அபிராமி அந்தாதி - -பாடல் 82 - அளி ஆர் கமலத்தில் ஆரணங்கே

 

                    பச்சைப்புடவைக்காரி -526

அபிராமி அந்தாதி 

பாடல் 82

இறைவியை பார்த்த அனுபவத்தை பலர் அவரிடம் கேட்டபோது இதை வார்த்தைகளால் விவரிக்க முடியாது அனுபவித்து உணர வேண்டும் என்று சொன்னவர் 

நமக்காக இந்த பாடலில் கொஞ்சம் கோடிட்டு காண்பிக்கிறார் ... 

இதை கேட்க்கும் போதே நம் உடம்பு பரவசமாகிறது .. 

அவர் தன் முழு அனுபவத்தையும் சொல்லி இருந்தால் நாம் எல்லோருமே மயக்கம் போட்டே விழுந்திருப்போம் ... 

உயிருடன் இந்த உடம்பை வைத்துக்கொண்டே ஜீவ முக்தி  அடையலாம் என்று விளக்கும் அருமையான பாடல் 🌷🌷🌷🦚🦚🦚

அளி ஆர் கமலத்தில் ஆரணங்கே (பாடல் 82)`

அகிலாண்டமும் நின்

ஒளியாக நின்ற ஒளிர் திருமேனியை 

உள்ளுந்தொறும்

களியாகி 

அந்தக்கரணங்கள் விம்மி கரை புரண்டு

வெளியாய்விடில் 

எங்ஙனே மறப்பேன் நின் விரகினையே

அளி ஆர் கமலத்தில் ஆரணங்கே 

அளி என்றால் வண்டு என்றும் கருணை என்றும் பொருள் வரும்

அபிராமி என்பதால் வண்டுகள் எல்லாமே கருணை பொங்கியே இருக்கும் . அதனால் இப்படியும் சொல்லலாம் 

கருணை மிகுந்த வண்டுகள் தேனினை உண்ண மொய்க்கும் தாமரையில் அமர்ந்திருக்கும் அழகிய பெண்ணே. 

இந்த தாமரை பூ தான் எவ்வளவு பாக்கியம் செய்துள்ளது . 

எங்கெல்லாம் சந்தர்ப்பம் கிடைக்குமோ அங்கெல்லாம் தாமரையை கொண்டு வருகிறார் பட்டர் . 

அவரது மனது மென்மையானது அதனால் அவர் எடுத்துக்கொண்ட மலரும் அவர் மனம் போல மென்மையாக இருக்கிறது 🌷🌷🌷

அகிலாண்டமும் நின் ஒளியாக நின்ற -

எல்லா உலகங்களும் உன்னிலிருந்து வீசும் ஒளியாக நின்றது.

அகிலம் + அண்டங்கள் = அகிலாண்டம் ..

அம்மா உன்னை வெளிப்புறமாக பார்த்தேன் .. 

எப்படி வந்தாய் தெரியுமா ? 

குங்குமத்தின் நிறத்தை ஒத்து உதிக்கும் கோடி சூரியனைப் போன்ற திருமேனி கொண்டவளாய்  

முக்கண்ணுடையவளும்

சிவந்த மாணிக்கத்தை சிரசிலும் கொண்டவளாய் 

நட்சத்திரத்தின் தலைவனான சந்திரனை உச்சியில் தரித்தவளாய்

மந்தஹாச புன்னகை சிந்துபவளாய் 

திண்மையான மார்பகத்தை உடையவளாய் 

கைகளில் தேன் நிரம்பிய ரத்ன கிண்ணத்தை கொண்டவளாய்  

சிவந்த மலர்களையும் கொண்டவளாய், 

சிவந்த பாதத்தை ரத்னக்குடத்தில் இருத்தி வீற்றிருப்பவளாய் 

சௌந்தர்யம் பொருந்தியவளாய் 

(மூன்றாவது கண் என்பது ஞானத்தை குறிக்கும்)

