அபிராமி பட்டரும் அடியேனும் கேள்வி பதில் 71 ,72 & 73 பதிவு 60

                      அபிராமி பட்டரும்   அடியேனும் 

  கேள்வி பதில் 71 , 72,73

                                          பதிவு 60👌👌👌

கேள்வி பதில் நேரம் 

பதிவு 60 🥇🥇🥇

கேள்வி கேட்பவன் ... ஒன்றுமே தெரியாதவன் அதாவது நான் . 

பதில் சொல்பவர் ... அபிராமியை உணர்ந்தவர் அதாவது பட்டர் . 

கேள்வி 71

நான் : 

ஐயனே .... நமஸ்காரம் . இறைவி அபிராமி எங்கும் வியாபித்தவள் என்று சொல்லுகிறீர்கள் .இதை தாங்கள் என்னைப்போன்ற அறிவிலிகளுக்கு புரியும் மாதிரி சொல்ல முடியுமா ? 

பட்டர் ..  

தகுதி இல்லாமல் இருப்பது தான் தகுதி என்று சொன்னேன் ஒருமுறை ... நீ அறிவிலி என்று நீயே ஒப்புக்கொண்டாய் ... பரவாயில்லை சொல்கிறேன் ... 

🙌🙌🙌

பட்டர்

பிரகஸ்பதி எனப்படும் தேவகுருவை மூன்று இளைஞர்கள் தேடிவந்தனர். 

முனிசிரேஷ்டரே! உம் சீடராக எங்களை ஏற்க வேண்டும், என்றனர். 

ஆளுக்கொரு கிளியைக் கொடுத்த குரு, யாரும் இல்லாத இடத்திற்குச் சென்று இந்த பறவையைக் கொன்று விட்டு வாருங்கள், என உத்தரவிட்டார். 

முதல் இளைஞன் கிளியை எடுத்துக் கொண்டு, காட்டுக்குச் சென்றான். 

ஆளே இல்லாத அந்த காட்டில், கிளியைக் கொன்று விட்டு குருவிடம் திரும்பினான். 

குரு அவனிடம், உனக்கு இன்னும் பக்குவம் வரவில்லை. 

அதனால் உன்னை சீடனாக ஏற்க முடியாது, என அனுப்பி விட்டார். 

இரண்டாவது இளைஞனுக்கு கிளியின் மீது இரக்கம் உண்டானது. 

கொல்ல மனமின்றி, அதைக் காட்டில் உயிரோடு பறக்கவிட்டான். 

அவனிடம் குரு, நீ இரக்கம் கொண்டவன். உனக்கு நல்ல குரு கிடைக்க என் ஆசிகள், என்று திருப்பி அனுப்பினார். 

மூன்றாவது இளைஞன் எங்கும் சுற்றித் திரிந்தான். 

எங்கும் இறைவன் நிறைந்து இருக்கிறார். அதனால், யாரும் இல்லாத இடம் என்று ஒரு இடம் எங்குமில்லை. அதனால், இதைக் கொல்ல முடியாது, என்று சொல்லி குருவிடம் கிளியை ஒப்படைத்தான். 

அவனைக் குரு சீடனாக ஏற்றுக் கொண்டார். 

பின், தன் யோகசக்தியால் மூன்று கிளிகளையும் வரவழைத்து அவர்களின் சுயரூபத்திற்கு மாற்றினார். 

கந்தவர்களாக மாறிய கிளிகள், குருவை வணங்கிவிட்டு புறப்பட்டனர்.

இறைவன் இல்லாத இடம் வஞ்சனை நிறைந்த உள்ளங்களிலும்  , 

தயா குணமும் இல்லாத நெஞ்சகளிலும் மட்டுமே .. 🌷🌷🌷

கேள்வி 72

நான் அருமை பட்டரே இன்னொரு கேள்வி  

மண்ணுலக ஆசைகள் இல்லாமல் பொருள் மேல் பற்று இல்லாமல் வாழ்வது சாத்தியமா ? 💐💐💐

பட்டர்

ஏழை பிரம்மச்சாரி ஒருவன் தனது திருமணத்திற்காக வேண்டிய பொருள்வசதி இல்லாமல் மிகவும் மனம் வருத்தம் அடைந்தான். 

அவன் ஒருநாள் ஸ்ரீ தேசிகரை சந்தித்து குருதேவா நான் ஒரு பிரம்மச்சாரி, வறுமையில் வாடுகிறேன். 

அதனால் எனது திருமணம் தடைப்பட்டுக்கொண்டே போகிறது என்று சொல்லி தனது இல்லாமையை தெரிவித்து, ஏதாவது உதவி செய்யுங்கள் என்று வேண்டினான்.

