ஸ்ரீ லலிதா சஹஸ்ரநாமம் 31

 

ஆயகியாதி உடையாள் சரணம் அரண் நமக்கே 

பதிவு 38

31 कनकाङ्गदकेयूरकमनीयभुजान्विता - கநகாங்கத கேயூர கமநீய புஜாந்விதா -

🙏🙏🙏

அம்பாள் அணிந்துள்ள கேயூரம் எனும் தோள் வளை எப்படி கண்ணைப் பறிக்கிறது பார்த்தீர்களா? 

இப்போது இம்மாதிரியான  ஆபரணங்கள் வழக்கத்தில் இல்லாத ஒரு நாகரீகம் நம்மை ஆக்ரமித்துவிட்டது.

கனகாங்கத= தங்க வளையல் - 

 கனக என்றால் தங்கம் 

கேயூர = வங்கி (புஜங்களில் அணியும் அணிகலன்)

 கமனீய = ரம்யமான புஜ = கைகள் 

 அன்விதா= அதனுடன் - கூடிய 

31 கனகாங்கத கேயூர கமனீய புஜான்விதா = 

தங்க வளையலும் வங்கியும் அணிந்தலங்கரிக்கும் ரம்யமான கைகளை உடையவள் 🇨🇮🇨🇮🇨🇮

கைகளில் மலர் ஏந்தி காளி வந்தாள் 

கங்கை கரையோரம் நீலி வந்தாள் 

மை நிறத்து பேரழகி நேரில் வந்தாள் 

மலரடிகள் நோகும் படி அருள வந்தாள் 

ஓடமெல்லாம் ஓயிந்திருந்த நதியோரம் 

வேத மொழி முழங்குகின்ற கரையோரம் 

தேகம் தனை இழந்த மகள் செல்லும் நேரம் 

தேவ தேவி அருகில் இருந்தாள் வெகு நேரம் 

மங்கை இவள் வாழ்ந்திருந்த விதம் பார்த்து 

கங்கையிலே அவள் கரையும் தினம் பார்த்து 

எங்கள் அன்னை நேரில் வந்தாள் இடம் பார்த்து 

எங்கும் அவள் ஆகி இருந்தாள் ஒளி பூத்து 🌷🌷🌷

தோள் வளை

இதைப்பற்றி நாம் நிறைய  தெரிந்து கொள்ள வேண்டும் .

கோயிலில் உள்ள அம்மனுக்கு என்னதான் பட்டுப்புடவை கட்டி மலர் மாலையெல்லாம் சூட்டினாலும், தாலி, தோடு,மூக்குத்தி, வளையல், ஒட்டியானம், மோதிரம் ஆகிய அணிகலன்கள் அணிவித்தால் தான் அலங்காரம் முழுமையடையும். 

எல்லா பெண்களும் அம்மனின் அம்சம்

எனவே தான் பெண்கள் அணியும் கீழ்கண்ட அணிகலன்களுக்கும் சில காரணங்கள் கூறப்படுகிறது. 

1. தாலி- தாயாகி, தாலாட்டுப்பாட கணவன் தரும் பரிசு சின்னம்.

2. தோடு - எதையும் காதோடு போட்டுக் கொள். வெளியில் சொல்லாதே !

3. மூக்குத்தி - மூக்கு தான் முதலில் சமையலை அறியும் உத்தி என்பதை உணர்த்துகிறது.

 4. வளையல்- கணவன் உன்னை வளைய, வளைய வர வேண்டும், என்பதற்காக,

 5.ஒட்டியாணம் - கணவன், மனைவி இருவரும் ஈருடல் ஓருயிராய் ஒட்டியானோம் என்பதற்காக!

6. மோதிரம்

எதிலும் உன் கைத்திறன் காண்பிக்க. 

இவை தவிர.. நகைகள் நம்முடைய உடல் ஆரோக்கியத்தைப் பேணுவதற்காக உருவானவை, 

அதிகமாகன ஆபரணங்கள் தங்கத்தில் அணியப்படுவதன் காரணம் இந்தியா போன்ற வெப்பமான நாடுகளில் இந்த வெப்பத்தை குறைத்து, உடலை குளிர்ச்சியாக வைத்திருக்க தங்கம் ஏற்றது. 

அத்துடன் தங்கம் எப்பொழுதும் நம் உடலை தொட்டுக்கொண்டிருப்பதால் நாளடைவில் உடலின் அழகை அதிகரிக்கும் ஆற்றலுள்ளது. 

இவ்வாறு அணிவதன் சிறப்பு..🙏

கொலுசு : பொதுவாக எல்லா நகைகளையும் தங்கத்தில் அணியும் நாம், காலில் அணியும் நகைகளை வெள்ளியில் தான் அணிகிறோம். 

இதற்கு காரணம் தங்கத்தில் மகாலட்சுமி இருப்பதால் நாம் காலில் அணியும் நகைகள் தங்கத்தில் அணிவதில்லை. 

அத்துடன் வெள்ளி நம் உடல் சூட்டை அகற்றி குளிர்ச்சியாக்கி சருமத்தை ஆரோக்கியமாக்கும். 

வெள்ளி கொலுசு குதிகால் நரம்பினை தொட்டு கொண்டிருப்பதால் குதிகால் பின் நரம்பின் வழியாக மூளைக்கு செல்லும் உணர்சிகளைக் குறைத்து கட்டுப்படுத்துகிறது. 

