சிவானந்தலஹரி-19 -என் தலையில எழுதினதே இருக்கட்டும். அதை அனுபவிக்கட்டும்னு விட்டுட்டியோ??

ஏ பரமேஸ்வரா! தங்கள் திருவடிகளை நான் தரிசனம் ஏது விட்டால் தங்கள் கடாக்ஷம் என்மேல் விழுந்துவிடும். அதற்குமேல் எனக்கு யாதொரு கவலையும் இராது. அந்தத் திருவடிகளில் தரிசனமே அரிதாக இருக்கிறதே! நான் என்ன செய்யலாம் ? என சிவனிடம் அரற்றும் காட்சி இது !

நான் பல ஜன்மாவில் பண்ணிய புண்ணியத்தால் தாங்கள் எண்ணிடமுள்ள கருபையாலோ தாங்கள் என் முன் ஆவிர்பவித்தபோதிலும் தங்கள் தரிசனத்துக்கு போட்டி போட்டுக்கொண்டு எனக்கு முன் நிற்கும் தேவர்களின் வரிசை, நான் தங்களின் சரணங்களை தரிசனம் செய்ய முடியாதபடி என்னை மறைத்து விடுகிறதே, நான் என் செய்வேன்? என்று மனதின் நினைப்பை இங்கு அரற்றுகிரார் !!

சுகாஸ்வரோபியான ஏ பரமேஸ்வரா, ஜனங்களுக்கு தாங்கள் ஒருவரே யாவற்றையும் விட சிறந்த மோக்ஷம் என்ற பழத்தைக் கொடுக்கக் கூடியவராவீர்! ஏனென்றால் விஷ்ணு முதலிய தேவர்கள் தங்கள் மூலமாகவே கிடைத்த வைகுண்டம் முதலிய உயர்ந்த ஸ்தானத்தை, பெற்றவர்களாக இருந்து கொண்டு மறுபடியும் தங்களையே வணங்குகிறார்கள் ! தங்களுக்கு பக்தர்களிடையே அபிப்ராயத்தை அனுசரித்து இருக்கும் தன்மைதான் எவ்வளவு ? அடை அளவிடவே முடியாது ! எப்போழுதுதான் , கருணை ததும்பும் விழிகளால் அஹங்காரத்திலிருந்து என்னைக் காத்தருளுவீர்?

என்ற அழகான பிரார்த்தனை !

ஓம் நம: சிவாய

பரமேஸ்வரனின் பாத தியானத்தால், அடைய முடியாத மோக்ஷமும் சித்திக்கும், மற்றும் ஏனைய க்ஷேமங்களும் கை கூடும்.

சிவானந்தலஹரியில அடுத்த இரண்டு ஸ்லோகங்கள் பார்ப்போம். 19ஆவது ஸ்லோகம்.

து³ராசாபூ⁴யிஷ்டே² து³ரதி⁴பக்³ருʼஹத்³வாரக⁴டகே

து³ரந்தே ஸம்ஸாரே து³ரிதனிலயே து:³க²ஜனகே ।

மதா³யாஸம் கிம் ந வ்யபனயஸி கஸ்யோபக்ருʼதயே

வதே³யம் ப்ரீதிஸ்சேத்தவ சிவ க்ருʼதார்தா:² க²லு வயம் ॥

ன்னு ஸ்லோகம் து³ராசாபூ⁴யிஷ்டே²  – கெட்ட ஆசைகள் நிறைந்ததும், து³ரதி⁴ப – அதிபர்கள்னா bosses. துரதிப: னா கெட்ட அதிகாரிகள். க்³ருʼஹ த்³வார க⁴டகே – வீட்டு வாசல்ல போய் நின்னுண்டு, இந்த கெட்ட ஆசைகள் என்ன பண்றதுன்னா, யாராவது ஏதாவது பணம் கொடுப்பாளான்னு அவாளோட வீட்டு வாசல்ல போயி நிறுத்திடறது. 

அப்படி நின்னா துரந்தே – அதோட முடிவு எப்படி இருக்குன்னா, அதோட முடிவும் நன்னாயில்ல. அவமானப் பட வேண்டியிருக்கு. து³ரிதனிலயே  – பாவத்துக்கும் இருப்பிடமா இருக்கு. 

