ஸ்ரீ லலிதா சஹஸ்ரநாமம் 5. தேவகார்ய ஸமுத்யதா (1) பதிவு10

 ஆயகியாதி உடையாள் சரணம் அரண் நமக்கே 

  தேவகார்ய ஸமுத்யதா

பதிவு 10

இன்று நாம் பார்க்கப் போவது 5வது திருநாமம் .

எதற்காக சிதக்னிக்குண்டலத்தில் இருந்து தோன்றினாள் ? 

அவளுக்கும் உண்மையில் பிறவிகள் உண்டா மாந்தர்களைப்போல ?? 

5வது திருநாமம் பதில் சொல்கிறது ..

தேவகார்ய ஸமுத்யதா

தேவர்களின் சகல காரியங்களிலும் உதவுபவள்.  

தேவர்களால் முடியாததை எல்லாம் முடிக்கும் சக்தியுள்ள தேவி அல்லவா இவள்?

தேவர்களுக்கு உதவுபவள். 

தெய்வ செயல்களுக்கு உதவுபவள் என்றும் அர்த்தம் கொள்ளலாம். 

தர்மத்தின் அடிப்படையில் அமைந்த, நேர்மையான, நீதிக்குட்பட்ட காரியங்களுக்கு துணை நிற்பவள்.🚩🚩🚩

ஸமுத்யதா என்றால் வழங்குபவள் .

சரி தேவர்கள் என்றால் விண்ணோர்கள் . அமரர் தங்கோன் இருக்குமிடம் ..

அப்படி என்றால் அம்பாள் அவர்களுக்கு மட்டும் தான் வருவாளா ? 

நாமும் அவள் பிள்ளைகள் தானே நாம் அழைத்தால் வர மாட்டாளா ? 

முதலில் நாமும் உயர்ந்தவர்கள் என்ற எண்ணம் நம் மனதில் வரவேண்டும் .

வந்தால் மட்டுமே போதாது 

அப்படிப்பட்ட உயர்ந்த சேவைகள் செய்ய வேண்டும் .. 

விண்ணவர் யாவரும் வந்திறங்கி பேணுதர்க்கெண்ணிய எம் பெருமாட்டியை பேதை நெஞ்சில் காணும் அன்பு பூணுதற்கெண்ணிய எண்ண மன்றோ நான் முன் செய்த புண்ணியம் என்கிறார் பட்டர் 

அவள் எண்ணங்கள் நம் நெஞ்சில் வந்து விட்டாலே நாமும் தேவர்கள் நிலைக்கு உயர்ந்து விடுகிறோம் ..

பிறகு அழைத்தும் பாராமல் அவள் எப்படி இருப்பாள் ? 💐💐💐

என்ன அந்த தேவ காரியம் . ஏன் அவள் சிதக்நிகுண்டலத்தில் இருந்து ஒளி பிழம்பாய் தோன்றவேண்டும் ? 

பண்டாசுரன் காமனை எரித்து மிஞ்சிய பஸ்பத்தில் இருந்து தோன்றியவன்.. 

காமம் முழுவதும் எரியாமல் மிஞ்சி இருக்கும் சாம்பல் மீண்டும் காமம் ஓங்கி எழ அசுரனாய் அவதரித்தது ..

🔥🔥🔥

சிரித்தான் ஈசன் . நான் எரித்தேன் காமனை என்  சக்தி எரிக்கட்டும் அவன் சாம்பலை என்றான் ..

துடித்தனர் தேவர்கள் . புலியுடன் விளையாடியவர்கள் புலித் தோல் போத்தியவனோடு விளையாடியதால் வினை கொண்டனர் ..

