ஸ்ரீ லலிதா சஹஸ்ரநாமம் 20. தாராகாந்திதிரஸ்காரி நாஸாபரண பாஸுரா பதிவு 27

 ஆயகியாதி உடையாள் சரணம் அரண் நமக்கே 

பதிவு 27

 20 ताराकान्तितिरस्कारिनासाभरणभासुरा - தாராகாந்திதிரஸ்காரி  நாஸாபரண பாஸுரா 

இன்று ஒரு இனிய நாமம் ....20வது திருநாமம் 🌸🌸🌸🌸🌸

20 ताराकान्तितिरस्कारिनासाभरणभासुरा - தாராகாந்திதிரஸ்காரி  நாஸாபரண பாஸுரா -- 

அம்பாள் அணிந்திருக்கும்  மூக்குத்தியின் அழகே ஒரு  ஒரு தனி அழகு.    

அப்பப்பா  கண்ணைக்  குருடாக்கும் ஒளி மிக்க நக்ஷத்ரம் அது.

நட்சத்திரங்களின் சோபையை மங்கச் செய்யும் மூக்குத்தியுடன் ஜொலிப்பவள்

(தார= நட்சத்திரம்; காந்தி = பிரகாசம்)

திரஸ்காரி = மிஞ்சிய / மீறிய / 

அதிகரித்த நாஸ = நாசி 

ஆபரண = ஆபரணம் / 

நகை பாசுரா = மினுனினுப்பு ⚡⚡⚡

20 ताराकान्तितिरस्कारिनासाभरणभासुरा - *தாராகாந்திதிரஸ்காரி  நாஸாபரண பாஸுரா --

அம்பாள் ஒரு பெரிய தபஸ்வினீ .. தவளே என்று பட்டரும் பாடுகிறார் .. 

துர்கா சூக்தம் மிகவும் அழகாக அம்பாளை இப்படி வர்ணிக்கிறது 

Tapasa Jwalanteem.... தான் செய்யும் தபஸ் மூலம் ஜொலிக்கிறாள் ... இதை பெரிய திருமடலில் திருமங்கை ஆழ்வார் இப்படி பாடுகிறார் 

என்னாலே கேட்டீரே ஏழைகாள்?

என்னுரைக்கேன்,

மன்னும் மலையரயன் பொற்பாவை, 

வாணிலா

மின்னும் மணிமுறுவல் செவ்வாய் உமையென்னும்,

அன்ன நடைய அணங்கு _டங்கிடைசேர்,

பொன்னுடம்பு வாடப் 

புலனைந்தும் நொந்தகல,

தன்னுடைய கூழைச் சடாபாரம் தாந்தரித்து,

ஆங்கன்ன அருந்தவத்தி னூடுபோய், 

ஆயிரந்தோள்

மன்னு கரதலங்கள் மட்டித்து, மாதிரங்கள

மன்னு குலவரையும் மாருதமும் தாரகையும்,

தன்னி னுடனே சுழலச் சுழன்றாடும்,

கொன்னவிலும் 

மூவிலைவேல் கூத்தன் பொடியாடி,

அன்னவன்றன் பொன்னகலம் சென்றாங் கணைந்திலளே?,

பரமேஸ்வரனை அடைவதே வாழ்க்கையின் குறிக்கோள் என்று உதிர்ந்த இலையையும் அவள் உண்ணாமல் தவம் செய்தாள் இந்த நம்பிக்கை , உழைப்பு , கவனம் நமக்கும் வரவேண்டும் என்று அந்த அபர்ணாவை மனமார  வேண்டிக்கொள்வோம் 🍁🍁🍁🍁🍁🍁🍁🍁🍁🍁

நக்ஷத்திரத்தின் பிரகாசத்தை தோற்கடிக்கும் பிரகாசத்தோடு கூடிய மூக்குத்தியினால் மிளிர்பவள். 

தாரா என்னும் சொல் நக்ஷத்திரம் என்னும் பொருள் தரும். சாதாரணமாக இப்பொருள் என்றாலும், மற்ற நக்ஷத்திரங்களைக் காட்டிலும் அதிகமாக பிரகாசிக்கும் சுக்ரனுக்கு இந்தப் பெயர் சிறப்பாகப் பொருந்தும் 

(சுக்ரன் கோள்தானே, நக்ஷத்திரம் இல்லையே என்கிற வார்த்தை விளையாட்டுகள் இங்கில்லை - நக, நாக ஆகிய வேர்ச்சொற்கள் 'ஆகாயம்' என்னும் பொருள் தரும்; வேத காலத்தில், நக்ஷத்ரம் என்பது ஆகாயத்தில் காணப்படும் எப்பொருளையும் சுட்டும்). 

வெள்ளி முளைத்தது என்று பேச்சு வழக்கில்கூட சொல்வார்கள். சுக்ரனைவிட அதிகப் படியான பிரகாசத்தைக் கொண்டது அம்பாளின் மூக்குத்தி. நாசியிலிருந்து அடுத்தபடி, அவளுடைய செவிகளில் விளங்கும் அணிகலன்களைப் பார்க்கிறோம்.

                                                           👌👌👌👌👌👌👌👌👌

செளந்தர்யலஹரி 61 

அஸெள நாஸாவம்ச: துஹிநகிரிவம்சத்வஜபடித்

வதீயோ நேதீய: பலது பலமஸ்மாக முசிதம்

வஹந்த்யந்தர் முக்தா: சிசிரகர நிச்வாஸகளிதம்

ஸ்ம்ருத்யா யத்தாஸாம் பஹிரபி ச முக்தாமணிதர:

அம்மா!, முத்துமணியைத் தரித்துக் கொண்டிருக்கும் உனது மூக்கு (நாஸதண்டம்) நாங்கள் கோரியவைகளை சீக்ரமாகக் கொடுக்கட்டும். அது மூங்கில் போல முத்துக்கள் நிறைந்து இருப்பதால் அவைகளில் ஒரு முத்து உனது ஸ்வாசத்தின் போது வெளிவந்து மூக்குத்தியாக இருப்பதைப் போல தோன்றுகிறது.

மூங்கிலரிசி என்பது மூங்கில் கணுக்களிடையே இருப்பதாகப் படித்த நினைவு. மூங்கில் உள்ளே முத்துக்கள் இருப்பதாகச் சொல்லப்படுமாம். இங்கே ஆசார்யார் அன்னையின் மூக்கை மூங்கில் போன்று இருப்பதாகக் கூறுகிறார். மேலும், மூங்கில் உள்ளே இருக்கும் முத்துக்கள் போல அன்னையின் மூக்கினுள்ளும் இருக்கிறது. அதனால்தான் அன்னை ஸ்வாசத்தை வெளிவிடும் போது உள்ளிருக்கும் முத்தானது வெளிவந்துநமக்குத் மூக்குத்தியாகத் தெரிகிறது என்று கூறுகிறார்.

                  🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