அவா சொன்ன காரியங்கள் எல்லாம் நாம பண்ணினா பாபம் வந்து சேர்றது து:³க²ஜனகே – இதுலேருந்து பணம் சம்பாதிச்சுண்டு வந்து சுகப்படப் போறோமோன்னு நினைக்கறோம். ஆனா அது துக்கத்துலதான் கொண்டு போய் விடறது. துன்பத்தை விளைவிப்பதான ஸம்சாரம் – இப்பேற்பட்ட பிறவிச் சூழலில் மதா³யாஸம் கிம் ந வ்யபனயஸி – நான் சுத்தி வந்துண்டிருக்கேன். 

இந்த ஆயாசம் என்னுடைய இந்த துன்பத்தை, களைப்பை, நீ ஏன் போக்க மாட்டேங்கற? கஸ்யோபக்ருʼதயே – கஹ ன்னா பிரம்மா. பிரம்மாவுக்கு அவருக்கு உபகாரம்  பண்ணலாம், அவர் சொன்ன வார்த்தையே இருக்கட்டும். என் தலையில எழுதினதே இருக்கட்டும். அதை அனுபவிக்கட்டும்னு விட்டுட்டியோ! ன்னு சொல்றார் – ஹே சிவ! வத – நீயே சொல்லு அயம் ப்ரீதிஸ்சேத்தவ – இது உனக்கு ப்ரீதியா இருந்தா க்ருʼதார்தா:² க²லு வயம் – நாங்கள் ரொம்ப கொடுத்து வெச்சவான்னு சொல்றார். அலுத்துக்கற மாதிரி சொல்றார்.

மீளா அடிமை உமக்கே ஆளாய்ப் பிறரை வேண்டாதே

மூளாத் தீப்போல் உள்ளே கனன்று முகத்தால் மிகவாடி

ஆளாய் இருக்கும் அடியார் தங்கள் அல்லல் சொன்னக்கால்

வாளாங் கிருப்பீர் திருவா ரூரீர் வாழ்ந்து போதீரே.

ன்னு சுந்தரர் பாடின மாதிரி நீங்க நன்னா வாழ்ந்துண்டிருங்கோ. நான் இப்படி கஷ்டத்தை சொல்றேன். ஒண்ணும் பண்ணலியே! ன்னு கேட்கறார்.அந்த மாதிரி இங்க என்னோட கஷ்டத்தை நீங்க கண்ணெடுத்து பார்க்கமாட்டேங்கறேள். சிவ க்ருʼதார்தா:² க²லு வயம் – இதுதான் உங்களுக்கு த்ருப்தினா சரி. என்ன பண்றது? அப்படியாவது உங்க த்ருப்திக்கு நாங்க காரணமாக இருக்கோம். இந்த மாதிரி அலையறதுல உங்களுக்கு த்ருப்தினா சரி! இப்படியே இருக்கோம்! என்கிற மாதிரி சொல்றார்.

இது அப்படியே இருக்கட்டும்னு அர்த்தம் இல்லா. இதுலேருந்து எங்களை விடுவிக்கணும் பெருமானேன்னு பிரார்த்தனை. பரமேஸ்வரன் ஒரருத்தன் நினைச்சா தான் ஏதோ கோடியில ஒருத்தர் அந்த மாதிரி இந்த பந்தங்கள்ல இருந்து விடுபட முடியும். முக்கியமா மஹான்கள் எல்லாருமே இதைச் சொல்றா. 

இந்த காலத்துல சம்பாதிச்சாதான் சாப்பிட முடியும், அதுக்காக படிப்புங்கிற மாதிரி ஒரு காலத்துல வந்து நாம நிக்கறோம். 50 வருஷம் முன்னாடி கூட பிராம்மணாள் நீச சேவகம் போகக் கூடாது. முடிஞ்ச வரைக்கும் தன்னிச்சையா இருக்கணும். 