மெட்டி : மெட்டி என்பது திருமணமான பெண்கள் மட்டும் அணியும் ஆபரணம். பெண்களது கருப்பைக்கான முக்கிய நரம்புகள் கால் விரல்களிலேயே இருக்கிறது.

👍👍👍

வெள்ளியில் இருக்கும் ஒருவித காந்த சக்தி கால் நரம்புகளில் ஊடுருவி நோய்களை தடுக்கும் ஆற்றல் உள்ளது. 

மெட்டியும் கட்டாயம் வெள்ளியில் தான் அணிய வேண்டும். 

மோதிரம் : விரல்களில் அணியப்படும் மோதிரம் டென்ஷன் குறைக்கவும், இனிமையான பேச்சு திறன், அழகான குரல் வளத்திற்கு உதவுகிறது. 

அதிலும் மோதிர விரலில் அணியப்படுவதன் முக்கிய காரணம் ஆண் பெண் இனவிருத்தி உறுப்புகளை ஸ்திரப்படுத்தவும் பாலுணர்வுக்கும் உதவுகிறது. 

விரல்களில் மோதிரம் அணிவதால் இதயக் கோளாறுகள் மற்றும் வயிறு கோளாறுகள் நீங்கவும் உதவுகிறது. 

சுண்டு விரலில் மோதிரம் அணியக்கூடாது. 

மூக்குத்தி : மூக்குத்தி அணிதல் என்பது காலம் காலமாக நடைமுறையில் இருக்கும் ஒரு பழக்கம் 

இன்றும் கூட பேஷன் உலகத்தில் முக்கியத்துவம் பெறுகிறது. 

பருவப் பெண்களுக்கு மண்டை ஓட்டுப் பகுதியில் சில வாயுக்கள் காணப்படுகிறது. 

இந்த வாயுக்களை உடலில் இருந்து அகற்றுவதற்கு தான், மூக்கில் துளை இடும் பழக்கம் உருவானது. இதனால் பெண்களுக்கு மூக்கு தொடர்பான பிரச்சனைகள் நிவர்த்தியாகும். 

காற்றை வெளியேற்றுவதில் ஆண்களுக்கு வலப்புறமும் பெண்களுக்கு இடப்புறமும் பலமான வலுவான பகுதிகளாகும். 

வலது புறமாக சுவாசம் செல்லும் போது தான் உடலுக்கும் மனதுக்கும் பலன் கிடைக்கும். முறையான சுவாச பரிமாற்றத்துக்கு உதவுகிறது 

மூக்குத்தி . சாஸ்திரப்படி பெண்கள் இடப்புறம் அணிய வேண்டும். 

இடப்புறம் அணிவதால் சிந்தனை சக்தி,மனம் ஒரு நிலைப்படுத்தபடுகிறது. 

காதணி : தோடு என்பது காதில் அணியும் ஆபரணம் பெண்களால் அனைவரும் அணியும் இந்த ஆபரணத்தை ஆண்களும் அணிவார்கள். 

காது குத்துதல் என்பது சமூகத்தில் ஒரு முக்கிய சடங்காகவே கொண்டாடப்படுகிறது. 

காதில் துவாரமிட்டு காதணி அணிவதன் முக்கிய நோக்கம் கண் பார்வையை வலுப்படுத்தவே ஆகும்.🙏🙏🙏

தோள் வளை

மூகர் அம்பாளை இப்படி வர்ணிக்கிறார் 

அம்மா ... உன் பதியோ பொன்னார் மேனியன் .. நீயோ *கருப்பாயி* ... 

ஆனால் அவன் உனக்கு தன்னில் ஒரு பாதி தந்து விட்டான் .. 

உன் ஒரு பாதி அவன் நிறத்தை அடைந்து விட்டது 

ஆனால் உன் இன்னொரு பாதி ... 🤔🤔

உன் வருத்தத்தை எப்படியோ கண்டு கொண்ட ஈசன் உன் அழகிய தோள்களில் தன்னையே சாய்த்து கொள்கிறான் .. 

இல்லை சார்ந்து கொள்கிறான் .. 

இங்கே சேர்ந்து கொள்வது வேறு சார்ந்து கொள்வது வேறு ... 

சேர்ந்து கொள்வது என்றால் ஒரு கட்சியில் நம்மை இணைத்துக்கொள்வது ... சமமான பலம் இருந்தால் சேர்ந்து  கொள்ளலாம் .. 

ஆனால் சார்ந்து கொள்வது என்பது தன்னையே ஒருவரிடம்  சரணடைய வைப்பது .. அவரையே நம்பி வாழ்வது !!!

அவர் இல்லாமல் தனித்து வாழ முடியாத நிலை ... 

ஈசன் இங்கே அம்பாளிடம்  தன்னை சேர்த்துக்கொள்ளவில்லை சார்ந்து கொள்கிறான் ... 

அவள் இல்லாமல் அவன் இல்லை ... 

அவன் தோளில் தன் இன்னொரு பாதியை அம்பாள்  சாய்த்துக் கொள்கிறாள் .. 

அதுவே நாளடைவில் தோள் வளை யாகி விட்டதாம் 

அந்த இன்னொரு பாதியும் பொன் போல் ஜொலிக்க ஆரம்பித்து விட்டதாம் ... ☀️🌤️💫

👌👌👌👌👌👌👌👌👌👌👌👌👌👌