வேண்டினர் தேவியை வீரம் கொண்டு அரக்கனை அழிக்க  எல்லோரும் ஒரு முகமாய் திரிபுரையை வேண்ட தாய் மனம் மணம் வீச 

தாரகை ஒளிக்குழம்பாய் 

உதிக்கின்ற செங்கதிராய், 

உணர்வுடையோர் மதிக்கின்ற மாணிக்கமாய் , 

மனோன்மணியாய் , 

சிந்தாமணியாய் 

ஸ்ரீ லலிதையாய் , 

பஞ்சமியாய் 

பைரவியாய் 

பஞ்சபாணியாய் 

இன்சொல் திரிபுர சுந்தரியாய் 

சிந்தூரமேனியளாய், 

நாயகியாய் , 

நாராயணியாய் 

நான்முகியாய் ,

கை நளின பஞ்ச பாணியாய் 

பாஸாங்குசம் உடையவளாய்  

சாதி நச்சு வாயினியாய் , 

மாலினியாய் , 

மந்திரிணீயாய் 

ஸம்பத்துகிரியாய்

அச்வாரூடாவாய் 

பவானியாய்

வாராஹியாய் , 

சூலினியாய் , 

மாதங்கியாய் , 

வஞ்சகர் உயிர் அவி உண்ணும் உயர் சண்டியாய் , 

காளியாய், 

ஒளிரும் கலா மண்டலியாய் , வைரவியாய் , 

வார்க்கும் குங்கும முலையுடன் 

அதன் மேல் முத்து மாலை தவழ 

அலர் கதிர் திங்களும் ஞாயிறும் போல் 

அண்ணாமலை மகரஜோதி கலந்த தீபமாய் தோன்றினாள் 

தேவர்களாகிய நம் வாழ்வும் சிறக்கவே ... 💐💐💐👍👍👍🌷🌷🌷🔥🔥🔥🔥

அன்னையின் தோற்ற வர்ணனை தொடர்கிறது

உதிக்கின்ற செங்கதிராய்

உச்சித்திலகமாய் 

உணர்வுடயோர் மதிக்கின்ற மாணிக்கமாய் , 

மனோன்மணியாய் 

சிந்தாமணியாய் 

வையிர குழையாய் , பனி மா மதியின் குழவியாய் 

பச்சைக் கற்பூரத்தின் மணமாய் 

பச்சை பரிமள பசுங்கொடியாய் , 

பைங்கிளியாய் , 

தாமரைகள் கோயில் கட்டும் ஆலயமாய் , முதல் தேவர் மூவரும் யாவரும் போற்றும் தையலாய் 

💐💐💐🙌🙌🙌

முக்கண்ணியாய் , 

திரிப்புரையாய் , 

முகிழ் நகையாய் , 

பாலும் தேனும் பாகும் போல் பனி மொழியாய் 

சுந்தரியாய் 

அந்தரியாய் 

மடப்பூங்குயிலாய் , 

கோல இயல் மயிலாய் , 

இமவான் தந்த கோமளமாய் , 

கைலாயருக்கு கிடைத்த கனங்குழையாய் ... கடம்பாவிடையாய் 

பாரும் புனலும், கனலும் வெங்காலும் படர் விசும்புமாய் 

வேலை நிலம் ஏழும் பருவரை எட்டும் எட்டாமல் இரவும் பகலும்  சூழும் சுடர்க்கு நடுவே சுடரும் ஒளியாய் 

நம் தாயாய் , மகாராணியாய் , 

சிம்மங்கள் சூழ்ந்த சிம்மாசனத்தில் அமர்ந்திருக்கப் போகும் ராஜ ராஜேஸ்வரியாய் 

சிவசக்தியாய் தோன்றினாள் உலகம் உய்யவே 💐💐💐🙌🙌🙏🙏👍👍👍👣👣🌷🌷

ஐந்தாவது திருநாமம் .. அவள் தீய சக்திகளை அழிக்க உள்ளம் உருகி வேண்டுவோர் நலம் வாழ தோன்றி கொண்டு இருப்பாள் .. கண்ணன் கீதையில் சொன்னது இவளுக்கும் மிகவும் பொருந்தும் ..