நம்முடைய படிப்பை வெச்சுண்டு நாம தைர்யமா இருக்கலாம்னு மஹா பெரியவாளெல்லாம் சொல்லிண்டிருந்தா. இப்ப டாலர்ல சம்பாதிச்சா அதுதான் மதிப்பாயிருக்கு. ஸ்வாமிகளை நீ பாகவதமே படிச்சிண்டிருன்னு அவ்ளோ கஷ்டம் இருக்கும்போது கூட மகா பெரியவா அவரை வந்து அந்த வேலை என்ற பந்தத்துலருந்து விடுவிச்சார். 

ஏன்னா அவருடைய உயர்ந்த நன்மையை நினைச்சதுனால அப்படி சொன்னா. அப்படி சொல்லக் கூடியவர்கள் மஹான்கள் தான். ரமண பகவான் முருகனார்ங்கிறவரை அவருடைய பதவியிலேருந்து விலகி தன்னிடத்துலேயே இருக்கும்படி பண்ணார். அது உலகத்துக்குப் புரியாது. ஆனா அதுனால குடும்பத்துக்கு கஷ்டமோ ஒண்ணும் வராது. என்ன தலையில எழுதியிருக்கோ அது படி நடக்கும்.

அப்படி மஹான்கள் அந்த பந்தத்துல இருந்து விடுவிக்க முடியும். பரமேஸ்வரன் தான் விடுவிக்க முடியும். அப்படி என்னை விடுவிக்கணும்ங்கிற பிரார்த்தனையை இந்த மாதிரி ரொம்ப இரக்கப்படும்படியான வேண்டுதல் வெச்சு ஆதி சங்கரர் சொல்றார். காமாக்ஷிகிட்ட மூக கவியும்

ஜனனி பு⁴வனே சங்க்ரம்யேऽஹம் கியந்தமனேஹஸம்

குபுருஷகரப்⁴ரஷ்டைர்து³ஷ்டைர்த⁴னைருத³ரம்ப⁴ரி: ।

தருணகருணே தந்த்³ராசூன்யே தரங்க³ய லோசனே

நமதி மயி தே கிஞ்சித்காஞ்சீபுரீமணிதீ³பிகே ॥

ன்னு சொல்றார். ஜனனி – அம்மா பு⁴வனே சங்க்ரம்யேऽஹம் – இந்த மூவுலகத்துலயும் சுத்தி சுத்தி வரேன். எதுக்காகன்னா குபுருஷகரப்⁴ரஷ்டை: நிறைய கெட்ட புருஷர்களோட கையிலேருந்து நழுவி விழும் து³ஷ்டைர்த⁴னைருத³ரம்ப⁴ரி: – அவன் என்னென்னமோ பண்ணி சம்பாதிச்ச பணம். அந்த கெட்ட பணத்தை வாங்கிண்டு அதை வெச்சு வயிற்றை நிரப்பனும்ங்கிறதுக்காக நான் இப்படி சுத்தி சுத்தி வரேன். 

உலகம் முழுக்க சுத்திண்டிருக்கேன் கியந்தம் – எவ்ளோ நாள்தான் இப்படி இருக்கப் போறேன் தருணகருணே – கருணையே மிகுந்த உன் கடாக்ஷம் தந்த்³ராசூன்யே  – எப்பவும் சோம்பல் இல்லாத உன்னோட உள்ள துருதுருன்னு கடாக்ஷம்கிறார். 

அதாவது என்ன அர்த்தம்னா அந்த கடாக்ஷம் ஒருத்தனுக்கு கிடைச்சுதுன்னா,அவனுக்கு இந்த மாதிரி எல்லார் வீட்டு வாசல்ல நின்னு வயிற்றை நிரப்பற நிலைமை மாறிடும். எவ்ளோ பணக்காரனா இருந்தாலும் ஒரு வாட்டி கொடுப்பான். இரண்டு வாட்டி கொடுப்பான். அப்புறம் அலுத்துப்பான். 

