ஸ்ரீ லலிதா சஹஸ்ரநாமம் - நாமங்கள் 55 TO 58 பதிவு 54

 LS 22 

 

|| ஸ்ரீ நகர வர்ணனை || 

 

|| ஸு மேரு - ம்த்யச் ருங் கஸ்தா ஸ்ரீ மந்நகர -நாயிகா | 

   சிந்தாமணி க்ருஹாந் தஸ்தா பஞ்ச - ப்ரஹ்மாஸனஸ்த்திதா || 

 

55.ஸு மேரு - ம்த்யச் ருங் கஸ்தா :

மேரு மலையின் உச்சியில் ஸ்ரீ புரம் இருப்பதாகக் கணக்கு . மேருமலைக்கு நான்கு சிகரங்கள் உண்டு . இந்த நான்கு சிகரங்களுள் மூன்று ஒரே உயரமாக இருக்கும் . பிரம்மா , விஷ்ணு , ருத்ரன் ஆகியோரே இந்த மூன்று சிகரங்கள் . மூன்று சிகரங்களுக்கு மேல் நான்காவது சிகரமாக உயரத்தில் (ஸு மேரு - ம்த்யச் ருங் கஸ்தா) ஸ்ரீபுரம் இருக்கிறது  

56.ஸ்ரீ மந்நகர –நாயிகா

அந்த ஸ்ரீபுரத்தில் சிந்தாமணி கிருஹத்தில் அம்பாள் வீற்றிருக்கிறாள் .  

சிந்தாமணி என்பது என்ன ? : அப்படி ஒரு கல் இருந்ததாகச் சொல்வார்கள் . அதனிடம் ஏதேனும் வேண்டும் என்று கேட்டால் உடனே கொடுத்துவிடும் . சிந்தாமணியின் குணமே அதுதான் !  

சின்னஞ்சிறு கல்லாக இருக்கும் சிந்தாமணியே நாம் கேட்டதையெல்லாம் கொடுக்கும். அம்பாள் வீற்றிருப்பதோ முழுவதும் சிந்தாமணிக் கற்களாலான கிருஹத்தில் .

 57.சிந்தாமணி க்ருஹ அந்தஸ்த்தா  

அனைத்தையும் நமக்கு தர வல்லவள் . 

ஸுதா ஸிந்த்தோர் மத்த்யே ஸுரவிடபி வடீ பரிவ்ருதே
மணித்வீபே நீபோபவனவதி சிந்தாமணி க்ருஹே
ஶிவாகாரே மஞ்சே பரமஶிவ பாயாங்க நிலயாம்
பஜந்தி த்வாம் தன்யா: கதிசன சிதானந்த லஹரீம்.                               8

அமிர்தக் கடலின் நடுவில் கல்பகவிருக்ஷத் தோப்புகளால் சூழப்பட்ட ரத்னத்தீவில் கதம்ப மரங்கள் நிறைந்த உத்தியான வனத்துடன் கூடிய சிந்தாமணிக்கிருஹத்தில் பரம மங்கல வடிவமான சிம்மாஸனத்தில் பரமசிவனுடைய மடியில் வீற்றிருக்கும் ஞானானந்தக் கடலின் அலைபோன்ற உன்னை புண்ணியவான்களான சிலரே வழிபடுகிறார்கள்.

 58.பஞ்ச - ப்ரஹ்மாஸனஸ்த்திதா –

ஒரு சிம்மாஸனத்தில் அம்பிகை அமர்ந்திருக்கிறாள் . அந்த சிம்மாஸனத்தில் ஒரு பீடம் இருக்கும் - பீடத்திற்கு நான்கு கால்கள் - அந்த நான்கு கால்களாக இருப்பவர்கள் - பிரம்மா , விஷ்ணு , ருத்ரன் , மகேஸ்வரன் . அந்த பீடம் சதாசிவம் . சதாசிவ பீடத்திற்கு மேலே , அனுக்ரஹ பீடத்திற்கும் மேலே அமர்ந்திருப்பவள்தான் அம்பிகை . இவ்வாறு ஐந்து பெரும் கால்களாகவும் , தட்டாகவும் இருக்க , அந்தப்பீடத்தில் ஸ்திரமாக அமர்ந்திருப்பவள் என்பதைத்தான் பஞ்ச - ப்ரஹ்மாஸனஸ்த்திதா என்னும் திருநாமம் குறிக்கிறது . அம்பாள் தனது சக்தியைப் பிரயோகிக்கும் போது சிருஷ்ட்டியை ஒட்டிய ஐந்து  காரியங்கள் நடக்கின்றன . அப்போது பஞ்ச பிரம்மாஸனம் என்று பெயர் . அவ்வாறு பிரயோகிக்காமல் இருக்கும்போது பஞ்சப் பிரேதங்கள் ஆகும்.