யதா யதா ஹி தர்மஸ்ய க்லாநிர்-பவதி பாரத |

அப்யுத்தாநம் அதர்மஸ்ய ததாத்மாநம் ஸ்ருஜாம்யஹம் ||

பரித்ராணாய ஸாதூநாம் விநாசாய ச துஷ்க்ருதாம் |

தர்ம ஸம்ஸ்தாபநார்த்தாய ஸம்பவாமி யுகே யுகே || (IV. 7-8)

எப்போதெப்போது தர்மத்துக்கு ஹானி ஏற்பட்டாலும் : “ *யதா யதா ஹி தர்மஸ்ய க்லாநிர்-பவதி”;* 

தர்மத்துக்கு ஹானி ஏற்பட்டால் என்ன ஆகும்? அதர்மத்துக்கு அபிவிருத்தி உண்டாகும். அதைச் சொல்கிறார்: *“அப்யுத்தாநம் அதர்மஸ்ய.”* 

இப்படி தர்மம் க்ஷீணித்து, அதர்மம் மேலோங்கும் போது, எப்போதெல்லாம் இப்படி ஏற்படுகிறதோ, அப்போது — “ *ததா* ”: “அப்போது” ;

அப்போது, என்னையே பிறப்பித்துக் கொள்கிறேன்: “ *ஆத்மாநம் ஸ்ருஜாம்யஹம்.”*🔥🔥🔥

இது ஏதோ அப்போதைக்குப் பண்ணின கார்யமாக முடிந்துபோய் விடக்கூடாது. 

அப்புறமும் கொஞ்சம் நீண்ட காலத்திற்கு லோகத்தில் தர்மம் நன்றாக ஸ்தாபிதமாயிருந்து, ஸாதுக்கள் நிம்மதியாக வாழும்படியாகவும், துஷ்டர்கள் தலை ஓங்காதபடியும் செய்யவேண்டும்.

சைதில்யம் அடைந்த தர்மம் லோகத்தில் எந்நாளும் நலியாமல் ப்ரகாசித்துக் கொண்டிருக்கும்படிப் பண்ணுவதற்கில்லைதான். 

எதிரெதிர் சக்திகள் — pair of opposites என்பவை — போராடிக் கொண்டு மாறி மாறி மேலுக்கும் கீழுக்கும் போவதில்தான் லோக நாடகமே இருக்கிறது. 

ஆனாலும் ஸ்ருஷ்டியின் விசித்ரப் போக்கில் இது ஸம பலப் போராட்டமாக இல்லாமல் ஆஸுரமான (அஸுரத்தனமான) அதர்மதத்திற்கே ஜாஸ்தி ஆளுகை கொடுத்துவிடுவதால் நாடக ரஸம் போய் விரஸமாகி விடுகிறது. 

இந்த மாதிரி ரொம்பவும் முற்றிப்போகும்போதுதான் அவதாரம் எடுத்து சீர்படுத்துவது. 

இப்படி சிஷ்ட ரக்ஷணமும் துஷ்ட சிக்ஷணமும் செய்து தர்மத்தின் ஆளுகையை ஏற்படுத்திவிட்டு நாம் திரும்பிய பிறகும் ரொம்ப சீக்ரமே அஸுரர்கள் தலைதூக்கி சிஷ்டர்களைத் தலை சாய வைக்கத்தான் பார்ப்பார்கள்.💦💦💦

அதர்ம சக்திக்கு ரொம்ப சீக்ரமே ‘ *அப்யுத்தானம்* ’ (எழுச்சி) உண்டாகப் பார்க்கும். 

நமக்கு நாமே பிறப்பைக் கொடுத்துக்கொண்டு மெனக்கிட்டு அங்கே போய்ப் பண்ணினது இவ்வளவு சுருக்க (விரைவில்) வீணாகி விடாமல் செய்யணும். 

எந்நாளுக்குமாக தர்மத்தைப் பெர்மனென்ட் பண்ணுவதற்கில்லையானாலும், ரொம்பவும் டெம்பரரியாகப் பிசுபிசுத்து விடாமல், கொஞ்சம் நீண்ட காலத்துக்கு ஆழமாக நிலைநாட்டவேண்டும். 🌺🌺🌺

மேலெழ வெறும் ‘ஸ்தாபனம்’ இல்லை, 

ஆழமாக ‘ *ஸம்-ஸ்தாபனம்’* பண்ண வேண்டும்” என்று நினைப்பார். “ *தர்ம ஸம்ஸ்தாபநார்த்தாய* ”: தர்மத்தை நன்கு நிலை நாட்டுவதற்காக.

என்னதான் ‘நன்கு’ நிலைநாட்டினாலும், சாச்வதமாக ஸ்தாபிப்பதற்கில்லையல்லவா? 

