ஸ்ரீ லலிதா சஹஸ்ரநாமம் 14 குருவிந்தமணி ச்ரேணீகநத் கோடீரமண்டிதா - பதிவு 21

 ஆயகியாதி உடையாள் சரணம் அரண் நமக்கே 

14   कुरुविन्दमणिश्रेणीकनत्कोटीरमण्डिता - குருவிந்தமணி  ச்ரேணீகநத் கோடீரமண்டிதா - 

பதிவு 21

இன்று நாம் பார்க்கப் போகும் திருநாமம் 

14 कुरुविन्दमणिश्रेणीकनत्कोटीरमण्डिता - குருவிந்தமணி  ச்ரேணீகநத் கோடீரமண்டிதா - 

மிகவும் ரசிக்க வேண்டிய திரு நாமம் இது 🌸🌸🌸🌺🌺🌺

ஆஹா,   வரிசை வரிசையாக பல வித வர்ணங்களில் கண்ணைப்பறிக்கும் நவரத்ன ஈடற்ற மணிகள் பதித்த பத்ம ராக, வைர வைடூர்ய, கோமேதக, மாணிக்கம் , முத்து, பவழ  மணி மகுடம் தரித்திருக்கிறாள் அன்னை ஸ்ரீ லலிதாம்பிகை.  

குருவிந்த மணியைத்தான்  குந்துமணி என்று பிள்ளையாருக்கு கண்ணாக  வைத்து விநாயக சதுர்த்தியில்  களிமண் பிள்ளையார் வாங்குகிறோம். 

சிவப்பில் கருப்பு புள்ளி  அழகோ அழகு.🙏🙏🙏

*குருவிந்தமணி* = மாணிக்க கற்கள் 

*ஸ்ரேணி* = சரம

*கனத்* = பளபளக்கும் 

*கோடீர* = உச்சி / 

*மகுடம் மண்டிதா* = அலங்கரித்திருக்கிறது 

*குருவிந்தமணி ஸ்ரேணி கனத்கோடீர மண்டிதா* = 

மாணிக்க பரல்கள் பளபளக்கும் சரத்தால் மகுடத்தை அலங்கரித்திருப்பவள்🌺🌺🌺🌸🌸🌸👏👏👏

குருவிந்த மணிச்ரேணீ கனத் கோடீர மண்டிதா - குருவிந்தமணி என்பது பத்மராகக் கல். சிவப்பான 

இந்தக் கற்கள் அம்பாளின் கிரீடத்தில் வரிசையாக உள்ளன. 

அம்பாளுடைய கிரீடம், கோடீரம் என்ற வகையைச் சேர்ந்தது. 

கிரீடம், மகுடம் ஆகிய வகைகள் ஆண்கள் அணிபவை; கேசத்தை மறைக்கும்படியாக இருக்கும். 

பெண்கள் அணிகிற கோடீரம் என்பது கூந்தலின் சுருள்களையும் கேசபாரத்தின் அழகையும் மறைக்காதபடிக்கு அமைக்கப் பட்டிருக்கும். 

அம்பாளின் கோடீரத்தை தியானித்தால், நல்ல எண்ணங்கள் மிகும்.

எந்த நகை போட்டாலும் அவளுடைய ஒரு புன்னகைக்கு ஈடாகுமா?? .. 

பர்வத ராஜன் தன் மகளை தங்கத்தால் இழைத்தானாம் 

அவள் மேனியில் மின்ன வேண்டிய தங்க் நகைகள் பித்தளை போல் இளித்ததாம் பொலிவு குறைந்து ... 

அவள் கண்களில் இருந்து கொட்டும் காரூண்யம் ஒன்று போதும் அவள் ஜொலிக்க ... 

வரிசை வரிசையாக பல வித வர்ணங்களில் கண்ணைப்பறிக்கும் நவரத்ன ஈடற்ற மணிகள் பதித்த பத்ம ராக, வைர வைடூர்ய, கோமேதக, மாணிக்கம் , முத்து, பவழ  மணிகள் என்ன செய்யும் ? 

அன்னையின் மீது தவழ்ந்து இன்னும் அதிக பொலிவைப் பெறுகின்றன ..

எண்ணும் எழுத்தும் நிறைந்தவர் உள்ளத்தில் மட்டுமே அவள் குடியிருக்க ஆசைப்படுகிறாள் .. 

பொன்னும் பொருளும் நிறைந்தவர் உள்ளம் பொய்யில் விளையும் காடு அன்றோ 👍👍👍

சௌந்தரிய லஹரி 

பாடல் 42    கிரீட வர்ணனை  ஸகல வச்யம், ஜலரோக நிவாரணம்

ஸகல வச்யம், ஜலரோக நிவாரணம்

  கதைர் மாணிக்யத்வம் ககநமணிபி: ஸாந்த்ரகடி

தம்கிரீடம் தே ஹைமம் ஹிமகிரிஸுதே கீர்த்தயதி ய:

ஸ நீடேயச்சாயாச் சுரணசபளம் சந்த்ரசகலம்

தநு: செள்நாஸீரம் கிமிதி ந நிபத்நாதி தஷணாம்

மலையரசன் மகளே!, த்வாதச ஆதித்யர்களே மாணிக்கங்களாக இழைக்கப்பட்ட உன்னுடைய தங்கக் கிரீடத்தை எந்த பக்தனாவது வர்ணிக்கையில், உன் கிரீடத்தில் பதிந்திருக்கும் ரத்னங்களின் காந்தியால், [அந்த கிரீடத்தில் இருக்கும்] சந்திரன் பல நிறமுடையதாக தோன்றுவதைக் காணும் போது சந்த்ரனை இந்திர தனுஸோ என்று சந்தேகித்து அப்படியே வர்ணிக்கக்கூடும்.

ஈஸ்வரன் தன் தலையில் சந்திரனை அணிந்திருப்பது போல அம்பாளும் அணிந்திருக்கிறாள். ஆக அம்பாளும் சந்த்ரமெளலி தான். அன்னைக்கு "அஷ்டமிச் சந்த்ர விப்ரபா" என்ற நாமம் இருப்பதை நாம் அறிவோம். இவ்வாறாக அன்னையின் கிரீடத்தில் உள்ள சந்த்ரன் வெண்மையாக இருந்தாலும், அவளது கிரீடத்தில் இழைக்கப்பட்டிருக்கும் மற்ற நவரத்னங்களான பன்னிரு ஆதித்யர்களது ஒளியால் பல வர்ணங்களில் ஜகஜ்வலிக்கும் இந்திர தனுசு போன்று காக்ஷியளிக்கிறதாம். இதுவே "ஐந்த்ரஸ்யேவ சராஸனஸ்ய தததீ மத்யேலலாடம் ப்ரபாம்" என்று லகுஸ்துதியில் சொல்லப்பட்டிருக்கிறது. இங்கே த்வாதச ஆதித்யர்கள் அம்பாளுக்கு அருகில் இருந்து சேவை செய்கிறார்கள் என்பது குறிப்பு.                      

                                                👍👍👍👍👍👍👍👍👍👌👌👌👌