் (பாடல் 68)*

பாரும் 

புனலும் 

கனலும் 

வெங்காலும் படர்விசும்பும்

ஊரும் 

முருகுசுவை 

ஒளி ஊறு 

ஒலி ஒன்றுபடச்

சேரும் தலைவி 

சிவகாம சுந்தரி சீறடிக்கே

சாரும் தவம் உடையார் படையாத தனம் இல்லையே👏👏👏🤝🤝🤝

அருஞ்சொற்பொருள் :

 *பார்* - உலகம்

 *புனல்* - நீர்

 *கனல்* - நெருப்பு

 *கால்* - காற்று

 *விசும்பு* - ஆகாயம்

 *முருகு* - நறுமணம்

 *ஊறு* - உணர்வு (தொடுதல், ஸ்பரிசம் ,  உணர்வு)

 *சீறடி* - சிறிய அழகிய திருவடி

தமிழில் நாம் எப்பவோ மறந்து போன சொற்கள் 👆👆👆

பூதங்கள் ஐந்து .. 

ஒவ்வொன்றுக்கும் சில தன்மைகள் ( தன் முத்திரைகள் உண்டு ) 

முதலில் தோன்றியது *வானம்* .. ஒரே ஒரு தன்மை மட்டுமே .. ஒலி எழுப்புவது 

பிறகு *காற்று* ... காற்றுக்கு ஒலியும் ஸ்பரிசமும்  உண்டு .. இரண்டு முத்திரைகள் 

பிறகு *நெருப்பு* ... மூன்று தன்மைகள் ...  ஸ்பரிசம் , ஒலி , ஒளி 

பிறகு *நீர்*  ... 4 தன்மைகள் ... ஒலி ,சுவை ,  ஸ்பரிசம் , ஒளி 

பிறகு *நிலம்* ... மணம் , ஒளி , ஓசை , ஸ்பரிசம் , ஒலி எல்லாம் சேர்ந்தது நம் உடலில் உள்ள ஐம்பொறிகளுக்கும் இந்த தன்மைகள் உண்டு .

இந்த ஐம் பூதங்கள் தனித்தனியாக இருக்கின்றன அத்துடன் அதற்கு ஏத்த தன்மாத்திரைகளை அபிராமி ஒன்று சேர்க்கிறாள்... 

ஐம் பூதங்களாகவும் அவைகளின் தன்மைகளாகவும் இருப்பவள் அபிராமி .. 

கொஞ்சம் நினைத்துப்பாருங்கள் நம் உடலில் உள்ள ஐம் பொறிகளில் ஒன்று வேலை செய்யாவிட்டாலும் , we will be handicapped . 👏👏👏

அவளை நினைப்பதே நாம் செய்யும் பெரும் தவம் ...  எவ்வளவோ பிறவிகளில் அவளை நாம் தோத்திரம் செய்திருந்தால் மட்டுமே அவளைப்பற்றிய நினைவும் சிந்தனையும் இந்த பிறவியில் வரும் ... 🤝🤝🤝

சரி  ஏன் சேரும் தவம் உடையார் என்று சொல்லாமல் சாரும் தவம் உடையார் என்கிறார் பட்டர் ?

சேருதல் என்பது சம அந்தஸ்து உடையவர்கள் ஒன்றாய் சேர்ந்து கூட்டணி வைத்துக்கொள்ளுதல் ... நாமும் அம்பிகையும் சமமா ... அவள் எங்கே ? நாம் எங்கே ? 

அதனால் தான் பட்டர் சாரும் என்கிறார் .. சாருதல் என்றால் சரணடைந்தல், பெரிய துணையை நாடுதல்....

அவளை சார்ந்தோம் என்றால் நாம் மிகவும் தவம் செய்தவர்களாகி விடுகிறோம் .. உடனே கிடைப்பது ஒரு பெரிய நினைத்துப்பார்க்க முடியாத jackpot ....நமக்கு இனி கிடைக்க முடியாதது என்று ஒன்றுமே இல்லை ... 🥇🥇🥇

இதையே மாணிக்க வாசகர் இப்படி பாடுகிறார் 

பாரிடை ஐந்தாய்ப் பரந்தாய் போற்றி

நீரிடை நான்காய் நிகழ்ந்தாய் போற்றி

தீயிடை மூன்றாய்த் திகழ்ந்தாய் போற்றி

வளியிடை இரண்டாய் மகிழ்ந்தாய் போற்றி

வெளியிடை ஒன்றாய் விளைந்தாய் போற்றி

அளிபவ ருள்ளத் தமுதே போற்றி!

பதப்பொருள் : 

 *பாரிடை ஐந்தாய்ப் பரந்தாய் -* பூமியில் ஐந்து தன்மைகளாய்ப் பரவியிருப்பவனே, *போற்றி* - வணக்கம், 

 *நீரிடை நான்காய் நிகழ்ந்தாய்* - நீரில் நான்கு தன்மைகளாய் நிறைந்திருப்பவனே, போற்றி - வணக்கம், 

 *தீயிடை மூன்றாய்த் திகழ்ந்தாய் -* 

நெருப்பில் மூன்று தன்மைகளாய்த் தெரிபவனே, போற்றி - வணக்கம், 

 *வளியிடை இரண்டாய் மகிழ்ந்தாய் -* 

காற்றில் இரண்டு தன்மைகளாய் மகிழ்ந்திருப்பவனே, போற்றி - வணக்கம், 

 *வெளியிடை ஒன்றாய் விளைந்தாய்* - ஆகாயத்தில் ஒரு தன்மையாய்த் தோன்றியனனே, போற்றி - வணக்கம், 

 *அளிபவர் உள்ளத்து அமுதே* - கனிபவருடைய மனத்தில் அமுதமாயிருப்பவனே, *போற்றி* - வணக்கம்.

🤝🤝🤝🤝🤝🤝🤝🤝🤝🤝🤝🤝🥇🥇🥇🥇🥇🥇🥇🥇🥇🥇🥇🥇

பஞ்ச பூதங்களிலும் அன்னையை காண்கிறார், அவ்வாறு அன்னையை உணர்வதால் அவருக்கு வேறு எதுவும் பெரியதாக கிடைப்பதற்கு அறியதாக தெரியவில்லை என்கிறார்

அபிராமி அன்னையை விட்டால், யாரால் நமக்கு வேண்டியவற்றை தர முடியும்? 

அபிராமி பட்டர் பெற்ற அனுபவம், நமக்கும் கிடைக்க, அபிராமி அன்னை அருள் செய்யட்டும்.

சிவகாமசுந்தரி சீறடிக்கே சாரும் தவம் வேண்டும்

                                                                      🙏🙏🙏🙏🙏