அபிராமி அந்தாதி - பாடல் 85 - என் அல்லல் எல்லாம் தீர்க்கும் திரிபுரையாள்-

 

                        பச்சைப்புடவைக்காரி -529

அபிராமி அந்தாதி 

பாடல் 85

*என் அல்லல் எல்லாம் தீர்க்கும் திரிபுரையாள் (பாடல் 85)*🙌🙌🙌

இந்த பாடல் உள்ளத்தில் எழுதிய ஓவியத்தை வெளி உலகக்கு படம் போட்டு காண்பிக்கிறார் . 

பட்டர் உள்ளத்தில் அவள் ராஜ மாதாவாக ராஜ ராஜேஸ்வரியாய் நவரத்தின சிம்மாசனம் போட்டு அமர்ந்திருக்கிறாள் ... 

பட்டர் விவரிக்க விவரிக்க அவள் அவர் வர்ணித்தப்படி வெளி வருகிறாள் நமக்காக🙌🙌🙌

காக்கைச் சிறகினிலே நந்தலாலா என்று தொடங்கி பாரதியார் பாடிய பாடல் நிறைய பேருக்குத் தெரியும். 

வாசுதேவ ஸர்வமிதி ச மஹாத்மா சுதுர்லப என்று கண்ணன் கீதையில் சொல்லிய படி இறைவனே எல்லாம் இங்கு என்று இருக்கும் மகாத்மாக்கள் ஒரு சிலரேனும் உண்டு இங்கே. 

'உண்ணும் சோறும் பருகு நீரும் தின்னும் வெற்றிலையும் எல்லாமும் கண்ணனே' என்று சொல்லுவார் நம்மாழ்வார். 

பார்க்கும் திசை தொறும் இறைவியின் திருக்காட்சியையே காண்கிறார் அபிராமி பட்டர். 

தான் கண்ட காட்சியை நாம் எல்லாம் காண இந்தப் பாடலில் வடித்துத் தருகிறார்.👏👏👏👑👑👑

அருணகிரி பாடலை முதலில் பார்ப்போம் .. 

முருகன் எப்படி தன் முன் வரவேண்டும் என்பதை எவ்வளவு அழகாக படம் எடுத்துக்காட்டுகிறார் பாருங்கள் 🦚🦚🦚

செம் கேழ் அடுத்த சின வடிவேலும் 

திருமுகமும்

   

பங்கே நிரைத்த நல் பன்னிருதோளும் 

பதுமமலர்க்கொங்கே தரளம் சொரியும் 

செங்கோடைக் குமரன் என 

எங்கே நினைப்பினும் அங்கே என்முன் வந்து எதிர் நிற்பனே.🦚🦚🦚

......... பதவுரை .........

சிவந்த நிறமுடையதும் 

பகைவர் மீது சினம் பொருந்தியதும்

கூர்மையானதுமான வேலாயுதமும் 

அழகிய ஆறு திருமுகங்களும்

பக்கங்களில் வரிசையாக விளங்கி நலன்களைத் தரும் பன்னிரண்டு

தோள்களையும் கொண்டு, 

தாமரை மலரானது நறுமணத்தினையும்

முத்தினையும் சொரிகின்ற திருச்செங்கோட்டில் எழுந்தருளியுள்ள

[திருமுருகப்பெருமானை],

 'குமரக்கடவுளே' என்று எவ்விடத்தில்

அடியேன் நினைத்தாலும் அவ்விடத்தில் அடியேன் முன் வந்து நான் நினைத்த வண்ணம் நின்று

அருள்புரிபவாயாக ...( முருகனுக்கு கட்டளை போடுகிறார் அருணகிரி ) 👌👌👌

ஆதி சங்கரர் தனது சௌந்தர்ய லஹரியில் 7 வது பாடலை பட்டருக்கு ஒரு முன்னோடியாக வைக்கிறார் ...

க்வணத்காஞ்சீ-தாமா கரி கலப கும்ப-ஸ்தனனதா

பரிக்ஷீணா மத்யே பரிணத ஶரச்சன்த்ர-வதனா |

தனுர்பாணான் பாஶம் ஸ்றுணிமபி ததானா 

கரதலைஃ

புரஸ்தா தாஸ்தாம் னஃ புரமதிது ராஹோ-புருஷிகா || 7 ||

சலங்கைகள் கிலுகிலுக்கின்ற தங்க ஒட்டியாணம் பூண்டவளும் 

யானையின் மஸ்தகம் போன்ற நகில்களால் சற்று வணங்கிய வடிவுடையவளும், 

இடையில் மிக மெலிந்தவளும், 

சரத்காலத்துப் பூர்ணசந்திரன் போன்றமுகம் படைத்தவளும், 

கைகளால் கரும்புவில்,புஷ்பபாணம், பாசம், அங்குசம் ஆகியவற்றை தரிப்பவளும் 

முப்புரத்தை யழித்த பரமசிவனுடைய ஆச்சரியமான அகம்பாவ வடிவினளுமான பராசக்தி எங்களுக்கு எதிரில் எழுந்தருளட்டும்.👑👑👑

பட்டரின் இன்றைய பாடலை இனி சுவைப்போம் 👏👏👏

பார்க்கும் திசைதொறும் பாசாங்குசமும் 

பனிச்சிறை வண்டு

ஆர்க்கும் புதுமலர் ஐந்தும் கரும்பும் 

 *என் அல்லல் எல்லாம்*

*தீர்க்கும் திரிபுரையாள்* 

திருமேனியும் சிற்றிடையும்

வார்க்குங்கும முலையும் 

முலைமேல் முத்து மாலையுமே

💐💐💐👌👌👌👍👍👍

பார்க்கும் திசைதொறும் - 

நான் பார்க்கின்ற திசையிலெல்லாம் தெரிவது... 

