அபிராமி பட்டரும் அடியேனும் கேள்வி பதில் 26 பதிவு 22

          அபிராமி பட்டரும்                              அடியேனும் 

கேள்வி பதில் 26

பதிவு 22

*கேள்வி பதில் நேரம்* 

 *பதிவு 22* 🥇🥇🥇

கேள்வி கேட்பவர் ... ஒன்றுமே தெரியாதவர் அதாவது *நான்* . 

பதில் சொல்பவர் ... அபிராமியை உணர்ந்தவர் அதாவது *பட்டர்* . 

 கேள்வி 26

 *நான்* : 

 பட்டரே! காலை வணக்கம் ..   

 *பட்டர்*  

வாழும் வழி ஒன்று கண்டு கொண்டேன் ஒருவர் மனத்தே வீழும் வழி அன்று விள்ளும் வழி அன்று ... 

அலர் கதிர் அபிராமி உங்களை காக்கட்டும் 

இன்று என்ன கேள்வி ரவி ? 👌👌👌

*நான்* ஐயனே ... பல சந்தேகங்கள் உங்கள் பதிலால் தீர்ந்தது உண்மை .. 

உங்கள் திருவாயால் ஸ்ரீ லலிதா சஹஸ்ரநாமத்தில் சொல்லப்பட்ட அம்பாளின் அழகை பல நாமங்கள் மூலம் , எங்களுக்கு விரிவாக சொல்ல முடியுமா ... 

இது கேள்வி இல்லை ஒரு வேள்வி ...  🥇🥇🥇

*பட்டர்* .. 

சொல்ல நானும்  கொடுத்து வைத்திருக்க வேண்டும் . 

இப்படி கேட்டதற்கு நான் தான் உனக்கு நன்றி சொல்ல வேண்டும் ரவி ...

*பட்டர்* 

அவள் அழகை சொல்லும் நாமங்களை ஒன்றாய் *கருணை* எனும் பால் குடத்தில் கலந்து அதில் *காரூண்யம் , விழியின் கடை* எனும் மலைத்தேனையும் , 

பொடி செய்த கோடி மூட்டை கற்கண்டையும் சேர்த்து , 

 *பக்தி* எனும் பச்சை கற்பூரம் , 

*சரணாகதி* எனும் கோடி மூட்டை சர்க்கரை , 

 *அன்பு* எனும் ஏலக்காய் , 

 *கவனம்* எனும் கிராம்பு , திராட்சை , 

*பிறர் வாழ வேண்டுதல்* எனும் வெல்லம் கோடி குண்டா அண்டாக்களில் சேர்த்து இவைகளின் கலவை என்னுடைய இந்த தொகுப்பு ....🥇🥇🥇

நான் .. மயக்கம் போட இருந்த போது பட்டர் கைத்தாங்களாய் என்னை பிடித்துக்கொண்டார்...

பட்டர் .. என்ன ரவி இவ்வளவு பலவீனமாக இருக்கிறாய் ... நான் இன்னும் சொல்லவே ஆரம்பிக்க வில்லையே 

நான் ... அவர் காது பட சொன்னேன் ... 

தாரமர் கொன்றையும் செண்பக மாலையும் சாத்தும் தில்லை ஊரார் பாகத்து உமை மைந்தனே .. 

உலக ஏழும் பெற்ற சீர் லலிதாவின் நாமங்கள் 

காரமர் மேனி கணபதியே 

என் சிந்தையுள் எப்பொழுதும் நிற்க கட்டுரையே 💐💐💐

*பட்டர்*

எந்த ஓர் ஆணும், உலகிலேயே உனக்கு மிக அழகாகத் தெரியும் பெண் யார் என்று கேட்டால், 

முதல் பதில் *அம்மா* என்றே வரும். 

இங்கே அழகு அன்னையின் அன்பினாலும், அக்கறையினாலும், காட்டும் பாசத்தினாலும் உள்ளத்தைக் கொள்ளையிட்டதால் வருவது.

*ஸ்ரீமஹாத்ரிபுரஸுந்தரி* 

எல்லையில்லாத அழகின் உருவமாய்த் திகழ்கிறாள். 