சூரிய அருணோதயத்தின் நிறத்தையொத்தவளாய்

அருட்கண்களால் கருணை அலையை தவழ விடுபவளாய் 

பாசம், அங்குசத்தை தரித்தவளாய் 

புஷ்பத்தாலான அம்புகளையும் கரும்பு வில்லையும் சுமந்தவளாய் 

அஷ்டமாசித்திகளால் சூழப்பட்டவளாய் 

ஒளிக்கதிரென மிளிர்பவளாய், 

பெரும் மஹத்துவத்தையுடையவளுமான பவானியாய்....🌷🌷🌷

பத்மத்தில் வீற்றிருந்தாய்  

ஒளிரும் திங்களென முகமும் கொண்டிருந்தாய்  

தாமரை இதழ்களையொத்த கண்களைக் கொண்டிருந்தாய்  

பொன்னென ஜொலிப்பவளும், பிராகாசிக்கும் பட்டாடை தரித்திருந்தாய் , 

கைகளில் மிளிரும் தங்கத் தாமரையை பிடித்திருந்தாய்  

சகலவித ஆபரண அலங்காரத்துடன் பூரித்திருப்பவளாய் என் முன் தோன்றினாய்

எங்கும் ஒளி 

உலகத்தில்  இருந்த ஒளிகள் எல்லாம்  அப்படி பிரம்மாண்டமாய் எழுந்த ஒளியைக்கண்டு தன் கூசும்  கண்களை மூடிக்கொண்டன...

ஒளிர் திருமேனியை உள்ளுந்தொறும் - 

அப்படிப்பட்ட ஒளி வீசும் உன் திருமேனியை நினைக்கும் போதெல்லாம்... உள்ளத்திலும் அந்த ஒளி தெரிகிறதே தாயே ✨✨✨💥💥💥

களியாகி - பெருமகிழ்ச்சி பெருகி

அந்தக்கரணங்கள் விம்மி - 

உள்ளுறுப்புகள் எல்லாம் விம்மி  

இப்படியும் சொல்லலாம் மனம் , புத்தி , அகங்காரம் , சித்தம் இவைகள் தூசி படிந்து இருந்தன .. அவை எல்லாம் உன் அருட்புனளால் சுத்தம் ஆகி விட்டன .. உள்ளத்தில் ஓடுவது சுத்தமான கங்கை .. 🌷🌷🌷

கரை புரண்டு - உள்ளே பெருகிய மகிழ்ச்சி கரை புரண்டு

வெளியாய்விடில் - வெளியேயும் பெருகி நிற்கின்றது.

எங்ஙனே மறப்பேன் நின் விரகினையே -

உனது பேரறிவினை எப்படி மறப்பேன்.. விரகினை என்பது சாமர்த்தியம் என்றும் சொல்லலாம் .. 

அம்மா உன் கருணை சாமர்த்தியம் ... அளவே இல்லை ... சாமர்த்தியம் எதனால் ? அறிவே இல்லாத ஒன்றுக்கும் உதவாத என்னையும் ஒழுங்குபடுத்தி உன் அடியார்களில் ஒருவனாய் ஆக்கி என் நெஞ்சத்து அழுக்கை எல்லாம் நீக்கி அங்கே கங்கை பெருக்கெடுத்து ஓடும் படி செய்து விட்டாயே .. 

பேரீச்சம் பழத்திற்கு விற்ற ஒரு ஓட்டை காரை ஒருவர் ஒரு கோடி விலை கொடுத்து வாங்கியது போல ... 

ஆனால் வாங்கியவர் முட்டாள் இல்லை அசடு இல்லை ... 

அந்த காரை இன்னும் சரி பண்ணி அதை முக்தி என்பவரிடம் விற்று விட்டார் ... 

இதைத்தான் அம்பாள் என்னிடம் செய்தாள் 💥💥💥

                           அளி ஆர் கமலத்தில் ஆரணங்கே 

                                       👏👏👏👏👏👏👍👍👍👍👍💐💐💐💐💐