அதனால் ஒரு காலகட்டம் ஆன பிற்பாடு மறுபடியும் அதர்மம் கையோங்கும்தானே?

“ஓங்கிவிட்டுப் போகட்டும். எப்போதெப்போது இப்படி ஏற்பட்டாலும் அப்போது பிறக்கிறேன் என்றுதான் சொன்னேனே! மறுபடியும் சொல்கிறேன்; *ஸம்பவாமி யுகே யுகே:* 

இப்படிப்பட்ட ஒவ்வொரு ஸந்தர்பத்திலும் அவதாரம் எடுக்கிறேன்.”

யுகே யுகே’ என்றால் ‘ஒவ்வொரு யுகத்திலும்’ என்று ‘லிடர’லாக அர்த்தம் பண்ணிக் கொண்டு ஒரு யுகத்தில் ஒரு அவதாரம்தான் செய்வார் என்று நினைத்துவிடக்கூடாது. 

‘இனி எத்தனை யுகங்கள் ஸ்ருஷ்டி நடந்தாலும், அலுக்காமல் சலிக்காமல் தர்ம ஸம்ஸ்தானத்திற்காக மறுபடி மறுபடி அவதரிப்பேன்’ என்று பகவான் சொல்வதாகவே அர்த்தம் பண்ணிக்கொள்ளவேண்டும்.👑👑👑👍👍👍

முதலில் யுக அளவைச் சொல்லாமல், “ யதா யதா” (எப்போதெப்போது) என்று தானே சொன்னார்? 

அதை அடுத்த ச்லோகத்திலேயே மாற்றி ‘யுகத்துக்கு ஒரு தடவை’ என்று பண்ணுவாரா?

எப்போதெல்லாம் தர்மம் மிகவும் சீர்கேடுற்று, அதர்மம் வலுத்தாலும் தாம் ஸத்துக்களைக் காப்பாற்றி அஸத்துக்களை அழிப்பதற்காக அவதாரம் என்ற பெயரில் ஜன்மா எடுப்பதாக பகவான் சொன்னார்.

பரித்ராணாய ஸாதூநாம்’ — “ஸத்துக்களைக் காப்பாற்றுவதற்காக” — என்று சொன்னதாலேயே, எத்தனைதான் அதர்மம் கையோங்கினாலும் அப்போதும் தர்மம் அடியோடு போய்விடாமல் தர்மத்தை அநுஷ்டிக்கும் ஸத்துக்கள் கொஞ்சமாவது இருந்து கொண்டிருப்பார்கள் என்று ஆகிறது.

ப்ரக்ருதியின் ஆதிக்கத்தில் மாட்டிக்கொண்ட மநுஷ்யர்கள் மாதிரி கர்மாவுக்காக ஜன்மா தமக்கு இல்லை; 

லோக ரக்ஷணத்துக்காகவே தாமாக ப்ரக்ருதியை வசப்படுத்திக் கொண்டு ஜன்மா எடுக்கிறேன் என்று சொன்னார்.

சத்-சித்-ஆனந்தம் வெறும் 'அக்னி குண்ட' சம்பூதா என்றால் அது தேவேந்திரன் செய்த யாகத்தை மட்டுமே குறிக்கும். 

'சிதக்னி' என்று சொல்லும்போது, அது நமக்குள்ளே உள்ள 'சித்' என்பதைக் குறிக்கிறது. சச்சிதானந்தம் என்று சொல்வோமே, சத்-சித்-ஆனந்தம், அதில் வரும் 'சத்' என்பது எல்லாவற்றுக்கும் சத்தியமாக உள்ள, சகலத்துக்கும் சத்தியமாக உள்ள பரமாத்மா. இந்த 'சத்'துடன் 'சித்' சேர்ந்தால் அது ஆனந்தமாகிற நிலைமை; அதுதான் சச்சிதானந்தம்.

இன்னும் புரிந்து கொள்வோம் 

She is the slayer of Asuraas like Bandan, Mahishan, Shumban, Nisumban etc., thus eager to serve all good souls  .    

            👌👌👌👌👌👌💐💐💐💐💐💐👍👍