அவனது நிலமையைக் கண்டு வருந்தி தேசிகர் அந்த பிரம்மச்சாரியை அழைத்துக் கொண்டு காஞ்சி வரதர் கோயிலின் ஸ்ரீ ரங்கநாச்சியார் சந்நிதிக்குச் சென்றார். 

தாயாரின் முன்னால் நின்று பக்தி சிரத்தையோடு ஸ்ரீஸ்துதி என்ற ஒப்பற்ற ஸ்தோத்திரத்தை பாடினார்.

அவரது பாடல்களைக்கேட்டு மயங்கிய ஸ்ரீ ரங்கநாச்சியார் பொன்காசுகளை மழையாகக்கொட்டச் செய்தாள். 

அந்தக் காட்சியைப் பார்த்து பிரம்மச்சாரி திக்பிரமை பிடித்து நின்றான். 

எல்லா பொற்காசுகளையும் எடுத்துக் கொள் என்றார் ஸ்ரீ தேசிகர்.

அவன் பொற்காசுகளை இரண்டு மூட்டைகளாக கட்டி, ஸ்வாமி நான் ஒரு மூட்டையை எடுத்துக்கொள்கிறேன். 

இன்னொரு மூட்டையை நீங்கள் எடுத்துக்கொள்ளுங்கள் என்றான்.

தேசிகர் புன்னகை செய்தார், எனக்கு வேண்டாம் நீயே அவைகளை எடுத்துச் செல் அவைகளை நான் உனக்காக ஸ்ரீ பெருந்தேவித் தாயரிடம் கேட்டு வாங்கினேன் என்றார்.

கொட்டிக்கிடக்கும் பொன்காசுகளினால் கொஞ்சமும் கவரப்படாமல் வைராக்கிய சித்தத்தோடு இருக்கும் அந்த மகானுபவரைப் பார்த்து கண்களில் நீர்பனிக்க சேவித்தான் பிரம்மச்சாரி.

இந்தக் காட்சியைக் கண்ட மற்றவர்கள், அதிசயத்தில் பேச்சிழந்தனர். 

இப்படிக்கூட ஒரு மகான் இருப்பாரா என்று வியந்தனர்.

பொற்காசுகளை ஓட்டாஞ்சல்லியாக நினைத்து தொடுவதற்கோ, அல்லது எடுத்துக் கொள்வதற்கோ அல்ல,  பார்க்கக்கூட விரும்பாத  தேசிகரின் வைராக்கியத்தை வானளவாப் புகழ்ந்தனர்.

செல்வத்தை நல்ல காரியங்களுக்கு பயன்படுத்தாமல் கையிலேயே வைத்திருப்பதால் பயன் இல்லை. 

அது இருந்தும் இல்லாதைப்போலத்தான்.

ஈயாதான் செல்வம் இருந்தென்ன போயென்ன ? என்பது இதைத்தான். 

ஆகவே செல்வத்தை அனைவரோடும் பகிர்ந்து கொள்ளுங்கள். 

கையில் இருக்கின்ற பணத்தை மற்றவர் உபயோகிக்க கொடுப்பது உங்கள் மனத்தில் உள்ள அன்பின் உச்சகட்ட வெளிப்பாடாகும்.

செல்வத்தினால் எல்லாம் கிடைக்கும் என்று  எண்ணி போலியாக வாழ்பவர்கள் உண்மையான வாழ்க்கையைப் பார்ப்பதே இல்லை. 

பறவைகள் தரையில் விரிக்கப்பட்டு இருக்கும் வலையை பார்க்காமல், அதன் மீது இருக்கும் தானியத்தை எடுப்பதற்கு ஆசைப்பட்டு அருகே போய் வலையில் மாட்டிக் கொள்வதைப்போல இவர்களும் செல்வத்தை சேர்ப்பதற்காக ஆசைப்பட்டு துன்பத்தில் மாட்டிக் கொண்டு தவிக்கிறார்கள் என்பது என் அபிப்பிராயம் 🌷🌷🌷

நான் பட்டரே அருமை அருமை ...  

கேள்வி 73

சிறந்த தெய்வம் என்று ஒன்றை குறிப்பிட்டு சொல்ல முடியுமா ? 

பட்டர் ... சிறந்த தெய்வம் என்றால் அது ஓவ்வொருவருடைய தாய் . 

தாயை தெய்வமாய் நினை .. 

அதை கொஞ்சம் திருப்பிப்போட்டு தெய்வத்தை தாயாக நினைப்பதுதான் அம்பிகையின் தியானம் .. 🙌🙌🙌

பட்டர் ... காற்றினிலே வரும் கீதம் போல் காற்றினில் கரைந்தும் போனார் ....  தந்த பதில்கள் யானையின் தந்தங்கள் போல் ஒளி வீசின 👏👏👏🙌🙌🙌

 👍👍👍👍👍👌👌👌👌💐💐💐💐😊😊