தாயுமானவர் பாடினார் ... பார்க்கும் இடமெங்கும் நீக்கமற நிறைந்த ஜோதியே .. என் சச்சித்தானந்தமே ... 

பாசாங்குசமும் - அன்னை ஏந்திய பாசமும் அங்குசமும் அதாவது விருப்பும் வெறுப்பும்

பனிச்சிறை வண்டு ஆர்க்கும் புதுமலர் ஐந்தும் - 

பனியைப் போன்ற மெல்லிய சிறகுகளை உடைய வண்டுகளால் மொய்க்கப்பட்டிருக்கும் வாடாத ஐந்து மலர்க்கணைகளும்

ஏன் பனிச்சிறை வண்டு என்கிறார் ...மலர்ந்தும் மலராத காலை வேளையில் வண்டுகள் தேன் சேர்க்க புறப்படும் ... 

சில மலர்களில் இருக்கும் பனித் துளிகள் அவைகளின் சிறுகுகள் மீதும் படரும் ... 

அப்படி பனித்துளிகள் வண்டுகளின் மெல்லிய சிறகுகளை தன் வசம் கொள்கிறதாம் 🦚🦚🦚

கரும்பும் - கரும்பு வில்லும்

என் அல்லல் எல்லாம் தீர்க்கும் திரிபுரையாள் திருமேனியும் -

என் அல்லல்களை எல்லாம் தன் கருணையால் தீர்க்கும் திரிபுரசுந்தரியின் திருமேனியும்... This is ultimate .. தன் அலங்காரத்தையோ அழகையோ அவள் காண்பிக்க வரவில்லை .. என் ஏழேழு ஜென்ம வினைகள் + முந்தைய பிறவி வினை + இந்த ஜென்மத்தில் நான் செய்துகொண்டிருக்கும் பாவங்கள் எல்லாவற்றையும் ( என் அல்லல் எல்லாம்) அழிக்க வருகிறாள் ..👌👌👌👍👍👍

சிற்றிடையும் - சிறு இடையும் அவள் இடை மிகவும் சிறியது .. அடிக்கடி காணாமல் போகும் ஒன்று ...

வார்க்குங்கும முலையும் - கச்சை அணிந்த குங்குமம் அப்பிய முலைகளும்

முலைமேல் முத்து மாலையுமே -அந்த முலைகளின் மேல் அணிந்த முத்து மாலைகளுமே. 

இப்படி என் மஹா ராணி ஸ்ரீமாதா வருகிறாள் 👑👑👑🙌🙌🙌

நானும் பொருள் எழுதுவதற்கு முன் ஒரு நொடி தயங்கினேன் .

 'பூவின் மேல் பனித்துளி இருக்கின்றதைச் சொல்கிறாரோ? 

அந்தப் பனியால் நனைந்த சிறகினை உடைய வண்டினைச் சொல்கிறாரோ? 

அப்படி நனைந்த சிறகென்றால் வண்டு ஆர்க்க இயலுமா?' என்று ஒரு சிந்தனை. 

சிந்தித்துக் கொண்டே சாளரத்தின் வழியே வெளியே பார்க்க வீழ்ந்துக் கொண்டிருந்த வெண்பனி (உறைபனி) மெதுவாகப் பறந்து பறந்து தரையைத் தொடுவதைப் பார்த்தேன். 

இந்தப் பொருளை எழுதினேன். 

தன்னைத் தானே பாடுவித்துக் கொண்டவளே இங்கே பொருளும் எழுதுகிறாள்.👏👏👏🙌🙌🙌🙌

அபிராமி தாயே ! 

நான் எத்திசையை நோக்கினும் உன்னுடைய படைகளாகிய பாசமும், அங்குசமும், 

வண்டுகள் மறைந்திருக்கும் மலர் அம்பு ஐந்தும், 

கரும்பு வில்லும், 

என்னுடைய துன்பங்களெல்லாம் தீர்க்கக் கூடிய திரிபுரையாகிய நின் திருமேனி அழகும், 

சிற்றிடையும், 

கச்சையணிந்த குங்குமம் தோய்ந்த மார்பகங்களும், 

அவற்றின் மேலே அசையும் முத்துமாலையும் என்கண்முன் காட்சியாய் நிற்கின்றன. 

(எங்கும் பரந்தவள்).

என் அல்லல் எல்லாம் தீர்க்கும் திரிபுரையாள்

               

 👑👑👑👑👑👑👑👑👑👑👑👑