சுகந்தம் வீசும் சம்பக, புன்னாக, 

அசோக புஷ்பங்களின் நறுமணத்தை எல்லாம் இயற்கையிலேயே தன்னகத்தே கொண்ட கூந்தல் கற்றையை உடையவள் அம்பிகை.

அவள் நெற்றியில் திகழும் கஸ்தூரி திலகம்…

மன்மதனுடைய வீட்டின் தோரணம் போன்ற புருவங்கள்… 

முகத்தில் உள்ள அழகு வெள்ளத்தில் துள்ளி விளையாடும் மீன்களைப் போன்ற கண்கள்… 🐟🐟🐋🐋

நட்சத்திரத்தின் பொலிவைப் பழிக்கும்படியான மூக்குத்தியுடன் கூடிய மூக்கு… ⭐⭐⭐

சூரிய சந்திரர்களே தோடுகளாக விளங்கும் செவிகள்… 🌞🌝

பத்மராகக் கண்ணாடியைப் பழிக்கும் கன்னங்கள்…

பவழ வாய்; 

சுத்த வி(த்)தையே முளைத்தது போன்ற அழகிய பல் வரிசை… – 

இப்படி அம்பிகையின் கட்புலனாகும் முக அழகு வர்ணிக்கப்படுகிறது.

பச்சைக் கற்பூரம் மணக்கும் தாம்பூலம், 

ஸரஸ்வதியின் வீணா நாதத்தினும் இனிய குரல்.. 

சொக்கனையும் சொக்க வைக்கும் புன்முறுவல்…

 – என அங்க அவயங்களின் அழகுக்கு அழகு சேர்க்கும் செயல் வெளிப்பாடு வர்ணிக்கப் படுகிறது.

மங்கல சூத்திரமும் அட்டிகையும் பதக்கமும் விளங்கும் கழுத்து.. 

காமேச்வரனுடைய விலையற்ற அன்பை விலைக்கு வாங்குவது போன்ற ஸ்தனங்கள்… 

நாபியாகிற பாத்தியில் இருந்து மெல்லிய கொடி போல் எழும் ரோம வரிசை; 

மூன்று மடிப்புக்களால் அழகிய வயிறு… 

சிவப்புப் பட்டாடை… 

சிறு கிங்கிணிகளுடன் கூடிய அரைஞாண், 

காமேசுவரன் உள்ளத்தைக் கொள்ளை கொள்ளும் துடைகள், 

இரத்தினக் கிரீடங்கள் போன்ற முழங்கால்கள்… 

திரண்ட கணுக்கால்… 

ஆமை முதுகு போன்ற புறங்கால்..

வணங்குவோர் அகத்திருளைப் போக்கும் இரத்தின தீபங்களைப் போன்ற நகங்கள் பொருந்திய திருவடித் தாமரைகள்…👣👣

இவ்வளவு உவமை நயத்துடன் அழகுமிளிரத் திகழும் அம்பிகை, 

அன்பினால் சிவந்த உள்ளம் போல் 

அழகினால் சிவந்த திருமேனி உடையவள். 

அழகு மிக்க ஆபரணங்களுக்கு அழகு செய்யும் அவயங்கள் தோன்ற, அவள் அழகின் பொக்கிஷமாய்த் திகழ்கிறாள்.🥇🥇🥇

*பட்டர்*  சொல்லிக்கொண்டே போகலாம் பதிவு மிகப்பெரியதாய் ஆகிவிடும் .. நாளை தொடர்வோம் 

நான் ... சொக்கிப்போனேன் சொக்கனையும் சொக்கியையும் இப்படி சொக்க சொக்க வர்ணிக்க முடியுமா ? 

முடியும் அபிராமி பட்டர் ஒருவரால் மட்டுமே ...* 🥇🥇🥇

சொக்கப் பானை எரிந்ததைப்போல் பட்டர் எரிப்புரை  மேனியுடன் கலந்து போனார் .. 🙏🙏🙏

      👌👌👌👌👌👌👌👌👌👌👍👍👍👍👍👍