ஆனா காமாக்ஷியினுடைய கடாக்ஷம் சோம்பல்  இல்லாமல் நமக்கு கொடுக்கும். அதுனால அம்மா, அந்த உன்னுடைய தரங்க³ய லோசனே – அலை போன்ற உன்னுடைய கடாக்ஷத்தை நமதி மயி தே கிஞ்சித் – என்மேல கொஞ்சம் போடக் கூடாதா? 

காஞ்சீபுரீமணிதீ³பிகே – காஞ்சிபுரத்துக்கு ஒரு மணிதீபம் போல விளங்கும் ஹே காமாக்ஷி உன்னுடைய கடாக்ஷம் எனக்கு கிடைச்சுடுதுன்னா இந்த மாதிரி கண்ட பேர் கிட்ட நான் போய் நிக்கற நிலைமை வராதேன்னு சொல்றார். 

மஹான்கள் எல்லாரும் அந்த பிரார்த்தனை பண்றா. உலகத்தாரை நம்ப வேண்டியதில்லை. நாம் பகவானை நம்பினா நமக்கு ஒரு வாழ்க்கை கொடுப்பார். தலையில எழுதியிருக்கிற சுக, துக்கங்கள் அந்தந்த வேளைக்கு வரும். இந்த நம்பிக்கை, தைரியம் வந்து, ஒருத்தரை பார்த்தாதான் அந்த மாதிரி ஒரு சத்குருவை பார்த்து, அவா நீ இந்த வழிபாடு பண்ணுன்னு சொல்லி அதை நாம கெட்டியா பிடிச்சிண்டு பண்ணினா தான் அந்த இரண்டு மணிநேரம் தினம் பண்றதுக்கு இடம் கொடுக்கறது. 

பகவான் வழிவிடறார். இது பண்ண முடியறதுன்னு தெரியும். இதை மூணு மணிநேரம் ஆக்கினா இன்னும் மேல மேல பஜனம் பண்ணினா அதனால ஒண்ணும் ஆபத்தே இல்ல. அதனால ரொம்ப சம்பத்துதான். அதுனால ரொம்ப க்ஷேமம்ங்கிறதை மஹான்கள் சொல்லி கொடுப்பா. நம்பி நாம பண்ணினோம்னா நாம் அதை அனுபவிக்கலாம்.

என் தலையில் எழுதிய பிரம்மாவுக்கு உபகாரம் செய்யும் பொருட்டே கெட்ட ஆசைக்கிடமானதும், கெட்ட அதிகாரிகளின் வாயிலில் நிற்கச் செய்வதும், பாபத்திற்கிடமாகி கெட்ட முடிவையே அளிப்பதுமான இப்பிறவிச் சுழலில் நான் அலுப்புறுவதை அகற்றாதிருக்கிறாயா? இப்படி செய்வதால் உனக்குப் ப்ரீதி ஏற்படுமானால் அந்தப் ப்ரீதிக்கு காரணமாகி கடைத்தேறியவர்களாகிறோம்! இதில் ஐயமில்லை.

AA : 

இல்லாமை சொல்லி ஒருவர் தம்பால்சென்று இழிவுபட்டு

நில்லாமை நெஞ்சில் நினைகுவிரேல், நித்தம் நீடுதவம்

கல்லாமை கற்ற கயவர்தம்பால் ஒரு காலத்திலும்

செல்லாமை வைத்த திரிபுரை பாதங்கள் சேர்மின்களே.

====

ததியுறு மத்திற் சுழலும் என்ஆவி தளர்விலதோர்
கதியுறும் வண்ணம் கருது கண்டாய்; கமலாலயனும்,
மதியுறு வேணி மகிழ்நனும், மாலும் வணங்கிஎன்றும்
துதியுறு சேவடியாய்! சிந்துரானன சுந்தரியே.

LS :  ஸம்ஸாரபங்க நிர்மக்ந ஸமுத்தரண பண்டிதா 

========================================================================

O Vibho ! This world is filled with base desires .Waiting at the doorsteps of wicked kings only leads one to endless miseries  . It is a dwelling of sins and a source of constant sorrows . I am weary and exhausted . Will You not remove my sufferings ? For whom are You showing Your kindness , if not to help ? If the compassion You extend to Your devotees truly reflects Your love , indeed we are fulfilled by this birth .